Virata Parvam Release Date: రానా ‘విరాట‌ప‌ర్వం’ విడుదల తేదీ ఖరారు.. మండు వేసవిలో వస్తోన్న వెన్నెల – rana daggubati virata parvam to release on april 30

0
25


ప్రధానాంశాలు:

  • రానా, సాయిపల్లవి జంటగా ‘విరాటపర్వం’
  • మావోయిస్టు ఉద్యమం నేపథ్యంలో సినిమా
  • వేణు ఊడుగుల దర్శకుడు

రానా, సాయి ప‌ల్లవి జంట‌గా వేణు ఊడుగుల ద‌ర్శక‌త్వంలో రూపొందుతున్న సినిమా ‘విరాట‌ప‌ర్వం’. డి. సురేష్ బాబు స‌మ‌ర్పణ‌లో ఎస్‌.ఎల్‌.వి. సినిమాస్ ప‌తాకంపై సుధాక‌ర్ చెరుకూరి ఈ చిత్రాన్ని నిర్మిస్తున్నారు. ‘రివ‌ల్యూష‌న్ ఈజ్ యాన్ యాక్ట్ ఆఫ్ ల‌వ్’ అనేది ట్యాగ్‌లైన్‌. ప్రస్తుతం పోస్ట్ ప్రొడ‌క్షన్ పనులు జరుపుకుంటోన్న ‘విరాట‌ప‌ర్వం’ను ఏప్రిల్ 30న విడుద‌ల చేయ‌డానికి స‌న్నాహాలు చేస్తున్నారు. ఈ మేరకు విడుదల తేదీతో కూడిన కొత్త పోస్టర్లను గురువారం విడుదల చేశారు. ఒక పోస్టర్‌లో నక్సలైట్ లుక్‌లో ఉన్న రానా చాలా సీరియస్‌గా నడుచుకుంటూ వెళ్తుండగా.. మరో పోస్టర్‌లో సాయి పల్లవి సైకిల్ తొక్కుతూ కనిపించారు. ఈ పోస్టర్ ద్వారా సాయి పల్లవి క్యారెక్టర్‌ను కూడా పరిచయం చేశారు. ఆమె పేరు వెన్నెల.

కాగా, ఇప్పటివ‌ర‌కూ ఈ చిత్రంలోని ప్రధాన పాత్రధారుల‌కు సంబంధించి విడుద‌ల చేసిన ఫ‌స్ట్ లుక్ పోస్టర్స్‌కు, రానా బ‌ర్త్‌డే సంద‌ర్భంగా రిలీజ్ చేసిన ఫ‌స్ట్ గ్లింప్స్‌, సంక్రాంతి ప‌ర్వదినాన రిలీజ్ చేసిన రానా-సాయిప‌ల్లవి జంట పోస్టర్‌కు సూప‌ర్బ్ రెస్పాన్స్ వ‌చ్చింది. నిజానికి ఇవ‌న్నీ ‘విరాట‌ప‌ర్వం’పై అంచ‌నాల‌ను పెంచి.. ఆడియన్స్‌లో, ఇండ‌స్ట్రీ వ‌ర్గాల్లో క్రేజ్ తీసుకొచ్చాయి. రానా, సాయిప‌ల్లవి జోడీ చూడ‌చ‌క్కగా ఉంద‌ని అన్ని వ‌ర్గాల నుంచీ ప్రశంస‌లు వ‌చ్చాయి.

అనసూయ ఔట్‌స్టాండింగ్.. స్టార్ యాంకర్‌ సినిమాపై వెంకీ మామ ప్రశంసలు
ఒక యూనిక్ కాన్సెప్ట్‌తో రూపొందుతోన్న ఈ చిత్రంలో ఇప్పటివ‌ర‌కూ క‌నిపించ‌ని పాత్రల్లో రానా, సాయి ప‌ల్లవి న‌టిస్తున్నారు. మిగ‌తా ముఖ్య పాత్రల్లో ప్రియ‌మ‌ణి, నందితా దాస్‌, నివేదా పేతురాజ్‌, న‌వీన్ చంద్ర, జ‌రీనా వ‌హాబ్‌, ఈశ్వరీ రావ్‌, సాయిచంద్ క‌నిపించ‌నున్నారు. బెన‌ర్జీ, నాగినీడు, రాహుల్ రామ‌కృష్ణ, దేవీప్రసాద్‌, ఆనంద్ ర‌వి, ఆనంద్ చ‌క్రపాణి ఇతర తారాగణం. సురేష్ బొబ్బిలి సంగీతం సమకూరుస్తోన్న ఈ చిత్రానికి డానీ సాంచెజ్ లోపెజ్‌, దివాకర్ మ‌ణి సినిమాటోగ్రఫీ అందించారు. స్టీఫెన్ రిచ‌ర్డ్‌, పీట‌ర్ హెయిన్‌ యాక్షన్ కొరియోగ్రఫీ చేశారు. రాజు సుంద‌రం, ప్రేమ్ ర‌క్షిత్‌ పాటలకు కొరియోగ్రఫీ అందించారు.

LEAVE A REPLY

Please enter your comment!
Please enter your name here