Uppena Trailer By NTR: ‘ఉప్పెన’ ట్రైలర్: చిన్న శాంపిల్ చూపిస్తానంటోన్న ఎన్టీఆర్ – young tiger ntr to launch uppena trailer on 4th february

0
17


ప్రధానాంశాలు:

  • ఫిబ్రవరి 12న విడుదలవుతోన్న ‘ఉప్పెన’
  • దర్శకుడిగా పరిచయం అవుతోన్న బుచ్చిబాబు సానా
  • ట్రైలర్‌ను విడుదల చేయనున్న యంగ్ టైగర్ ఎన్టీఆర్

పంజా వైష్ణవ్ తేజ్‌, కృతి శెట్టి జంట‌గా సుకుమార్ రైటింగ్స్ భాగ‌స్వామ్యంతో మైత్రీ మూవీ మేక‌ర్స్ నిర్మించిన చిత్రం ‘ఉప్పెన‌’. బుచ్చిబాబు సానా ద‌ర్శకుడిగా ప‌రిచ‌య‌మ‌వుతున్నారు. త‌మిళ స్టార్ యాక్టర్ విజ‌య్ సేతుప‌తి ఓ కీల‌క పాత్రలో నటించారు. దేవిశ్రీ ప్రసాద్ సంగీతం సమకూర్చిన ఈ చిత్రాన్ని ఫిబ్రవరి 12న ప్రేక్షకుల ముందుకు తీసుకొస్తున్నారు.

హీరో వైష్ణవ్ తేజ్ బ‌ర్త్‌డే సంద‌ర్భంగా విడుదల చేసిన టీజ‌ర్‌కు మంచి స్పందన వచ్చింది. హీరో వాయిస్ చాలా బాగుందని.. హీరోయిన్ అద్భుతమని.. సినిమాలో కొత్తదనం కనిపిస్తోందని అన్నారు. ఈ టీజర్‌తో సినిమాపై అంచనాలు పెరిగాయి. ఇప్పుడు ఈ సినిమా నుంచి ట్రైలర్ రాబోతోంది. ఈ ట్రైలర్‌ను యంగ్ టైగర్ ఎన్టీఆర్ విడుదల చేయబోతున్నారు. ఈ మేరకు చిత్ర నిర్మాణ సంస్థ మైత్రీ మూవీ మేకర్స్ ప్రకటన చేసింది. ట్రైలర్ అనౌన్స్‌మెంట్ వీడియోను విడుదల చేసింది.

రూ.125 కోట్ల భారీ బడ్జెట్‌తో ‘మానాడు’.. శింబుకి రవితేజ సపోర్ట్
‘‘ఒక చిన్న శాంపిల్ చూపిస్తాను. ఐ ప్రామిస్.. ఇదొక చిన్న శాంపిల్ మాత్రమే’’ అంటూ ‘జనతా గ్యారేజ్’లో ఎన్టీఆర్ చెప్పే డైలాగ్‌ను ఈ వీడియోలో జత చేశారు. ప్రస్తుతం ఈ వీడియో వైరల్‌గా మారింది. గురువారం (ఫిబ్రవరి 3న) సాయంత్రం 4:05 గంటలకు ‘ఉప్పెన’ ట్రైలర్‌ను ఎన్టీఆర్ విడుదల చేయనున్నారు.
సాయిచంద్‌, బ్రహ్మాజీ ముఖ్య పాత్రల్లో నటించిన ఈ చిత్రానికి క‌థ‌, స్క్రీన్‌ప్లే, మాట‌లు, ద‌ర్శక‌త్వం బుచ్చిబాబు సానా. సుకుమార్ రైటింగ్స్ సౌజన్యంతో మైత్రీ మూవీ మేకర్స్ బ్యానర్‌పై న‌వీన్ యెర్నేని, వై. ర‌విశంక‌ర్‌ ఈ చిత్రాన్ని నిర్మించారు. షామ్‌ద‌త్ సైనుద్దీన్‌ సినిమాటోగ్రఫీ అందించిన ఈ సినిమాకు నవీన్ నూలి ఎడిటర్.

LEAVE A REPLY

Please enter your comment!
Please enter your name here