vakeel saab teaser: ‘వకీల్ సాబ్’ టీజర్: కోర్టులో వాదించడం తెలుసు.. కోటు తీసి కొట్టడం తెలుసు! – pawan star pawan kalyan powerful vakeel saab teaser released

0
30


పవర్ స్టార్ పవన్ కళ్యాణ్ లాయర్‌గా నటించిన చిత్రం ‘వకీల్ సాబ్’. హిందీ సూపర్ హిట్ మూవీ ‘పింక్’కు రీమేక్‌గా ఈ చిత్రం రూపొందుతోన్న విషయం తెలిసిందే. శ్రీరామ్ వేణు దర్శకత్వం వహించిన ఈ చిత్రంలో పవన్ కళ్యాణ్‌కు జోడీగా శ్రుతిహాసన్ నటించారు. నివేదా థామస్, అంజలి, అనన్య నాగళ్ల ఇతర ముఖ్య పాత్రలు పోషించారు. తమన్ సంగీతం సమకూరుస్తోన్న ఈ చిత్రాన్ని బోనీ కపూర్ బే వ్యూ ప్రాజెక్ట్స్ సౌజన్యంతో శ్రీ వెంకటేశ్వర క్రియేషన్స్ బ్యానర్‌పై దిల్ రాజు, శిరీష్ ఈ చిత్రాన్ని నిర్మిస్తున్నారు.

ఇప్పటికే విడులైన ఫస్ట్ లుక్ పోస్టర్, మగువా మగువా సాంగ్ సెన్సేషన్ క్రియేట్ చేశాయి. ఇప్పుడు ఈ చిత్రం నుంచి టీజర్ విడుదల చేశారు. పవన్ కళ్యాణ్ అభిమానులు ఎప్పుడెప్పుడా అని ఎదురుచూస్తోన్న ఈ టీజర్ సంక్రాంతి సందర్భంగా ప్రేక్షకుల ముందుకు వచ్చింది. ఈ టీజర్ కూడా యూట్యూబ్‌ను షేక్ చేయడం ఖాయం. టీజర్ విడుదలకు ముందే సోషల్ మీడియాలో ‘వకీల్ సాబ్’ హవా మొదలైపోయింది. ఇక టీజర్ విడుదలయ్యాక ట్విట్టర్ మోత మోగిపోవడం ఖాయం.

శివానీ రాజశేఖర్ ‘WWW’ టీజర్‌ను రిలీజ్ చేసిన మహేష్ బాబు
ఇదిలా ఉంటే, లాయర్ లుక్‌లో పవన్ కళ్యాణ్ చాలా బాగున్నారు. నిజానికి ఈ పాత్రను హిందీలో అమితాబ్ బచ్చన్ పోషించారు. అమితాబ్ పాత్రలో హీరోయిజం కనిపించదు. ఇదే పాత్రను తమిళంలో అజిత్ పోషించారు. అక్కడ హీరోయిజం చూపించారు. తెలుగులోనూ అదే ఫార్ములాను ఫాలో అయ్యారు. పవన్ కళ్యాణ్ సినిమా అంటే అన్ని అంశాలు ఉండాల్సిందే. అందుకే, సోషల్ మెసేజ్‌తో కూడిన కథకు కమర్షియల్ అంశాలు జతచేసి ప్రేక్షకుల ముందుకు తీసుకొస్తున్నారు.

ఈ టీజర్‌లో ముఖ్యంగా పవన్ కళ్యాణ్ మేనరిజం, హీరోయిజం చూపించారు. ‘అబ్జెక్షన్ యువరానర్’ అంటూ ఆగ్రహంగా పవన్ కళ్యాణ్ చెప్పే డైలాగుతో ఈ టీజర్‌లో మాటలు మొదలయ్యాయి. ‘కోర్టులో వాదించడం తెలుసు.. కోటు తీసి కొట్టడమూ తెలుసు’ అంటూ మెట్రో ట్రైనులో విలన్స్‌తో పవన్ కళ్యాణ్ చెప్పే డైలాగు హీరోయిజాన్ని ఎలివేట్ చేస్తుంది. ఈ టీజర్‌లో మరో ప్రధాన ఆకర్షణ తమన్ నేపథ్య సంగీతం ఇరక్కొట్టేశారు. మొత్తం మీద ఈ టీజర్ పవర్ స్టార్ అభిమానులకు ఒక ఫీస్ట్.

‘వకీల్ సాబ్’ టీజర్: పవర్ స్టార్ యాక్షన్ ఫీస్ట్

LEAVE A REPLY

Please enter your comment!
Please enter your name here