vijay sethupathi: Jr NTR: ఎన్టీఆర్‌కు విలన్‌గా విజయ్ సేతుపతి.. మరో క్రేజీ కాంబోకు సన్నాహాలు!! – vijay sethupathi reportedly to play villain in jr ntr and trivikram film

0
26


ప్రధానాంశాలు:

  • త్రివిక్రమ్‌తో సినిమా చేస్తున్న జూనియర్ ఎన్టీఆర్
  • విజయ్ సేతుపతిని విలన్‌గా దించుతోన్న మాటల మాంత్రికుడు?
  • ‘ఉప్పెన’తో తెలుగు ప్రేక్షకులకు మరింత దగ్గరైన మక్కల్ సెల్వన్

తమిళ స్టార్ నటుడు, మక్కల్ సెల్వన్ విజయ్ సేతుపతి గురించి ప్రస్తుతం తెలుగు రాష్ట్రాల్లో విపరీతంగా మాట్లాడుకుంటున్నారు. దానికి కారణం ‘ఉప్పెన’లో ఆయన చేసిన రాయణం పాత్ర. నిన్న మొన్నటి వరకు తమిళ అనువాద చిత్రాల ద్వారా తెలుగు ఆడియన్స్‌ను ఆకట్టుకున్న విజయ్ సేతుపతి.. ‘ఉప్పెన’తో డైరెక్ట్ తెలుగు సినిమా చేసి మెప్పించారు. అంతేకాదు, ఆయన చేరికతో ‘ఉప్పెన’ సినిమా స్థాయి కూడా పెరిగింది. విజయ్ సేతుపతి లాంటి బిజీ ఆర్టిస్ట్ కొత్త దర్శకుడికి ఓకే చెప్పడంతో ఆయనపై ప్రశంసల వర్షం కురిసింది. మెగాస్టార్ చిరంజీవి దగ్గర నుంచి ప్రతి ఒక్కరూ విజయ్ సేతుపతి నటనను కొనియాడారు.

‘ఉప్పెన’ సినిమాకు విజయ్ సేతుపతి ఇచ్చి బూస్ట్ బాగా వర్కౌట్ అవ్వడంతో ఇప్పుడు తెలుగు నిర్మాతలు, దర్శకుల కన్ను ఆయనపై పడింది. విజయ్ సేతుపతి తమిళంలో ఒకవైపు హీరోగా నటిస్తూనే నెగిటివ్ రోల్స్ కూడా చేస్తున్నారు. సంక్రాంతికి విడుదలైన ‘మాస్టర్’ సినిమాలో విలన్‌గా తన విశ్వరూపం చూపించారు. అందుకే, ఇప్పుడు విజయ్ సేతుపతిని తెలుగులోనూ పవర్‌ఫుల్ విలన్‌గా చూపించేందుకు సన్నాహాలు జరుగుతున్నాయని ఇండస్ట్రీ వర్గాల టాక్.

రేటు భారీగా పెంచేసిన రవితేజ.. 68వ సినిమాకు అంత తీసుకుంటున్నారా?
మాటల మాంత్రికుడు త్రివిక్రమ్ దర్శకత్వంలో యంగ్ టైగర్ ఎన్టీఆర్ సినిమా చేస్తున్న సంగతి తెలిసిందే. ఎన్టీఆర్ 30వ చిత్రంగా రూపొందుతోన్న ఈ ప్రాజెక్ట్ మార్చి నుంచి రెగ్యులర్ షూటింగ్ జరుపుకోనుంది. ఈ సినిమాలో ఎన్టీఆర్‌కు విలన్‌గా విజయ్ సేతుపతిని త్రివిక్రమ్ సంప్రదిస్తున్నట్టు వదంతులు వినిపిస్తున్నాయి. ఈ సినిమాలో విలన్ పాత్ర చాలా వైవిధ్యంగా ఉంటుందట. అందుకే, ఇలాంటి పాత్రకు విజయ్ సేతుపతి అయితే వంద శాతం న్యాయం చేస్తారని త్రివిక్రమ్ నమ్ముతున్నారని టాక్. అయితే, త్రివిక్రమ్‌కు విజయ్ సేతుపతి ఓకే చెప్తారో లేదో చూడాలి అని అంటున్నారు.

‘అరవింద సమేత’ లాంటి బ్లాక్ బస్టర్ మూవీ తర్వాత త్రివిక్రమ్-ఎన్టీఆర్ కాంబినేషన్‌లో వస్తోన్న సినిమా కావడంతో దీనిపై భారీ అంచనాలున్నాయి. ఇంచుమించుగా ‘అరవింద సమేత’కు పనిచేసిన టెక్నికల్ టీమే ఈ చిత్రానికి పనిచేస్తుంది. కాకపోతే, ఎన్టీఆర్ అన్నయ్య నందమూరి కళ్యాణ్ రామ్ ఈ చిత్ర నిర్మాణంలో భాగమయ్యారు. హారిక అండ్ హాసిని క్రియేషన్స్, యన్.టి.ఆర్. ఆర్ట్స్ బ్యానర్లపై ఎస్.రాధాక్రిష్ణ (చినబాబు), కళ్యాణ్ రామ్ ఈ చిత్రాన్ని నిర్మిస్తున్నారు.

LEAVE A REPLY

Please enter your comment!
Please enter your name here