uttarakhand tunnel: తపోవన్ టన్నెల్: మూసుకుపోయిన దారులు.. ఇక ఇదే చివరి ఆశ! – tension at uttarakhand dam as fourth day relief operations end in tapovan tunnel

0
31


ప్రధానాంశాలు:

  • సమయం గడిచేకొద్ది ఉత్తరాఖండ్‌లో పెరుగుతున్న ఉత్కంఠ.
  • సొరంగంలో చిక్కుకున్న కార్మికులు ప్రాణాలతో బయటపడతారా?
  • ప్లాన్ మార్చిన రెస్క్యూ టీమ్.. ఇక అదే చివరి ఆశ.

త్తరాఖండ్ సహాయక చర్యల్లో సమయం గడిచేకొద్దీ ఆశలు సన్నగిల్లుతున్నాయి. 1500 మీ. పొడవైన తపోవన్ సొరంగంలో నాలుగు రోజులుగా 120 మీ. మేర మాత్రమే పూడికను తీయగలిగారు. ఇంకా నీరు, బురద కొట్టుకొస్తుండటంతో రెస్క్యూ ఆపరేషన్ కష్టంగా మారింది. కొన్ని చోట్ల మట్టి గట్టిపడటం కూడా ఇబ్బందికరంగా మారింది. ఈ నేపథ్యంలో రెస్క్యూ టీమ్ ప్లాన్ మార్చారు. సొరంగం పైభాగం నుంచి డ్రిల్లింగ్ చేయడానికి నిర్ణయించారు. ఆ పనులు ప్రారంభమయయ్యాయి. తపోవన్ టన్నెల్‌లో 25 నుంచి 35 మంది కార్మికులు ఉన్నట్లు భావిస్తున్నారు.

గురువారం (ఫిబ్రవరి 11) మధ్యాహ్నం ధౌలీగంగా ప్రవాహ మట్టం పెరగడంతో అక్కడ అలజడి రేగింది. దీంతో ముందు జాగ్రత్త చర్యగా సహాయ కార్యక్రమాలను నిలిపేశారు. సుమారు గంట సేపటి తర్వాత రెస్క్యూ ఆపరేషన్ తిరిగి ప్రారంభమైంది. మరోవైపు డ్రిల్లింగ్ యంత్రం మొరాయించినట్లు తెలుస్తోంది. దాన్ని బయటకి తీసి, మరో యంత్రాన్ని తెప్పించారు.

ఇండో-టిబెటన్‌ బోర్డర్ పోలీసు దళానికి చెందిన 450 మందితో పాటు, ఎన్‌డీఆర్‌ఎఫ్‌ సిబ్బంది, సైనికులు మొత్తం 600కు పైగా జవాన్లు సహాయ కార్యక్రమాల్లో పాల్పంచుకుంటున్నారు. అందరూ సమన్వయంతో పనిచేస్తున్నారు. గల్లంతైన వారి జాడ గుర్తించేందుకు డ్రోన్‌ కెమెరాలు, రిమోట్‌ సెన్సింగ్‌ పరికరాలను కూడా ఉపయోగిస్తున్నారు.

ఉత్తరాఖండ్: ప్లాన్ మార్చిన రెస్క్యూ టీమ్.. వర్కవుట్ అవుతుందా?

ఇప్పటివరకు 35 మంది మృతదేహాలు లభ్యమయ్యాయి. వీరిలో 29 మందిని గుర్తించారు. మృతుల్లో పోలీసు హెడ్‌కానిస్టేబుల్‌, కానిస్టేబుల్‌ కూడా ఉన్నారు. గల్లంతైన వారిలో ఇద్దరు వ్యక్తులు అతి కష్టం మీద ఇళ్లకు చేరుకున్నారు. ఇంకా 172 మంది జాడ తెలియాల్సి ఉంది. కుటుంబసభ్యుల్లో ఆందోళన పెరుగుతోంది. ఇక డ్రిల్లింగే చివరి ఆశగా మారింది.

Must Read:

క్షణాల్లో కొట్టుకుపోయిన కార్మికులు.. షాకింగ్ వీడియో

3 రోజులుగా టన్నెల్ ముందే కుక్క.. తనవాళ్లు వస్తారా? కన్నీటి దృశ్యం

1965లో వదిలేసిన ఆ పరికరంతోనే ఉత్తరాఖండ్ ప్రమాదం.. సంచలనం!

నదిలో చేపల వింత ప్రవర్తన.. ప్రళయాన్ని ముందే పసిగట్టలేకపోయారా?

LEAVE A REPLY

Please enter your comment!
Please enter your name here