virudhunagar fire: తమిళనాడు: బాణాసంచా ఫ్యాక్టరీలో పేలుడు.. 11 మంది సజీవదహనం – more than ten killed due fire breaks out at a firecracker factory in virudhunagar

0
21


ప్రధానాంశాలు:

  • తమిళనాడులో 11 మందిని బలితీసుకున్న ప్రమాదం.
  • నిర్లక్ష్యం కారణంగా బాణాసంచా ఫ్యాక్టరీలో భారీ పేలుడు.
  • రెండు గంటల పాటు కొనసాగిన బాంబు పేలుళ్లు.

తమిళనాడులో శుక్రవారం మధ్యాహ్నం భారీ అగ్ని ప్రమాదం సంభవించింది. బాణా సంచా కార్మాగారంలో పేలుడు చోటుచేసుకుని 11 మంది సజీవదహనమయ్యారు. ఈ ఘటనలో మరో 12 మంది గాయపడ్డారు. విరుధ్‌నగర్ జిల్లాలో సత్తూరు సమీపంలోని అచన్‌కులమ్ వద్ద ఈ ఘటన చోటుచేసుకుంది. ప్రమాదం గురించి తెలుసుకున్న అగ్నిమాపక సిబ్బంది ఘటనా స్థలికి చేరుకుని సహాయక చర్యలు ప్రారంభించాయి. మొత్తం 35 అగ్నిమాపక యంత్రాలతో మంటలను ఆర్పుతున్నారు.

మధ్యాహ్నం 1.45 గంటల ప్రాంతంలో ఈ ప్రమాదం చోటుచేసుకోగా.. చాలా సేపటి వరకూ పేలుళ్లు కొనసాగాయి. దీంతో సహాయక చర్యలకు తీవ్ర ఆటంకం ఏర్పడింది. అగ్నిమాపక, పోలీస్ సిబ్బంది ఘటన జరిగిన చోటుకు చేరుకోడానికి విఘాతం కలిగింది. ప్రమాద సమయానికి కర్మాగారంలో దాదాపు 30 మంది వరకు ఉన్నట్టు భావిస్తున్నారు. ప్రమాదానికి గల కారణాలు తెలియరాలేదు.

పేలుడు ధాటికి నాలుగు భవనాలు పూర్తిగా ధ్వంసమయ్యింది. మృతదేహాలు చెల్లచెదురుగా పడిపోయాయి. భారీ శబ్దం రావడంతో చుట్టుపక్కల ప్రాంతాల్లోని జనం ఇళ్ల నుంచి పరుగులు తీశారు. అక్కడ భీతావాహ దృశ్యాాల చూసి స్థానికులు భయాందోళనకు గురయ్యారు.

మంటలను అదుపుచేయడానికి సత్తూరు, శివకాశీ, వెంబకొట్టాయ్ నుంచి అగ్ని మాపక యంత్రాలను రప్పించినట్టు అధికారులు తెలిపారు. ఘటనా స్థలిలోనే ఎనిమిది మంది ప్రాణాలు కోల్పోగా.. గాయపడిన 24 మందిని చికిత్స కోసం విరుధ్‌నగర్ జిల్లా ఆస్పత్రికి తరలించినట్టు ఫైర్ ఆఫీసర్ కే గణేశన్ అన్నారు. మిగతవారిని సత్తూరు ఆస్పత్రికి తరలించారు.

‘మొత్తం 35 ఫైర్ ఇంజిన్లతో మంటలను ఆర్పుతున్నారు.. ప్రస్తుతం మంటలు అదుపులోకి వచ్చాయి.. పొగ మొత్తం కమ్మేసిందని.. శిథిలాలను తొలగించడానికి చాలా శ్రమించాల్సి వచ్చింది’ అని అన్నారు. పోలీస్, రెవెన్యూ అధికారులు ఘటనా స్థలికి చేరుకుని సహాయక చర్యలను పర్యవేక్షిస్తున్నారు. ఈ ప్రమాదం కేసు నమోదుచేసిన పోలీసులు దర్యాప్తు ప్రారంభించారు.

LEAVE A REPLY

Please enter your comment!
Please enter your name here