Uppena Trailer: ఎన్టీఆర్ విడుదల చేసిన ‘ఉప్పెన’ ట్రైలర్.. మై బ్రదర్ వైష్ణవ్ అంటూ తారక్ మెసేజ్ – young tiger ntr releases panja vaisshnav tej uppena trailer

0
29


ప్రధానాంశాలు:

  • ‘ఉప్పెన’ ట్రైలర్‌ను ట్విట్టర్ ద్వారా పంచుకున్న ఎన్టీఆర్
  • మై బ్రదర్ వైష్ణవ్ తేజ్ అంటూ యంగ్ టైగర్ మెసేజ్
  • సినిమాపై అంచనాలు పెంచేస్తోన్న ట్రైలర్

పంజా వైష్ణవ్ తేజ్‌, కృతి శెట్టి హీరో హీరోయిన్లుగా.. బుచ్చిబాబు సానా దర్శకుడిగా పరిచయం అవుతోన్న సినిమా ‘ఉప్పెన’. సుకుమార్ రైటింగ్స్ భాగ‌స్వామ్యంతో మైత్రీ మూవీ మేక‌ర్స్ బ్యానర్‌పై నవీన్ యెర్నేని, వై.రవిశంకర్ నిర్మించారు. త‌మిళ స్టార్ యాక్టర్ విజ‌య్ సేతుప‌తి హీరోయిన్ తండ్రిగా, విలన్‌గా కీల‌క పాత్ర పోషించారు. దేవిశ్రీ ప్రసాద్ సంగీతం సమకూర్చిన ఈ చిత్రాన్ని ఫిబ్రవరి 12న ప్రేక్షకుల ముందుకు తీసుకొస్తున్నారు.

‘ఆచార్య’ మెగా బిజినెస్: రూ.120 కోట్ల పైనే.. దిల్ రాజుపై వరంగల్ శ్రీనుదే పైచేయి!!
హీరో వైష్ణవ్ తేజ్ బ‌ర్త్‌డే సంద‌ర్భంగా విడుదల చేసిన టీజ‌ర్‌కు మంచి స్పందన వచ్చింది. హీరో వాయిస్ చాలా బాగుందని.. హీరోయిన్ అద్భుతమని.. సినిమాలో కొత్తదనం కనిపిస్తోందని అన్నారు. ఈ టీజర్‌తో సినిమాపై అంచనాలు పెరిగాయి. ఇప్పుడు ఈ సినిమా నుంచి ట్రైలర్ వచ్చింది. ఈ ట్రైలర్‌ను యంగ్ టైగర్ ఎన్టీఆర్ విడుదల చేశారు. ట్విట్టర్ ద్వారా ట్రైలర్‌ను షేర్ చేసిన ఎన్టీఆర్.. ‘‘ఉప్పెన ట్రైలర్‌ను విడుదల చేయడం చాలా సంతోషంగా ఉంది. నా తమ్ముడు వైష్ణవ్‌కు శుభాకాంక్షలు. మైత్రీ మూవీ మేకర్స్‌కు.. డైరెక్టర్ బుచ్చిబాబు, కృతిశెట్టి, విలక్షణ నటుడు విజయ్ సేతుపతి గారు, దేవిశ్రీ ప్రసాద్‌లకు శుభాకాంక్షలు’’ అని పేర్కొన్నారు.

‘ఉప్పెన’ ట్రైలర్: విలన్‌గా విజయ్ సేతుపతి విశ్వరూపం

మరోవైపు, ‘ఉప్పెన’ ట్రైలర్ చాలా బాగుంది. బుచ్చిబాబు సానా తన తొలి సినిమానే అద్భుతంగా తీశారని ట్రైలర్ చూస్తే అర్థమవుతోంది. విజయ్ సేతుపతి విలన్‌గా తన విశ్వరూపాన్ని చూపించబోతున్నారని ట్రైలర్ చూస్తే స్పష్టమవుతోంది. వైష్ణవ్ తేజ్, కృతిశెట్టి జంట చాలా బాగుంది. ముఖ్యంగా షామ్‌దత్ సైనుద్దీన్ సినిమాటోగ్రఫీ అద్భుతం. అయితే, ట్రైలర్‌ను బట్టి ఇది విషాదాంత ప్రేమకథ అనే అనుమానం కలుగుతోంది. ‘‘ప్రేమ గొప్పదైతే చరిత్రలోని, సమాధుల్లోని కనపడాలి కానీ.. పెళ్లిచేసుకుని, పిల్లల్ని కని, ఇళ్లల్లో కనబడితే దాని విలువ తగ్గిపోదూ. అందుకే, ప్రేమ ఎప్పుడూ చరిత్రలోనే ఉంటది. దానికి భవిష్యత్తు ఉండదు. ఏటి!’’ అంటూ విజయ్ సేతుపతి చెప్పే డైలాగ్ ట్రైలర్‌కే హైలైట్.

కాకపోతే, విజయ్ సేతుపతికి డబ్బింగ్ సరిగా కుదరలేదు అనిపిస్తోంది. ఎందుకంటే, ఇప్పటి వరకు వచ్చిన డబ్బింగ్ సినిమాల్లో విజయ్ సేతుపతిని వేరే వాయిస్‌తో వినిపించారు. ఇప్పుడు ప్రముఖ డబ్బింగ్ ఆర్టిస్ట్ రవిశంకర్.. విజయ్ సేతుపతికి గాత్రదానం చేశారు. కాగా, ఈ చిత్రంలో సాయిచంద్‌, బ్రహ్మాజీ ముఖ్య పాత్రల్లో నటించిన ఈ చిత్రానికి క‌థ‌, స్క్రీన్‌ప్లే, మాట‌లు, ద‌ర్శక‌త్వం బుచ్చిబాబు సానా.

LEAVE A REPLY

Please enter your comment!
Please enter your name here