Varavara Rao: వరవరరావుకు బెయిల్.. అయినా, సంతోషం దూరమే! – poet varavara rao gets bail for 6 months on medical grounds in bhima koregaon case

0
22


విరసం నేత, ప్రముఖ కవి వరవరరావుకు బాంబే హైకోర్టు బెయిల్‌ మంజూరు చేసింది. బెయిల్ కోసం కొన్ని నెలల తరబడి పోరాడుతున్న కుటుంబసభ్యులకు ఇది ఊరటే. కానీ, కోర్టు పలు షరతులు విధించింది. ప్రస్తుత పరిస్థితుల్లో వాటితో కుటుంబసభ్యులకు చాలా ఇబ్బందేనని కుటుంబసభ్యులు చెబుతున్నారు.

వరవరరావు ఆరోగ్య పరిస్థితుల దృష్ట్యా 6 నెలల పాటు బెయిల్ ఇస్తున్నట్లు కోర్టు తెలిపింది. అయితే, ఆయన ఈ బెయిల్ సమయంలో ముంబైలోనే ఉండాలని షరతు విధించింది. ఎన్ఐఏ ప్రత్యేక కోర్టు పరిధిలోనే ఉండాలని, విచారణకు అందుబాటులో ఉండాలని స్పష్టం చేసింది. అంతేకాకుండా, వరవరరావు సందర్శకులను కలవకూడదు, కేవలం కుటుంబసభ్యులను మాత్రమే కలవాలి.

విప్లవ రచయితల సంఘం (విరసం) నేత వరవరరావుకు ప్రస్తుతం 80 ఏళ్లు. ఆయన సతీమణికి 72 ఏళ్లు. వీరిద్దరూ అనారోగ్య సమస్యలు ఎదుర్కొంటున్నారు. ఇలాంటి పరిస్థితుల్లో వీరు ముంబైలో ఇల్లు తీసుకుని నివాసం ఉండటం కష్టమే. అందువల్ల వారికి తోడుగా ఇంకెవరైనా ఉండాలి. అందుకు న్యాయస్థానం సమ్మతిస్తుందా? ఒకవేళ అనుమతి ఇచ్చినా.. ముంబైలో ఇల్లు అద్దెకు తీసుకొని వాళ్లు ఉండగలరా? ప్రస్తుతం ఇవి వరవరరావు కుటుంబసభ్యులు, బంధువులను వేధిస్తున్న ప్రశ్నలు.

వరవరరావుకు బెయిల్.. అయినా చిక్కులే!

వరవరరావును బీమా కోరెగావ్ కేసులో 2018 ఆగస్టు 25న అరెస్టు చేశారు. అయితే.. అది అబద్ధపు కేసు అని బంధువులు వాదిస్తున్నారు. బెయిల్ కోసం వివిధ కోర్టుల్లో పలుమార్లు పిటిషన్లు వేశాం. అవన్నీ తిరస్కరణకు గురయ్యాయి. ఆయన ఆరోగ్య పరిస్థితి, వయసును పరిగణనలోకి తీసుకొని బెయిల్ మంజూరు చేయాలని కుటుంబసభ్యులు గత ఆగస్టులో మధ్యంతర బెయిల్ కోసం దరఖాస్తు చేశారు. ఆ సమయంలోనే ఆయన జైల్లోనే కొవిడ్-19 బారినపడ్డారు. దీంతో కుటుంబసభ్యుల్లో ఆందోళన రెట్టింపైంది.

వరవరరావు బెయిల్ పిటిషన్ హైకోర్టులో 3 నెలలుగా వాదనలు జరుగుతున్నాయి. మొదట ఆయణ్ని ఆస్పత్రి చేర్చాలని న్యాయస్థానం ఆదేశించింది. దీంతో నవంబర్ నుంచి ఆయన నానావతి ఆసుపత్రిలో ఉన్నారు. ఇన్నాళ్ల తర్వాత ఆయనకు బెయిల్ రావడంతో కుటుంబంతో గడిపే అవకాశం కలిగింది.

LEAVE A REPLY

Please enter your comment!
Please enter your name here