yanam mla resign: యానాం ఎమ్మెల్యే మల్లాడి రాజీనామా.. ప్రమాదంలో పుదుచ్చేరి ప్రభుత్వం – puducherry minister malladi krishna rao says he has resigned to yanam mla post

0
25


యానాం ఎమ్మెల్యే మల్లాడి కృష్ణారావు తన పదవికి రాజీనామా చేశారు. ఆయన రాజీనామా అంశం కేంద్రపాలిత ప్రాంతం పుదుచ్చేరిలో అలజడి రేపింది. మల్లాడి రాజీనామాతో పుదుచ్చేరిలో నారాయణ స్వామి ప్రభుత్వం ప్రమాదంలో పడింది. యానం నుంచి పలుమార్లు ఎమ్మెల్యేగా గెలుపొందిన మల్లాడి కృష్ణారావు.. నారాయణ స్వామి ప్రభుత్వంలో ఆరోగ్యశాఖ మంత్రిగా బాధ్యతలు చేపట్టారు. గత నెలలో ఆయన తన మంత్రి పదవికి రాజీనామా చేశారు. తాజాగా యానాం శాసనసభ సభ్యత్వానికి కూడా రాజీనామా చేశారు.

జనవరి 7న ఆయన మల్లాడి తన మంత్రి పదవికి రాజీనామా చేశారు. ఆ రాజీనామాను స్పీకర్ ఆమోదించకపోవడంతో తాజాగా ఎమ్మెల్యే సభ్యత్వానికి కూడా రాజీనామా చేశారు. ఈ విషయాన్ని సోమవారం (ఫిబ్రవరి 15) ఆయన ట్విటర్ ద్వారా వెల్లడించారు. మల్లాడి రాజీనామాతో పుదుచ్చేరి ప్రభుత్వం ప్రమాదంలో కూరుకుపోయింది.

కాంగ్రెస్ సీనియర్ నాయకుడిగా ప్రత్యేక గుర్తింపు పొందిన మల్లాడి కృష్ణారావు కేంద్రపాలిత ప్రాంతమైన పుదుచ్చేరిలోని యానాంకు 25 ఏళ్లుగా ఎమ్మెల్యేగా సేవలు అందిస్తున్నారు. పుదుచ్చేరిలో అనేక పదవులు చేపట్టారు. యానాంలో అనేక అభివృద్ధి కార్యక్రమాలు చేశారు. ప్రజల మనిషిగా పేరు పొందారు. ఆంధ్రప్రదేశ్ మాజీ ముఖ్యమంత్రి వైఎస్ రాజశేఖరరెడ్డి కుటుంబంతో మల్లాడి కృష్ణారావుకు ప్రత్యేక అనుబంధం ఉంది.

రాజకీయాల నుంచి తప్పుకుంటున్నట్లు గత నెలలో మల్లాడి కృష్ణారావు ప్రకటించారు. ఇకపై ఏ ఎన్నికలలో పోటీ చేయనని పేర్కొన్నారు. కొత్త వారికి అవకాశం ఇవ్వాలనే ఉద్దేశంతో ఈ నిర్ణయం తీసుకున్నట్లు వివరించారు. ఇతర మార్గాల్లో ప్రజలకు సేవ చేస్తానని ఆయన తెలిపారు. అయితే.. మల్లాడి రాజీనామా లేఖ తమకింకా అందలేని పుదుచ్చేరి ముఖ్యమంత్రి, స్పీకర్ పేర్కొనడం గమనార్హం.

LEAVE A REPLY

Please enter your comment!
Please enter your name here