us navy officer wallet missing: మనదైతే వెతుక్కొంటూ వస్తుంది.. అంటార్కిటికాలో పొగొట్టుకున్న పర్సు 53 ఏళ్ల తర్వాత దొరికింది! – us ex navy officer grisham wallet lost in antarctica found 53 years later

0
15


ప్రధానాంశాలు:

  • 53 ఏళ్ల తర్వాత దొరికిన పోగొట్టుకున్న పర్సు.
  • అంటార్కిటికాలో వాలెట్ పోగొట్టుకున్న శాస్త్రవేత్త.
  • ఐదు దశాబ్దాల తర్వాత పర్సు దొరకడంతో షాక్.

మనదని రాసిపెట్టి ఉంటే పోగొట్టుకున్న వస్తువు తిరిగి మనల్నే వెతుక్కొంటూ వస్తుందని పెద్దలు ఊరికే అనలేదు. అమెరికాకు చెందిన ఓ నేవీ అధికారి విషయంలోనూ అది అక్షరాల నిజమైంది. 53 ఏళ్ల కిందట మంచు ఖండం అంటార్కిటికాలో పోగొట్టుకున్న పర్సు.. ఇప్పుడు ఆయన చెంతకు చేరింది. తాను పొగొట్టుకున్న పర్సు తిరిగి తన చెంతకు చేరడం ఆయన షాక్ తిన్నారు. దీంతో తన జ్ఞాపకాలను ఆ అధికారి గుర్తు చేసుకున్నారు.

కాలిఫోర్నియాలోని శాన్‌డియోగోల్‌కు చెందిన పాల్ గ్రీషమ్ (91) అమెరికా నేవీ వాతావరణ విభాగం శాస్త్రవేత్తగా 1948లో చేరారు. విధి నిర్వహణలో భాగంగా 1967 అక్టోబరున ఆయన అంటార్కిటికాకు వెళ్లి 13 నెలల ఉన్నారు. ఈ సమయంలోనే ఆయన తన పర్సును పోగొట్టుకున్నారు. దానికోసం ఎంతగా వెతికినా దొరకపోవడంతో విసిగిపోయి వదిలేశారు. అక్కడ పని పూర్తయిన తర్వాత వెనక్కు వచ్చే సయమంలో మళ్లీ ఓసారి పర్సు కోసం వెతికారు.

అయినా దొరకకపోవడంతో రిక్తహస్తాలతో ఇంటికి తిరిగొచ్చారు. అప్పుడు పోగొట్టుకున్న పర్సు 53 ఏళ్ల తర్వాత దొరకడంతో గ్రీషమ్ సంతోషంతో ఉబ్బితబ్బుబ్బియ్యారు. అందులో తన ఐడీ కార్డులు, డ్రైవింగ్ లైసెన్స్, నేవీ గుర్తింపు పత్రం, ముద్దుగా ‘ద ఐస్’ అని పిలుచుకునే ఎన్నెన్నో ప్రశంసా పత్రాలు అందులో ఉన్నాయి.

అణు, జీవ, రసాయన దాడులు జరిగినప్పుడు తీసుకోవాల్సిన చర్యల రిఫరెన్స్ కార్డు, బీర్ రేషన్ కార్డు, పన్ను పత్రాల వంటివి దానిలోనే ఉంచారు. అంటార్కిటికాలోని రాస్ ఐల్యాండ్‌ వద్ద ఉన్న మెక్ ముర్డో స్టేషన్‌ను 2014లో కూల్చివేయడంతో అప్పుడు గ్రీషమ్ పోగొట్టుకున్న పర్సును దొరికింది. దానితో పాటు మరో వ్యక్తికి చెందిన ఓ బిల్ ఫోల్డ్ (ఫైల్) కూడా బయటపడింది.

ఇండియానాలోని స్పిరిట్ ఆఫ్ 45 అనే స్వచ్ఛంద సంస్థకు చెందిన బ్రూస్ మెక్ కీతో కలిసి స్టీఫెన్ డెకాటో, ఆయన కుమార్తెలు సారా లిండ్ బర్గ్ లు ఎంతో శ్రమించి గ్రీషమ్ చిరునామాను సంపాదించగలిగారు. ఆ పర్సును పోస్టు ద్వారా పంపించారు. దీనిని జనవరి 30న గ్రీషమ్ అందుకున్నారు. గతంలో అంటార్కిటికాపై పరిశోధనలు నిర్వహించిన ఓ సంస్థలో స్టీఫెన్ డెకాటో పనిచేశారు.

కొద్ది రోజుల కిందట షాపులో ఓ వ్యక్తి పోగొట్టుకున్న బ్రేస్‌లెట్ వివరాలను ఆన్‌లైన్‌ పోస్ట్ చేయడం ద్వారా తిరిగి అతడికి అప్పగించగలిగారు. ఆ పోస్టును చూసిన డెకాటో మాజీ బాస్.. వెంటనే ఆయనకు ఫోన్ చేసి 2014లో స్టేషన్ కూల్చివేతలో దొరికిన పర్సు గురించి వివరించారు.

దీంతో మెక్ కీ, డెకాటో, లిండ్ బర్గ్‌లు కలిసి పలు గ్రూపులను ఆరా తీశారు. చివరగా నౌకాదళ వాతావరణ సేవల సంఘాన్ని దీని గురించి అడిగారు. అక్కడే వారికి గ్రీషమ్ చిరునామా దొరికింది. మొత్తానికి, మనదైన వస్తువు ఎన్నేళ్లయినా మన దగ్గరికే వస్తుందని గ్రీషమ్ విషయంలో రుజువైంది. గ్రీషమ్ ఆయన భార్య కార్లే శ్లాజర్‌లు పర్సును చూసి మురిసిపోయారు.

LEAVE A REPLY

Please enter your comment!
Please enter your name here