Vijay Sethupathi Uppena Poster: విజయ్ సేతుపతికి ‘ఉప్పెన’ టీమ్ బర్త్‌డే విషెస్.. పోస్టర్ అదిరింది! – uppena team wishes vijay sethupathi on his birthday with special poster

0
38


పంజా వైష్ణవ్ తేజ్‌, కృతి శెట్టి జంట‌గా నటించిన చిత్రం ‘ఉప్పెన’. సుకుమార్ రైటింగ్స్ భాగ‌స్వామ్యంతో మైత్రీ మూవీ మేక‌ర్స్ నిర్మించిన చిత్రమిది. సుకుమార్ వద్ద దర్శకత్వ శాఖలో పనిచేసిన బుచ్చిబాబు సానా ద‌ర్శకుడిగా ప‌రిచ‌య‌మ‌వుతున్నారు. త‌మిళ స్టార్ యాక్టర్ విజ‌య్ సేతుప‌తి ఈ చిత్రంలో ఓ కీల‌క పాత్ర పోషించారు. నేడు (జ‌న‌వ‌రి 16) ఆయ‌న పుట్టినరోజు సంద‌ర్భంగా ఆయ‌న‌కు శుభాకాంక్షలు తెలియ‌జేస్తూ చిత్ర బృందం ఒక పోస్టర్‌ను విడుదల చేసింది.
ఈ స్పెషల్ పోస్టర్‌లో విజయ్ సేతుపతి లుక్ పెద్ద మనిషి తరహాలో ఉంది. ఖద్దర్ చొక్కా, పంచె ధ‌రించిన విజ‌య్ సేతుప‌తి ఫోన్‌లో ఎవ‌రితోనో మాట్లాడుతూ క‌నిపిస్తున్నారు. ఆయ‌న మ‌రో చేతిలో న‌ల్ల క‌ళ్లద్దాలు ఉన్నాయి. ఈ మూవీలో ఆయ‌న‌ది చాలా ప‌వ‌ర్‌ఫుల్ రోల్ అని చిత్ర బృందం తెలిపింది.

తల్వార్‌తో కేక్ కటింగ్: అరెస్టు చేయాలని డిమాండ్.. క్షమాపణలు చెప్పిన విజయ్ సేతుపతి
కాగా, ‘ఉప్పెన’ చిత్రానికి సంబంధించి పోస్ట్ ప్రొడ‌క్షన్ స‌హా అన్ని ప‌నులూ పూర్తయ్యాయి. త్వర‌లో చిత్రాన్ని విడుద‌ల చేయ‌డానికి నిర్మాత‌లు స‌న్నాహాలు చేస్తున్నారు. స‌ముద్రతీర ప్రాంతంలోని ఓ గ్రామంలో ఓ పేదింటి అబ్బాయికీ, ఓ సంప‌న్న కుటుంబానికి చెందిన కాలేజీకి వెళ్లే అమ్మాయికీ మ‌ధ్య ప్రేమ ఎలాంటి ప‌రిణామాల‌కు దారితీసింద‌నే పాయింట్ చుట్టూ ఈ చిత్ర క‌థ న‌డుస్తుంది.

ఇటీవ‌ల హీరో పంజా వైష్ణవ్ తేజ్ పుట్టిన‌రోజు సంద‌ర్భంగా విడుద‌ల చేసిన టీజ‌ర్‌కు ప్రేక్షకుల నుంచి సూప‌ర్బ్ రెస్పాన్స్ ల‌భించింది. వైష్ణవ్ తేజ్‌, కృతి శెట్టి మ‌ధ్య కెమెస్ట్రీ అదిరిపోయింద‌నీ, వారి పెర్ఫార్మెన్స్ చాలా బాగుంద‌నీ నెటిజ‌న్లు ప్రశంసిస్తున్నారు. డైరెక్టర్ టేకింగ్‌ను బాగా మెచ్చుకుంటున్నారు. ఈ టీజ‌ర్‌తో ‘ఉప్పెన‌’పై అంచ‌నాలు అనూహ్యంగా పెరిగాయి.

దేవిశ్రీ ప్రసాద్ స్వరాలు స‌మ‌కూర్చగా.. ఇప్పటికే విడుద‌లైన‌ ‘నీ క‌న్ను నీలి స‌ముద్రం’, ‘ధ‌క్ ధ‌క్‌’, ‘రంగుల‌ద్దుకున్న’ పాట‌లు మ్యూజిక్ ల‌వ‌ర్స్‌ను బాగా అల‌రిస్తున్నాయి. త‌న మ్యూజిక్ టేస్ట్‌తో, పాట‌ల‌ను ప్రెజెంట్ చేసిన విధానంతో అంద‌రి దృష్టినీ త‌న‌వైపుకు తిప్పుకున్న ద‌ర్శకుడు బుచ్చిబాబు.. ఈ చిత్రానికి క‌థ‌, స్క్రీన్‌ప్లే, సంభాష‌ణ‌ల‌ను కూడా అందిస్తున్నారు.

LEAVE A REPLY

Please enter your comment!
Please enter your name here