woman kills mother-in-law: పక్కింటి బాత్రూమ్‌లోకి దూకిన కోడలు.. ఆరా తీస్తే..! – woman beats mother-in-law to death with iron rod and attempt suicide in maharashtra

0
26


హారాష్ట్రలోని రాయ్‌గఢ్ జిల్లాకు చెందిన యోగిత (32) అనే మహిళ రెండేళ్ల కిందట తన భర్తను కోల్పోయింది. ఆమె తన ఇద్దరు పిల్లలతో కలిసి అత్తారింట్లోనే ఉంటోంది. అయితే.. కొంత కాలంగా అత్త, కోడళ్ల మధ్య గొడవలు జరుగుతున్నాయి. ఇటీవల అవి తారాస్థాయికి చేరాయి. శుక్రవారం (ఫిబ్రవరి 20) వారిద్దరి మధ్య మరోసారి ఘర్షణ జరిగింది. తీవ్ర ఆగ్రహానికి గురైన యోగిత క్షణికావేశంలో తన అత్త తారాబాయ్‌ (66)ని ఇనుప రాడ్డుతో కొట్టింది.

అత్త తలపై, చెవి భాగంలో బలమైన గాయం కావడంతో ఆమె అక్కడికక్కడే కుప్పకూలి మరణించింది. మామ, ఇద్దరు పిల్లల కళ్ల ముందే యోగిత ఈ దారుణానికి పాల్పడింది. అత్తను రాడ్డుతో కొట్టి చంపిన ఆ కోడలు.. ఆందోళనకు గురై, గోడ దూకి పక్కింటి బాత్‌రూంలో దూరింది.

యోగిత పక్కింటి బాత్రూమ్‌లోకి దూకిన విషయం తెలుసుకున్న ఇరుగుపొరుగు వారు కంగారుపడ్డారు. ఆరా తీయగా అసలు విషయం తెలిసింది. దీంతో షాక్‌కు గురయ్యారు. పోలీసులకు ఫోన్ చేసి సమాచారం ఇచ్చారు.

క్షణికావేశంలో అత్తను చంపిన యోగిత తీవ్ర ఆందోళనకు గురైంది. పక్కింటి బాత్రూమ్‌లో దూరిన ఆమె లోపల నుంచి గడియ పెట్టుకుంది. స్థానికులు కొందరు ఆమెను బయటకు తీసుకురావడానికి ప్రయత్నించి విఫలమయ్యారు. పోలీసులు అరెస్టు చేస్తారనే భయంతో యోగిత టాయిలెట్‌ క్లీనర్‌ తాగి బలవన్మరణానికి ప్రయత్నించింది.

స్థానికులు ఇచ్చిన సమాచారంతో ఘటనా స్థలికి వచ్చిన పోలీసులు బాత్‌రూమ్ తలుపులు బద్దలు కొట్టారు. బాత్రూమ్ లోపల యోగిత ఆపస్మారక స్థితిలో పడి ఉంది. ఆమె టాయిలెట్ క్లీన్ చేసే ద్రావణాన్ని తాగినట్లు గ్రహించిన పోలీసులు వెంటనే సమీపంలోని ఆస్పత్రికి తరలించారు.

ప్రస్తుతం యోగిత ఆరోగ్య పరిస్థితి నిలకడగా ఉన్నట్లు వైద్యులు తెలిపారు. ఆమెపై హత్యానేరం కింద కేసు నమోదు చేసినట్లు పోలీసులు వెల్లడించారు. నిందితురాలు ఆస్పత్రి నుంచి విడుదలైన వెంటనే అదుపులోకి తీసుకొని విచారిస్తామని తెలిపారు.

Must Read:

వీళ్లు చెత్త తీసుకెళ్తారా.. ఎంత స్వీట్ వాయిస్!

నిద్రలో నడిచే అలవాటు.. అర్ధరాత్రి ఘోరం జరిగిపోయింది!

LEAVE A REPLY

Please enter your comment!
Please enter your name here