Uppena Success Celebrations: ‘ఏరా బుచ్చి’ అనడానికి సంకోచించాను: ‘ఉప్పెన’ సక్సెస్ సెలబ్రేషన్స్‌లో సుకుమార్ – uppena makers including buchi babu sana, sukumar celebrates movie success

0
20


ప్రధానాంశాలు:

  • ఫిబ్రవరి 12న విడుదలైన ‘ఉప్పెన’
  • పాజిటివ్ టాక్‌తో దూసుకెళ్తున్న వైష్ణవ్ తేజ్ సినిమా
  • సక్సెస్ సెలబ్రేషన్స్ చేసుకున్న దర్శక నిర్మాతలు

మెగా మేనల్లుడు వైష్ణవ్ తేజ్‌ను హీరోగా పరిచయం చేస్తూ కృతిశెట్టి హీరోయిన్‌గా కొత్త దర్శకుడు బుచ్చిబాబు సానా దర్శకత్వంలో రూపొందించిన చిత్రం ‘ఉప్పెన’. మైత్రీ మూవీ మేకర్స్, సుకుమార్ రైటింగ్స్ పతాకాలపై నవీన్ యెర్నేని, వై. రవిశంకర్ ఈ చిత్రాన్ని నిర్మించారు. ఫిబ్రవరి 12న ప్రపంచ వ్యాప్తంగా అత్యధిక థియేటర్లలో విడుదలైన ఈ చిత్రం భారీ ఓపెనింగ్స్ రాబట్టుకొని హిట్ టాక్ సొంతం చేసుకుంది. ఈ సందర్భంగా మైత్రీ మూవీ మేకర్స్ కార్యాలయంలో చిత్ర యూనిట్ మీడియా సమావేశాన్ని ఏర్పాటు చేసింది.

వాలంటైన్స్ డే నాడు గ్రేట్ న్యూస్ చెప్తానన్న శ్రీముఖి.. హాట్ ఫొటోలతో పిచ్చెక్కించిన యాంకర్
డైరెక్టర్ సుకుమార్ మాట్లాడుతూ.. ‘‘సినిమా విడుదలైన అన్నిచోట్ల నుండి యునామియస్ హిట్ టాక్ వచ్చింది. ఈ చిత్రాన్ని ఇంత పెద్ద హిట్ చేసిన ప్రేక్షకులకు, అభిమానులకు చాలా చాలా థాంక్స్. నాకు ఇది అద్భుతమైన క్షణం. ఒక శిష్యుడు గురువుని చేసిన రోజు ఇది. ఉప్పెన లాంటి ఒక అద్భుతమైన సినిమా ఇచ్చి నన్ను నిజమైన గురువుని చేసాడు బుచ్చి. చాలా గొప్పగా ఫీలవుతున్నాను.

నేను ఎప్పుడూ ఏరా, ఏంట్రా బుచ్చి అని పిలిచేవాడ్ని. కానీ ఈ సినిమా చూసి బయటికి వచ్చి ఏరా బుచ్చి అని పిలవటానికి సంకోచించి.. బుచ్చి అన్నాను. అదే ఈ సినిమా సక్సెస్‌కి నిదర్శనం. ఒక డైరెక్టర్‌గా నాకు బుచ్చి మీద అంత రెస్పెక్ట్ వచ్చేసింది. తను రాసుకున్న కథని అంతే అద్భుతంగా తెరపై ఆవిష్కరించాడు. ఒక కొత్త డైరెక్టర్‌లా చేసినట్టు లేదు. ఎంతో అనుభవం ఉన్న డైరెక్టర్‌లా ‘ఉప్పెన’ చిత్రాన్ని వండర్‌ఫుల్‌గా తీశాడు. ప్రీ-రిలీజ్‌ ఈవెంట్‌లో నేను అన్నట్లు ఇది వంద కోట్ల సినిమా.. అది త్వరలో రుజువు కాబోతుంది’’ అని అన్నారు.

Uppena Success Celebrations

‘ఉప్పెన’ సక్సెస్ సెలబ్రేషన్స్‌లో టీమ్

నిర్మాత నవీన్ యెర్నేని మాట్లాడుతూ.. ‘‘ఉప్పెన రిలీజ్ అయిన అన్ని చోట్ల నుండి యునానిమస్‌గా బ్లాక్ బస్టర్ టాక్ వచ్చింది. మా బ్యానర్‌లో ఇప్పటి వరకు 9 సినిమాలు తీశాం. ఫస్ట్ మూడు సినిమాలు బ్లాక్ బస్టర్స్ అయ్యాయి. మళ్ళీ ఉప్పెన చాలా పెద్ద హిట్ అయినందుకు చాలా హ్యాపీగా ఉంది. మాకు ఇంత పెద్ద హిట్ ఇచ్చిన బుచ్చికి, ప్రేక్షకులకు, అభిమానులకు కృతజ్ఞతలు’’ అని అన్నారు.

దర్శకుడు బుచ్చిబాబు సానా మాట్లాడుతూ.. ‘‘ఉప్పెన చిత్రానికి భారీ ఓపెనింగ్స్ వచ్చాయి. అన్ని ఏరియాల నుండి పెద్ద హిట్ టాక్ వచ్చింది. మా గురువు గారు సుకుమార్ గారు నాపై పెట్టుకున్న నమ్మకాన్ని నిజం చేసినందుకు చాలా హ్యాపీగా ఉంది. మా చిత్రాన్ని ఆదరించి పెద్ద హిట్ చేసిన ప్రేక్షకులకు, మెగా భిమానులకు నా ధన్యవాదాలు’’ అని అన్నారు.

LEAVE A REPLY

Please enter your comment!
Please enter your name here