vaisshnav tej: వైష్ణవ్ తేజ్‌ను ఎమర్జింగ్ స్టార్ అన్న హరీష్ శంకర్.. నెటిజన్ పంచ్ పేలింది! – netizens fires on director hairsh shankar over he calls vaisshnav tej as emerging star

0
21


ప్రధానాంశాలు:

  • వైష్ణవ్ తేజ్, కృతిశెట్టి జంటగా నటించిన ‘ఉప్పెన’
  • నేడు ‘ఉప్పెన’ విడుదల సందర్భంగా శుభాకాంక్షలు తెలిపిన హరీష్ శంకర్
  • వైష్ణవ్ తేజ్‌ను ఎమర్జింగ్ స్టార్ అని పేర్కొన్న స్టార్ డైరెక్టర్

మెగా కాంపౌండ్ నుంచి హీరో పరిచయం అవుతున్నాడంటే సాధారణంగానే హైప్ ఓ రేంజ్‌లో ఉంటుంది. కేవలం ఫ్యాన్స్ మాత్రమే కాకుండా ఇండస్ట్రీలోని చాలా మంది ప్రముఖులు మెగా హీరోకి శుభాకాంక్షలు చెబుతారు. ప్రస్తుతం పంజా వైష్ణవ్ తేజ్‌కు కూడా అలాగే సెలబ్రిటీలు సోషల్ మీడియా ద్వారా శుభాకాంక్షలు తెలియజేస్తున్నారు.

మెగాస్టార్ చిరంజీవి చిన్న మేనల్లుడు, సుప్రీమ్ హీరో సాయి ధరమ్ తేజ్ తమ్ముడు అయిన పంజా వైష్ణవ్ తేజ్ ‘ఉప్పెన’ సినిమాతో హీరోగా పరిచయం అయిన సంగతి తెలిసిందే. ఈ సినిమా ద్వారా కృతిశెట్టి హీరోయిన్‌గా, బుచ్చిబాబు సానా దర్శకుడిగా పరిచయం అయ్యారు. ముగ్గురు కొత్తవాళ్లను పరిచయం చేస్తున్న ఈ సినిమాకు విపరీతమైన హైప్ క్రియేట్ అయ్యింది. ‘నీ కన్ను నీలి సముద్రం’ పాటతో ఈ సినిమా ప్రజల్లోకి వెళ్లిపోయింది. ఆ తరవాత కల్పించిన ప్రచారం ప్లస్ అయ్యింది. దీనికి తోడు విజయ్ దేవరకొండ, ఎన్టీఆర్, పవన్ కళ్యాణ్ వంటి స్టార్ హీరోలు సైతం ‘ఉప్పెన’ హైప్‌కు కారణమయ్యారు.

అబ్బాయిలు.. మీ కా*** మీరే జాగ్రత్త వహించాలి: ట్విట్టర్‌లో రచ్చ చేస్తున్న ఉప్పెన ‘కటింగ్ సీన్’
దీంతో భారీ అంచనాల నడుమ ఫిబ్రవరి 12న ‘ఉప్పెన’ థియేటర్లలో విడుదలైంది. ఈ సందర్భంగా వైష్ణవ్ తేజ్‌కు, చిత్ర యూనిట్‌కు శుభాకాంక్షలు తెలుపుతూ సెలబ్రిటీలు ట్వీట్లు చేశారు. వీరిలో ప్రముఖ దర్శకుడు హరీష్ శంకర్ కూడా ఉన్నారు. అయితే, వైష్ణవ్ తేజ్‌ను హరీష్ శంకర్‌ ఎమర్జింగ్ స్టార్ అనే బిరుదు ఇవ్వడంపై ఓ వర్గం నెటిజన్లు విమర్శలు గుప్పిస్తున్నారు.

‘ఉప్పెన’ ట్విట్టర్ రివ్యూ: కన్నీళ్లు పెట్టిస్తున్న క్లైమాక్స్ సీన్.. టాక్ ఎలా ఉందంటే!
‘‘ఎమర్జింగ్ స్టార్ వైష్ణవ్ తేజ్‌కు ముందుగానే అభినందనలు. నువ్వు అద్భుతంగా చేస్తావని నాకు బాగా తెలుసు. సినిమాపై ఇంత అంకితభావం కలిగిన మైత్రి మూవీ మేకర్స్‌కు హ్యాట్సాఫ్. బుచ్చిబాబు సారా దృఢవిశ్వాసానికి కుదోస్. సర్ జీ దేవిశ్రీ ప్రసాద్ సంబరాలు ప్రారంభించండి’’ అని హరీష్ శంకర్ ట్వీట్ చేశారు. దీంతో కొంత మంది ట్విట్టర్‌లో విమర్శనాత్మక కామెంట్లు అందుకున్నారు. హరీష్ శంకర్ తన ట్వీట్‌లో విజయ్ సేతుపతిని ప్రస్తావించకపోవడం పట్ల కొంత మంది విమర్శిస్తున్నారు.
‘‘ఎమర్జింగ్ స్టార్… ఇలాంటి విజ్ఞాన ప్రదర్శనలే వద్దనేది… ఒక్క సినిమా కూడా రిలీజ్ కాలేదు… నువ్వు అప్పుడే లేపుతున్నావ్… జనాలకి నచ్చితే ఏదో ఒకటి ఇస్తారులే…’’ అంటూ ఒక నెటిజన్ కామెంట్ చేశారు. ‘‘అప్పుడే బిరుదులు ఇవ్వకు సామీ.. ఆడియన్స్‌కి నచ్చితే ఇచ్చుకుంటారు’’ అని మరో నెటిజన్ పేర్కొన్నారు. చూద్దాం హరీష్ శంకర్ ఇచ్చిన బిరుదును వైష్ణవ్ తేజ్ సార్థకం చేసుకుంటారో లేదో!

LEAVE A REPLY

Please enter your comment!
Please enter your name here