uppena collections: ‘ఉప్పెన’ 7వ రోజు కలెక్షన్స్.. మెగా హీరో జోరు, కలెక్షన్ల ప్రవాహం కంటిన్యూ కానుందా..? – vaishnav tej’s uppena firts week collections

0
23


ప్రధానాంశాలు:

  • ‘ఉప్పెన’తో వైష్ణవ్ తేజ్ గ్రాండ్ ఎంట్రీ
  • తొలివారంలో కలెక్షన్ల సునామీ
  • సెకండ్ వీక్ కలెక్షన్స్‌పై చర్చ

మెగా కాంపౌండ్ నుంచి ఎందరో హీరోలు సినీ గడపతొక్కారు కానీ అందరిలో ప్రత్యేకం అని నిరూపించుకున్నాడు వైష్ణవ్ తేజ్. ‘ఉప్పెన’లా వచ్చి కలెక్షన్ల సునామీ సృష్టిస్తూ తొలిసినిమా తోనే తనకంటూ ఓ స్పెషల్ ఐడెంటిటీని సంపాదించాడు. ఫిబ్రవరి 12వ తేదీన ప్రేక్షకుల ముందుకొచ్చిన ‘ఉప్పెన’ మూవీ తొలి షోతోనే పాజిటివ్ టాక్ తెచ్చుకొని తొలివారం సక్సెస్‌ఫుల్‌గా ఫినిష్ చేసింది. ఇప్పటికే నిర్మాతలు లాభాల బాటలో పయనిస్తున్నారు.

హీరో వైష్ణవ్ తేజ్, హీరోయిన్ కృతి శెట్టి నటన, విజయ్ సేతుపతి విలనిజం, రియాలిటీకి దగ్గరగా ఉన్న కథ అన్నీ ఈ ‘ఉప్పెన’ కలెక్షన్ల ప్రవాహంలో కీలక భూమిక పోషించాయి. ఇప్పటికే భారత సినీ చరిత్రలో 21 ఏళ్లుగా పదిలంగా ఉన్న రికార్డును ‘ఉప్పెన’ బద్దలుకొట్టిన సంగతి మనందరికీ తెలుసు. ఇండియన్ సినిమాలో ఒక డెబ్యూ హీరోకి హయ్యస్ట్ గ్రాసర్‌గా ‘ఉప్పెన’ మూవీ నిలిచింది. తొలి రోజు నుంచే హవా స్టార్ట్ చేసిన ఈ సినిమా వారాంతం వరకూ కలెక్షన్స్ పరంగా ఫర్వాలేదనిపించింది.

7వ రోజు ఏరియాల వారిగా కలెక్షన్స్ (షేర్స్) రిపోర్ట్స్ చూస్తే..
నైజాం- 38 లక్షలు
సీడెడ్- 22 లక్షలు
ఉత్తరాంధ్ర- 34 లక్షలు
ఈస్ట్ గోదావరి- 17 లక్షలు
వెస్ట్ గోదావరి – 8 లక్షలు
గుంటూరు- 9.1 లక్షలు
కృష్ణా- 9 లక్షలు,
నెల్లూరు- 11 లక్షలుగా ఉన్నాయి.

రెండు తెలుగు రాష్ట్రాల్లో మొత్తంగా చూస్తే.. 6వ రోజు 1.93 కోట్లతో పోల్చితే 20% రేంజ్ డ్రాప్స్‌తో 7వ రోజు 1.44 కోట్ల షేర్‌ని సొంతం చేసుకుంది ఉప్పెన. అయితే ఇప్పటిదాకా కొనసాగించిన ‘ఉప్పెన’ జోరుకు ఈ రోజు నుంచి బ్రేకులు పడే అవకాశం ఉండొచ్చని అంటున్నారు విశ్లేషకులు. నేడు (ఫిబ్రవరి 19) ఏకంగా నాలుగు సినిమాలు (నాంది, చక్ర, కపటదారి, పొగరు) రిలీజ్ నేపథ్యంలో వైష్ణవ్ తేజ్ సినిమాకు పోటీ ఏర్పడిందని అంటున్నారు. సో.. చూడాలి మరి ఈ పోటీని తట్టుకొని మెగా హీరో జోరు, కలెక్షన్ల ప్రవాహం రెండో వారం కూడా కంటిన్యూ అవుతుందా? లేదా? అనేది.

LEAVE A REPLY

Please enter your comment!
Please enter your name here