us couple tip: పది వేల బిల్లుకు లక్షన్నర టిప్‌ ఇచ్చిన జంట.. కారణం తెలిస్తే కరిగిపోతారు! – chicago couple gives 2000 dollar tip for restaurant servers, they have very special reason

0
28


రెస్టారెంట్లలో భోజనం చేసేవారు బిల్లు చెల్లించే సమయంలో సర్వర్లకు తోచినంత టిప్ ఇవ్వడం సాధారమైన విషయమే. వెయిటర్ సేవల పట్ల సంతృప్తి చెందినవారు లేదా ప్రత్యేకమైన రోజున, ప్రత్యేక వ్యక్తులతో సరదాగా రెస్టారెంట్‌కు వచ్చిన వారు టిప్‌గా ఇచ్చే ఆ మొత్తం కాస్త ఎక్కువే ఇస్తారు. కానీ, చికాగోకు చెందిన ఓ వ్యక్తి రూ.10 వేల బిల్లు చేసి టిప్పుగా రూ.1.45 లక్షలు ఇచ్చాడు (ఇండియన్ కరెన్సీలో చెప్పాం లెండి). ఇతడికేమైనా పిచ్చా అనుకునేరూ..! అసలు విషయం తెలిస్తే హ్యాట్సాఫ్ చెబుతారు.

చికాగోకు చెందిన ఓ వ్యక్తి ఏటా ఫిబ్రవరి 12న తన భార్యను తీసుకొని ‘క్లబ్‌ లక్కీ’ రెస్టారెంట్‌కు వస్తున్నాడు. అది కూడా సరిగ్గా రాత్రి 7.30 గంటలకు. టేబుల్ నెంబర్ 46నే రిజర్వ్ చేసుకుంటాడు. తన భార్యకు నచ్చింది ఆర్డర్ చేసి తినేసి వెళ్లిపోతాడు. గత 20 ఏళ్లుగా ఇలా జరుగుతోంది. అందుకు ప్రత్యేక కారణం ఉంది.

సరిగ్గా 20 ఏళ్ల కిందట అదే రోజు, అదే సమయానికి, అదే టేబుల్‌పై ఆ వ్యక్తి తాను డేట్ చేసిన అమ్మాయికి ప్రపోస్ చేశాడు. ఆ తర్వాత ఆ అమ్మాయే తన భార్యగా తన ఇంట్లో అడుగుపెట్టింది. నాటి నుంచి వారిద్దరూ ఎంతో ప్రేమగా ఉంటున్నారు. 20 ఏళ్లు గడుస్తున్న వారి ప్రేమ అప్పుడు పుట్టినట్టే తాజాగా ఉంది. ఏటా ఫిబ్రవరి 14న ఆ జంట తాము మరచిపోని ఆ అనుభవాన్ని మరింత మధురంగా మలుచుకుంటున్నారు.

ఎప్పటిలాగే ఈ ఏడాది ఫిబ్రవరి 24న ఆ జంట అదే రెస్టారెంట్‌లో అదే ప్రదేశంలో కూర్చొని తమ తొలి రోజులను గుర్తు చేసుకున్నారు. కావాల్సింది ఆర్డర్ చేసుకొని తిన్నారు. 137 డాలర్ల (రూ.9,975.31) బిల్లు చేశారు. తమ ప్రేమ బంధం రెండు దశాబ్దాలు పూర్తి చేసుకున్న సందర్భంగా వెయిటర్లకు సర్‌ప్రైజ్ ఇద్దామనుకున్నారు. ఇందుకోసం 2000 డాలర్లను (రూ.1,45,625) టిప్‌గా ఇచ్చారు. దాంతో పాటు మంచి సందేశం కూడా రాసిచ్చారు.

రెస్టారెంట్ నిర్వాహకులు ఆ టిప్ స్లిప్‌ను సోషల్ మీడియాలో షేర్ చేస్తూ దానికి సంబంధించిన నేపథ్యాన్ని వివరించారు. దీంతో ఆ పోస్టు వైరల్‌గా మారింది. నెటిజన్లు మరిన్ని ఆసక్తికర కామెంట్లు పెడున్నారు.

‘వారి జీవితంలో మేం కూడా ప్రత్యేక భాగమవడం సంతోషకరం. వారి ఔదార్యానికి మేం ముగ్ధులమయ్యాం’ అని రెస్టారెంట్ నిర్వాహకులు ఆ పోస్టు కింద రాసుకొచ్చారు. కరోనా సంక్షోభ సమయంలో వారు చూపిన ఆప్యాయత తమ సిబ్బందిలో స్ఫూర్తి నింపిందని పేర్కొన్నారు. టిప్‌గా వచ్చిన ఆ భారీ మొత్తాన్ని వెయిటర్లందరికీ సమంగా పంచి ఇచ్చినట్లు తెలిపారు.

LEAVE A REPLY

Please enter your comment!
Please enter your name here