Varun Tej: నీకు పాతికేళ్లు వచ్చే వరకు హీరో అవ్వడం కష్టం అన్నాడు: వరుణ్ ముందే నిజం బయటపెట్టిన తేజ – teja sajja tells interesting fact about varun tej at zombie reddy pre release event

0
25


ప్రధానాంశాలు:

  • ఘనంగా ‘జాంబీ రెడ్డి’ ప్రీ రిలీజ్ ఈవెంట్
  • ముఖ్య అతిథిగా విచ్చేసిన వరుణ్ తేజ్
  • ఆసక్తికర విషయం చెప్పిన హీరో తేజ సజ్జా

‘ఇంద్ర’ సహా ఎన్నో సూపర్ హిట్ చిత్రాల్లో బాల నటుడిగా మెప్పించిన తేజ సజ్జా హీరోగా పరిచయం అవుతోన్న సినిమా ‘జాంబీ రెడ్డి’. ప్రశాంత్ వర్మ దర్శకత్వం వహించారు. యాపిల్ ట్రీ స్టూడియోస్ బ్యానర్‌పై రాజ్‌ శేఖర్ వర్మ ఈ చిత్రాన్ని నిర్మించారు. సెన్సార్ బోర్డు నుంచి యు/ఎ సర్టిఫికెట్ అందుకున్న ఈ చిత్రం ఫిబ్రవరి 5 ప్రపంచ వ్యాప్తంగా గ్రాండ్‌గా విడుదలవుతోంది. ఈ నేపథ్యంలో చిత్ర ప్రచారంలో భాగంగా మంగళవారం హైదరాబాద్‌లో ప్రీ రిలీజ్ ఈవెంట్ నిర్వహించారు. ఈ కార్యక్రమానికి మెగా ప్రిన్స్ వరుణ్ తేజ్ ముఖ్య అతిథిగా విచ్చేశారు.

ఈ సందర్భంగా వరుణ్ తేజ్ మాట్లాడుతూ.. తేజ తనకు చిన్నప్పటి నుంచీ తెలుసని అన్నారు. చిరంజీవి గారి ఇంట్లో ఒక సభ్యుడిగా ఉండేవాడని.. అప్పటి నుంచే తేజతో తనకు మంచి అనుబంధం ఉందని చెప్పారు. అయితే, కొన్నాళ్లు తేజను తాను మిస్ అయ్యానని.. చాలా కాలం తరవాత ‘ఓ బేబీ’ సినిమాలో చూసి చాలా ఆనంద పడ్డానని తెలిపారు. ‘జాంబీ రెడ్డి’ లాంటి వైవిధ్యమైన చిత్రంతో హీరోగా పరిచయం కావడం అంత సులభం కాదని.. ఈ విషయంలో తేజను అభినందిస్తున్నానని వరుణ్ అన్నారు. తాను కూడా మొదటి నుంచీ కమర్షియల్ సినిమాలు మాత్రమే కాకుండా వైవిధ్యమైన సినిమాలు చేస్తున్నానని గుర్తు చేశారు.

Zombie Reddy Pre Release Event

‘జాంబీ రెడ్డి’ ప్రీ రిలీజ్ ఈవెంట్

‘‘ఈ ఒక్క సినిమా స్టార్ట్ చేసి ఇండస్ట్రీలో ఇరగదీసి చాలా పెద్ద హీరో అవ్వాలని కోరుకుంటున్నాను’’ అని తేజను ఉద్దేశించి వరుణ్ అన్నారు. వరుణ్ మాట్లాడుతూ ఉండగా ఆయన దగ్గర నుంచి మైక్ తీసుకున్న తేజ ఆసక్తికర విషయం ఒకటి చెప్పారు. ‘‘అకస్మాత్తుగా నాకొక విషయం గుర్తుకొచ్చింది. ఐదేళ్ల క్రితం నేను వరుణ్ అన్నని ఎక్కడో కలిశాను. ఆయన అప్పుడే హీరోగా పరిచయం అయినట్టున్నారు. ఏం చేస్తున్నావు రా అని అడిగారు. సినిమాల్లో ట్రై చేస్తున్నా అన్న అని చెప్పాను. కష్టం అన్నారు. నీకు పాతికేళ్లు వచ్చేంత వరకు కష్టం.. కుదరదు అన్నారు. ఆయనేదో ఎనాలసిస్ చేసుకుని చెప్పారు. ఇప్పుడు పాతికేళ్లు వచ్చాయన్నా.. ఇది నా ఫస్ట్ సినిమా’’ అని సరదాగా చెప్పారు తేజ.

‘ధృవ’లో మీరు చేసిన ఐపీఎస్ క్యారెక్టర్ చాలా ఇష్టం సార్.. రామ్ చరణ్‌కు సీపీ సజ్జనార్ ప్రశంస
ఈ ప్రీ రిలీజ్ ఈవెంట్‌లో డైరెక్టర్లు బాబీ, తరుణ్ భాస్కర్ సహా ‘జాంబీ రెడ్డి’ చిత్ర యూనిట్ మొత్తం పాల్గొంది. కాగా, ఈ సినిమాలో తేజ సరసన ఆనంది, దక్ష హీరోయిన్లుగా నటించారు. జాంబీ జోనర్‌లో తెలుగులో వస్తోన్న తొలి సినిమా ఇది. కరోనా వైరస్ నేపథ్యాన్ని ఎంపిక చేసుకుని ప్రశాంత వర్మ ఈ వెరైటీ సినిమాను చేశారు. మార్క్ కె రాబిన్ సంగీతం సమకూర్చిన ఈ సినిమాకు అనిత్ సినిమాటోగ్రఫీ అందించారు. సాయిబాబు ఎడిటర్.

LEAVE A REPLY

Please enter your comment!
Please enter your name here