us woman drunkness disease: ఈమె మందు తాగదు.. కానీ మత్తెక్కుతోంది, వింత రోగం, చాలా చిక్కులు! – us woman suffering from auto brewery syndrome, her body makes her drunk, needs liver transplant

0
23


మెకు మద్యం తాగే అలవాటే లేదు. కానీ, సాయంత్రం అయ్యే సరికి తాగినట్లే మత్తెక్కుతోంది. తాగిన మైకంలో మందుబాబులు ఏం చేస్తారో అలాగే చేస్తుంది. ఏదీ గుర్తుండదు. చాలాసార్లు తూలిపడి ఎముకలు విరగ్గొట్టుకుంది. ఆమెను పరిశీలించిన డాక్టర్లు ఒకటే మాట చెబుతున్నారు.. ‘మందు మానేయమ్మా..’ అని. ఆ మాట వినగానే ఆమెకు బీపీ 200లు దాటుతోంది.

ఇంకా ట్విస్ట్ ఏంటంటే.. ఆమె ఇప్పటికే చాలా సార్లు డ్రంక్ అండ్ డ్రైవ్ తనిఖీల్లో పట్టుబడింది. ‘నేను అసలు ఆల్కహాలే ముట్టుకోను సార్..’ అని ఆమె మొరపెట్టుకుంటే.. ‘చాలు చాల్లేవమ్మా.. నీ లాంటోళ్లను చాలా మందిని చూశాం’ అని పోలీసులు గదమాయిస్తున్నారు.

దేవుడా.. ఇదెక్కడి తలనొప్పి. ఇక ఒకసారైతే మరీ ఘోరం. ఫూటుగా తాగిన వ్యక్తిలా ఆమె సోయితప్పి ఎక్కడో పడిపోయింది. గడ్డ కట్టేంత చలి. మంచు కురుస్తోంది. కానీ, అవేమీ పట్టనట్లు తెల్లవార్లు ఆమె అలాగే పడుకుండిపోయింది. మృత్యువు అంచుదాకా వెళ్లొచ్చింది.

ఇక లాభం లేదని పేరున్న డాక్టర్ల వద్దకు వెళ్లింది. ఆ మహిళను పరీక్షించిన వైద్యులు.. ఆమె శరీరంలో ఆల్కహాల్ ఉత్పత్తి అవుతున్నట్లు తేల్చారు. అదొక అరుదైన రోగమట. దాని పేరు ఆటో బ్రేవరీ సిండ్రోమ్ (Auto Brewery Syndrome). ఇదెక్కడి రోగం. అమెరికాకు చెందిన 38 ఏళ్ల మహిళ ‘సారా లెఫెబ్ర్వే’ ఈ అరుదైన వ్యాధితో ఇప్పుడు పడరాని పాట్లు పడుతోంది.

ఏమిటీ ఆటో బ్రేవరీ సిండ్రోమ్ (ABS)?
దీన్నే ‘డ్రంక్‌నెస్ వ్యాధి’ అని కూడా అంటారు. కడుపులో ‘ఈస్ట్‌’ అనే ఫంగస్‌ ఉంటుంది. ఇది మనకు మేలు చేసేదే. అయితే.. ఇది అధిక మోతాదులో ఇథనాల్‌గా మారితే శరీరంలో ఆల్కహాల్ శాతం ఎక్కువవుతుంది. ఈ ఇథనాల్‌ రక్తంలో కలిసి శరీరమంతా వ్యాపిస్తోంది. ఈ కారణంగా మద్యం తాగినవాళ్లకు వచ్చినట్లుగానే మత్తు వస్తుంది. చక్కెర ఎక్కువగా ఉన్న పదార్థాలు, పిండి పదార్థాలు (కార్బొహైడ్రేట్స్) ఎక్కువగా ఆల్కహాల్‌గా మారినప్పుడు ఈ సమస్య వస్తుందట.

యూఎస్‌కు చెందిన సారా లెఫెబ్ర్వే (38)ను ఇప్పుడు ఈ మాయ రోగం వేధిస్తోంది. తాగకపోయినా నిత్యం మత్తు ఆవహిస్తోంది. ఈ సమస్య తెలియక మొదట్లో వైద్యులు ఆమెను మందు తాగడం మానేయాలని సూచించేవారట. గతేడాది ఫిబ్రవరిలో సారాకు పలు పరీక్షలు నిర్వహించి ఏబీఎస్‌ సిండ్రోమ్‌ ఉన్నట్లు తేల్చారు.

పరిష్కారం లేదా..?
అమెరికా మహిళ ఎదుర్కొంటున్న ఈ అరుదైన సమస్యకు కాలేయం మార్పిడి ఒక్కటే పరిష్కారమట. ప్రస్తుతం ఆమెకు యాంటీ-ఫంగల్‌ చికిత్స అందిస్తున్నారు. లివర్ మార్పిడి శస్త్రచికిత్స జరిగేంత వరకు ఇది కొనసాగించాల్సిందే. ప్రస్తుతం ఆమె ఈ చికిత్స తీసుకుంటూనే కాలేయ మార్పిడి కోసం తన ప్రయత్నాలు కొనసాగిస్తోంది. ఈ సారాకు ఆ ‘సారా’ కిక్కు తొందరగా వదలాలని ప్రార్థిద్దాం..

LEAVE A REPLY

Please enter your comment!
Please enter your name here