Vivaha Bhojanambu First Song: ‘వివాహ భోజనంబు’ తొలి పాట.. ‘ఎబిసిడి నువ్వు నా జోడి’ అంటోన్న సత్య – abcd song from sathya lockdown wedding comedy vivaha bhojanambu released

0
33


ప్రధానాంశాలు:

  • సందీప్ కిషన్ నిర్మాతగా ‘వివాహ భోజనంబు’
  • కామెడీ ఎంటర్‌టైనర్‌గా రూపొందుతోన్న చిత్రం
  • దర్శకత్వం వహిస్తోన్న రామ్ అబ్బరాజు

హాస్య నటుడు సత్య కథానాయకుడిగా పరిచయం అవుతోన్న సినిమా ‘వివాహ భోజనంబు’. అర్జావీ రాజ్ కథానాయిక. ఆనంది ఆర్ట్స్, సోల్జర్స్ ఫ్యాక్టరీ, వెంకటాద్రి టాకీస్ సమర్పణలో కె.ఎస్. శినీష్, సందీప్ కిషన్ ఈ చిత్రాన్ని నిర్మించారు. రామ్ అబ్బరాజు దర్శకత్వం వహించారు. నెల్లూరు ప్రభ అనే ప్రత్యేక పాత్రలో యువ హీరో సందీప్ కిషన్ నటించారు. ఈ చిత్రంలోని తొలి పాట ‘ఎబిసిడి… నువ్వు నా జోడీ’ని బుధవారం విడుదల చేశారు.

అనిరుద్ విజయ్ (అనివీ) బాణీ అందించిన ‘ఎబిసిడి’ పాటకి కిట్టు విస్సాప్రగడ సాహిత్యం అందించారు. ఇన్నో గెంగా ఆలపించారు. రోల్ రైడా ర్యాప్ పాడారు. కాలేజీ నేపథ్యంలో మొదలైన ఈ పాట కొంత ముందుకు వెళ్లేసరికి సత్య వేసిన స్టెప్పులు అందర్నీ ఆకర్షించాయి. సినిమాలో తనకు ఇష్టమైన పాట ‘ఎబిసిడి’ అని సందీప్ కిషన్ చెప్పారు.

గోపీచంద్‌తో సినిమా.. కచ్చీఫ్ వేసేసిన మారుతి.. షూటింగ్‌కు వెళ్లకుండానే రిలీజ్ డేట్ ఫిక్స్
లాక్‌డౌన్‌లో జరిగిన వాస్తవ సంఘటనల ప్రేరణతో రూపొందిన చిత్రమిది. కథ విషయానికి వస్తే.. పది రూపాయలు పార్కింగ్ టికెట్ కొనడానికి, స్నేహితులకు పుట్టినరోజు పార్టీ ఇవ్వడానికి ఇష్టపడని ఓ పిసినారి మహేష్ (సత్య).. కరోనా పుణ్యమా అని లాక్‌డౌన్ రావడంతో 30 మందితో సింపుల్‌గా పెళ్లి తంతు కానిచ్చేస్తాడు. కానీ, ఆ తరవాత అసలు కథ మొదలవుతుంది. లాక్‌డౌన్ పొడిగించడంతో పిసినారి మహేష్ ఎన్ని కష్టాలు పడ్డాడనేది తెరపై చూడాలని చిత్రబృందం చెబుతోంది.

సందీప్ కిషన్ పాత్ర సినిమాకు ప్రత్యేక ఆకర్షణగా నిలుస్తుందని, కథానాయకుడిగా సత్య అద్భుతంగా నటించాడని యూనిట్ వర్గాలు తెలిపాయి. ఈ చిత్రంలో ఇంకా సుదర్శన్, శ్రీకాంత్ అయ్యంగార్, సుబ్బరాయ శర్మ, టి.ఎన్.ఆర్, ‘వైవా’ హర్ష, శివోన్ నారాయణ, మధుమని, నిత్యా శ్రీ, కిరీటి, దయ, కల్పలత నటించారు. కిట్టు విస్సాప్రగడ, కృష్ణ చైతన్య సాహిత్యం అందించిన ఈ చిత్రానికి అనివీ సంగీతం సమకూర్చారు. భాను భోగవరపు కథ అందించగా.. నందు ఆర్.కె మాటలు రాశారు. మణికందన్ సినిమాటోగ్రఫీ అందంచిన ఈ సినిమాకు చోటా కె. ప్రసాద్ ఎడిటర్.

సత్య ‘వివాహ భోజనంబు’.. ఎబిసిడి పాట అదిరింది!

LEAVE A REPLY

Please enter your comment!
Please enter your name here