vijay sethupathi: విజయ్ సేతుపతిపై సుకుమార్ సీరియస్.. ఎమోషనల్ అయిపోయానన్న క్రియేటివ్ డైరెక్టర్ – director sukumar shares an untold conversation with vijay sethupathi in uppena promotions

0
20


ప్రధానాంశాలు:

  • ‘ఉప్పెన’తో దర్శకుడిగా పరిచయమవుతోన్న సుకుమార్ శిష్యుడు
  • విజయ్ సేతుపతి కోసమే పాత్రను రాసుకున్న బుచ్చిబాబు
  • మక్కల్ సెల్వన్‌ను ఒప్పించే సమయంలో ఆయనపై సుకుమార్ సీరియస్

తమిళ స్టార్ నటుడు, అభిమానులు మక్కల్ సెల్వన్‌గా పిలుచుకునే విజయ్ సేతుపతిపై క్రియేటివ్ డైరెక్టర్ సుకుమార్ సీరియస్ అయ్యారట. ‘ఉప్పెన’ సినిమాలో పాత్ర కోసం విజయ్ సేతుపతిని సంప్రదించినప్పుడు సుకుమార్ బాగా ఎమోషనల్ అయ్యారట. ఆయనపై కోప్పడ్డారట. ఈ విషయాన్ని సుకుమార్ స్వయంగా వెల్లడించారు.

సుకుమార్ శిష్యుడు, ఆయన దగ్గర దర్శకత్వ శాఖలో పనిచేసిన బుచ్చిబాబు సానా ‘ఉప్పెన’ సినిమాతో దర్శకుడిగా పరిచయం అవుతోన్న సంగతి తెలిసిందే. ఈ సినిమా ద్వారా మెగా ఫ్యామిలీకి చెందిన వైష్ణవ్ తేజ్, కన్నడ అమ్మాయి కృతిశెట్టి హీరోహీరోయిన్లుగా పరిచయమవుతున్నారు. విజయ్ సేతుపతి హీరోయిన్ తండ్రిగా కీలక పాత్ర పోషించారు. ఈ సినిమా ఈనెల 12న ప్రేక్షకుల ముందుకు వస్తోంది. ఈ నేపథ్యంలో చిత్ర ప్రచారంలో భాగంగా ‘ఉప్పెన’ టీమ్ సుకుమార్ ఆధ్వర్యంలో స్పెషల్ ఇంటర్వ్యూ ఇచ్చింది.

స్విమ్మింగ్ పూల్ వద్ద రాశీ ఖన్నా చిల్లింగ్.. బికినీలో బాప్‌రే అనిపిస్తోంది!
ఈ ఇంటర్వ్యూలో భాగంగా విజయ్ సేతుపతి పాత్ర ప్రస్తావన వచ్చింది. అసలు ‘రాయణం’ అనే పాత్ర విజయ్ సేతుపతిని దృష్టిలో పెట్టుకుని రాశారా? లేదంటే పాత్ర రాసిన తరవాత విజయ్ సేతుపతి అనుకున్నారా? అని దర్శకుడు బుచ్చిబాబును యాంకర్ శ్యామల ప్రశ్నించారు. దీనికి ఆయన సమాధానం ఇస్తూ.. ‘‘నేను రాయణం అని మొదట రాయలేదు. విజయ్ సేతుపతి అనే రాసుకున్నాను. తరవాత ఆ పాత్రకు రాయణం అని పేరు పెట్టాను. ఆ పాత్ర విజయ్ సేతుపతి గారితోనే చేయించాలని ముందే నిర్ణయించుకున్నాను’’ అని బదులిచ్చారు.

దీనికి కొనసాగింపుగా సుకుమార్ మాట్లాడారు. అసలు విజయ్ సేతుపతిని ఎలా ఒప్పించారో చెప్పారు. విజయ్ సేతుపతిని మొదట బ్యాంకాక్‌లో సుకుమార్ కలిశారట.. అక్కడే ఈ పాత్ర గురించి ఆయనకు చెప్పారట. ఆ తరవాత చెన్నై వెళ్లి విజయ్ సేతుపతిని కలిసి ఈ సినిమా గురించి, ఆయన పాత్ర గురించి చెప్పారట. అనంతరం విజయ్ సేతుపతి హైదరాబాద్ వచ్చినప్పుడు పార్క్ హయత్‌లో బుచ్చిబాబుకు ఆయనతో మీటింగ్ ఏర్పాటు చేశారట. అప్పుడే పూర్తి కథను విజయ్ సేతుపతికి బుచ్చిబాబు నెరేట్ చేశారట.

‘బజార్ రౌడి’ మోషన్ పోస్టర్: బాప్‌రే బర్నింగ్ స్టార్.. ఎంటర్‌టైన్మెంట్ పక్కా
కథ విన్న తరవాత సుకుమార్‌తో మాట్లాడిన విజయ్ సేతుపతి.. కథ చాలా బాగుంది కానీ, తనకు తేదీలు సర్దుబాటు కావట్లేదని అన్నారట. ఓ వైపు బుచ్చిబాబు కచ్చితంగా ఆ పాత్రకు విజయ్ సేతుపతి కావాల్సిందే అని కళ్ల నిండా నీళ్లు పెట్టుకుని వేచి చూస్తున్నారట. మరోవైపు విజయ్ సేతుపతి డేట్లు ఎలా అంటూ నసుగుతున్నారట. దీంతో విసిగిపోయిన సుకుమార్.. అవతల ఉన్నది విజయ్ సేతుపతి అని కూడా పట్టించుకోకుండా సీరియస్ అయిపోయారట. ‘‘మీ కోసం మా శిష్యుడు ఇంత గొప్ప కథ రాస్తే మీరు చేయరా’’ అని కోప్పడ్డారట.

తేదీలు కుదరడం లేదు అని విజయ్ సేతుపతి అంటే.. ‘‘మీరు ఎప్పుడు చేస్తారో చెప్పండి అప్పుడే షూటింగ్ పెట్టుకుంటాం’’ అని సుకుమార్ అనడంతో మక్కల్ సెల్వన్ కరిగిపోయారట. ‘నేను ఈ సినిమా చేస్తాను’ అని మాటిచ్చారట. ఒక కొత్త దర్శకుడికి విజయ్ సేతుపతి ఓకే చెప్తారని తాను అనుకోనని.. ఆయన ఒప్పుకున్నారంటే అది కచ్చితంగా తన గురువు సుకుమార్ వల్లేనని దర్శకుడు బుచ్చిబాబు వెల్లడించారు. మొత్తం మీద ఈ ఇంటర్వ్యూలో ఒక ఆసక్తికర విషయాన్ని గురుశిష్యులు బుచ్చిబాబు, సుకుమార్ అందరికీ వివరించారు. అన్నట్టు బుచ్చిబాబు సుకుమార్ దగ్గర అసిస్టెంట్ డైరెక్టర్‌గా పనిచేయడమే కాదు కాలేజీలో సుకుమార్ వద్ద లెక్కలు నేర్చుకున్నారట. ఆ విధంగా సుకుమార్‌కి బుచ్చి శిష్యుడు.

సుకుమార్‌తో ‘ఉప్పెన’ టీమ్ ఇంటర్వ్యూ.. ఆసక్తికర విషయాలు

LEAVE A REPLY

Please enter your comment!
Please enter your name here