Vishwak Sen: సిగ్గులేని బతుకు.. నీ ఇంట్లో లేడీస్‌ను ఇలానే అంటావా: యూట్యూబ్ ఛానెల్‌‌పై విశ్వక్‌ సేన్ ఫైర్ – vishwak sen fires on youtube channel over nandita swetha video thumbnail

0
25


ప్రధానాంశాలు:

  • ‘అక్షర’ సాంగ్ లాంచ్ ఈవెంట్‌లో పాల్గొన్న విశ్వక్ సేన్
  • నందితా శ్వేత మాటలను వక్రీకరిస్తూ తంబ్‌నెయిల్ పెట్టిన యూట్యూబ్ ఛానెల్
  • తంబ్‌నెయిల్ క్రియేటర్, యూట్యూబ్ ఛానెల్‌పై విశ్వక్ ఫైర్

ఒక వీడియోకు పెట్టిన తంబ్‌నెయిల్ ఎంత ఆసక్తికరంగా ఉంటే అంత ఎక్కువ మంది యూజర్లు ఆ వీడియోను క్లిక్ చేసి చూస్తారు. ఇది అందరికీ తెలిసిన విషయమే. అయితే, వ్యూస్ పిచ్చిలో పడి కొన్ని యూట్యూబ్ ఛానెళ్లు హద్దులు దాటుతున్నాయి. అది ఒక సర్వసాధారణ వీడియో అయినా దానికి సంబంధం లేకుండా తబ్‌నెయిల్స్ పెట్టి యూజర్లను ఆకర్షించాలని చూస్తున్నాయి. ద్వంద్వార్థాలు ధ్వనించే విధంగా తంబ్‌నెయిల్స్ పెట్టి వ్యూస్ కొట్టేయాలని చూస్తున్నాయి. అలాంటి ఒక యూట్యూబ్ ఛానెల్‌కు యంగ్ హీరో విశ్వక్ సేన్ వార్నింగ్ ఇచ్చారు.

ఆదివారం జరిగిన ‘అక్షర’ సాంగ్ లాంచ్ ఈవెంట్‌లో విశ్వక్ సేన్ ముఖ్య అతిథిగా విచ్చేసి పాటను విడుదల చేశారు. ఈ సందర్భంగా హీరోయిన్ నందితా శ్వేత మాట్లాడుతూ విశ్వక్ సేన్ రాక వల్ల తమ సినిమాకు హైప్ వచ్చిందని అన్నారు. అయితే, నందితా శ్వేత మాట్లాడిన వీడియోను పోస్ట్ చేసిన యూట్యూబ్ ఛానెల్.. ఆమె అస్సలు అనని మాటలను తంబ్‌నెయిల్‌గా పెట్టింది. ఆ తంబ్‌నెయిల్ కూడా ద్వంద్వార్థం ధ్వనించేలా ఉంది. ఈ తంబ్‌నెయిల్‌ను యూట్యూబ్‌లో చూసిన విశ్వక్ సేన్ ఆగ్రహంతో ఒక వీడియోను విడుదల చేశారు.

రేటు భారీగా పెంచేసిన రవితేజ.. 68వ సినిమాకు అంత తీసుకుంటున్నారా?
ఈ వీడియోలో విశ్వక్ సేన్ మాట్లాడుతూ.. ‘‘మనకు కూడా ఫ్యామిలీ ఉంది, ఇంట్లో లేడీస్ ఉన్నారు, మన ఇంట్లో లేడీస్‌పై ఇలా మాట్లాడితే ఎలా ఉంటుంది అని కొంచెం కూడా ఏమీ అనిపించట్లేదా? ఆ అమ్మాయి మాట్లాడింది ఏంటి.. మీరు రాసింది ఏంటి. ఆ అమ్మాయి ఇది చూసిందో లేదో నాకు తెలీదు కానీ.. మీరు రాసింది ఎంత గలీజు ఉందో తెలుసా? కొంచెం విలువలు పాటించండి. మన ఇంట్లో లేడీస్ ఉన్నారు, వాళ్ల గురించి కూడా ఇలానే మాట్లాడదాం అనే ఇంటెన్షన్ ఉంటేనే నువ్వు ఇలా రాస్తావ్. ఎంత సిగ్గులేని బతుకంటే నీది. ఆ తంబ్‌నెయిల్ రాసినోడు ఎవడో నాకు తెలీదు కానీ 24 గంటలు లోగా సారీ చెబుతూ వీడియో పెట్టాలి. లేకపోతే నువ్వు ఎక్కడున్నా నీ ఇంటి అడ్రస్ వెతుక్కుంటూ వచ్చి నీతో వీడియో పెట్టిస్తా. నాకు షూటింగ్ ఉన్నా పర్వాలేదు’’ అని హెచ్చరించారు.

ఏం సిగ్గులేని బతుకు నీది.. యూట్యూబ్ ఛానెల్‌పై విశ్వక్ సేన్ ఆగ్రహం

LEAVE A REPLY

Please enter your comment!
Please enter your name here