Vithika Sheru Sister Marriage: అందుకే కష్టపడి నీ పెళ్లి చేశాను తల్లి.. చెల్లెలి వివాహంపై వితికా షెరు భావోద్వేగం – your marriage was my dream vithika sheru on sister krithika marriage

0
59


హీరో వరుణ్ సందేశ్ భార్య, బిగ్ బాస్ ఫేమ్ వితికా షెరు తన చెల్లెలు కృతికా షెరు వివాహాన్ని ఘనంగా జరిపించారు. కృతిక వివాహం క్రిష్ణతో సోమవారం జరిగింది. ఇటీవలే కృతిక, క్రిష్ణ నిశ్చితార్థం జరిగింది. ఈ నిశ్చితార్థ వేడుకలో బిగ్ బాస్ సీజన్ 3 కంటెస్టెంట్లు చాలా మంది పాల్గొన్నారు. అలాగే, వరుణ్-వితికా జంట ప్రత్యేక ఆకర్షణగా నిలిచింది. ఈరోజు కృతిక వివాహం జరగగా.. తన చెల్లెలి పెళ్లి పట్ల వితికా ఎమోషనల్ అయ్యారు. ఇన్‌స్టాగ్రామ్‌లో ఒక పోస్ట్ పెట్టారు. పెళ్లికూతురైన చెల్లెలి ఫొటోను కూడా షేర్ చేశారు.

ఆరోజు మా నాన్న వర్థంతి.. ఎంత ట్రై చేసినా స్టెప్ రాలేదు: కంటతడిపై మోనాల్ క్లారిటీ
‘‘కృతికా షెరు.. నా బంగారుతల్లి. నీ పెళ్లి గురించి నా పెళ్లి కంటే ఎక్కువ కలలు కన్నాను. అందుకే కష్టపడి, చాలా ఇష్టపడి నీ పెళ్లి చేశాను. నువ్వు నాకు చెల్లిలా పుట్టావు కానీ.. నేను నిన్ను తల్లిలా పెంచుకున్నాను. నీ పెళ్లి నా కల. ఈ క్షణం గురించి సుమారు 20 ఏళ్లుగా కలలు కంటూనే ఉన్నాను. నా కల నిజమైనందుకు, నీ పెళ్లి స్వయంగా నేనే చేసినందుకు గర్వంగా ఉంది. నీకు అండగా నేను ఎప్పుడూ ఉంటాను. కానీ, నువ్వు జీవితంలో ఎంతో ఎదగాలని.. నీకు నా అవసరం కానీ, ఇంకెవ్వరి అవసరం కానీ రాకూడదని కోరుకుంటున్నాను. నువ్వు కొత్త ఇల్లు కొనుక్కోవాలి. నువ్వు అనుకున్నవన్నీ నెరవేరాలి. ఐ లవ్ యు. ఇప్పటి నుంచీ నువ్వు చేసే ప్రతి పనీ నేను గర్వపడాలే చేయాలి. నీ వైవాహిక జీవితానికి నా శుభాకాంక్షలు. ఆ దేవుడు మీ ఇద్దరినీ చల్లగా చూడాలి. క్రిష్ బాగా చూస్కో..!’’ అని వితిక ఇన్‌స్టాగ్రామ్ పోస్ట్‌లో పేర్కొన్నారు.

ఇదిలా ఉంటే, కృతికా షెరు బిగ్ బాస్ తెలుగు సీజన్ 3లో ఫ్యామిలీ స్పెషల్ ఎపిసోడ్‌లో కనిపించారు. బావా అక్కలు వరుణ్, వితికాలకు ఆమె శుభాకాంక్షలు తెలిపారు. టైటిల్ గెలవాలని కోరుకున్నారు. ఇక వితికా షెరు కెరీర్ విషయానికి వస్తే.. ప్రస్తుతం ఆమె ఆన్‌లైన్ ద్వారా అభిమానులకు వినోదం పంచుతున్నారు. తన యూట్యూబ్ ఛానెల్, ఇన్‌స్టాగ్రామ్ ద్వారా ఎప్పటికప్పుడు టచ్‌లో ఉంటున్నారు. అలాగే, టీవీలో ప్రసారం అవుతోన్న ఒక పాటల కార్యక్రమానికి యాంకర్‌గా వ్యవహరిస్తున్నారు. మరోవైపు, వరుణ్ సందేశ్ యు.ఎస్.లో ఉన్న తన తల్లిదండ్రులతో కాస్త సమయాన్ని గడిపి ఇటీవలే ఇండియాకు తిరిగొచ్చారు. ఇద్దరూ కలిసి కృతికా షెరు పెళ్లిలో సందడి చేశారు.

LEAVE A REPLY

Please enter your comment!
Please enter your name here