Uttarakhand News: తవ్వేకొద్దీ శరీర భాగాలు.. ఏ అవయవం ఎవరిదో? ఉత్తరాఖండ్‌ విషాదం – uttarakhand rescue operation: 61 bodies, 28 body parts recovered, dna test will decide

0
18


త్తరాఖండ్ సొరంగంలో తవ్వుతున్నకొద్దీ విషాదమే. గల్లంతైన వారి శరీర అవయవాలు ఒక్కొక్కటిగా బయటపడుతున్నాయి. ఏ శరీర భాగం ఎవరిదో తెలియని పరిస్థితి. ఆ మృతదేహం తమ వాడిదేనా, కాదా అని కార్మికుల కుటుంబాలు గుర్తించలేని దుస్థితి. ఆ శరీర భాగాల డీఎన్‌ఏ నమూనాలు, గల్లంతైన వారి కుటుంబసభ్యుల డీఎన్‌ఏ నమూనాలను అధికారులు పరీక్షలకు పంపించారు. అవి సరిపోలితే ఆయా కుటుంబాలకు ఆ శరీర భాగాలను అప్పగిస్తారు. అప్పుడు గానీ తమ వాడు ఇకలేడనే విషయం వారికి అర్థంకాదు!

దుర్ఘటన జరిగి నేటితో 13 రోజులు పూర్తవుతాయి. సహాయ కార్యక్రమాలు కొనసాగుతున్నాయి. ఇప్పటివరకు 61 మృతదేహాలు, మరో 28 శరీర అవయవాలను సహాయక సిబ్బంది వెలికితీశారు. అధికారులు వారిని గుర్తించే పనిలో ఉన్నారు. ఇప్పటివరకు 34 మృతదేహాలను, ఒక శరీర అవయవాన్ని గుర్తించారు. 49 మృతదేహాలు/శరీర అవయవాలు, 56 మంది కుటుంబసభ్యుల డీఎన్‌ఏ శాంపూల్స్‌ను పరీక్షలకు పంపించినట్లు అధికారులు తెలిపారు.

ఆ ఆశ చచ్చిపోయింది..!
సొరంగంలో ఏ మూలనో కొంత మంది బతికి ఉండవచ్చని నిన్నటి దాకా ఆశ ఉండేది. కానీ, ఇప్పుడది చచ్చిపోయింది. జలప్రళయం సంభవించి 12 రోజులు గడుస్తుండటంతో.. కార్మికుల కుటుంబాలు తమ వారు తిరిగొస్తారనే ఆశలను వదులుకుంటున్నాయి. మిగతావారు బతికుండే అవకాశం లేదని అధికారులు కూడా బహిరంగంగానే చెబుతున్నారు. సహాయ కార్యక్రమాలు మరో మూడు, నాలుగు రోజులు కొనసాగిస్తామని తెలిపారు.

ఉత్తరాఖండ్‌లోని చమోలీ జిల్లాలో ఫిబ్రవరి 7న నందాదేవి హిమనీనదం విరిగిపడి ధౌలిగంగా నది ఒక్కసారిగా ఉప్పొంగిన విషయం తెలిసిందే. ఆ జలప్రళయం దాటికి తపోవన్‌ విద్యుత్ కేంద్రం క్షణాల్లో కొట్టుకుపోయింది. ఈ వరదల్లో మొత్తం 204 మంది గల్లంతయ్యారు.

LEAVE A REPLY

Please enter your comment!
Please enter your name here