uppena: వైషు బాబూ.. చాలా గర్వంగా ఉంది: తమ్ముడికి సాయి తేజ్ భావోద్వేగ లేఖ – sai dharam tej wishes his brother vaisshnav teja for uppena release

0
27


ప్రధానాంశాలు:

  • ‘ఉప్పెన’ యూనిట్‌కు శుభాకాంక్షలు తెలియజేసిన సాయి తేజ్
  • తమ్ముడి ఆరంగేట్రంపై భావోద్వేగ లేఖ
  • ఇది ప్రారంభం మాత్రమేనని అన్న సుప్రీమ్ హీరో

మెగా ఫ్యామిలీ నుంచి వెండితెరకు పరిచయం అవుతోన్న మరో హీరో వైష్ణవ్ తేజ్. చిరంజీవి చిన్న మేనల్లుడిగా, సుప్రీమ్ హీరో సాయి ధరమ్ తేజ్ తమ్ముడిగా రెండు భుజాలపై బాధ్యత అనే ఇమేజ్‌ను మోస్తూ ‘ఉప్పెన’ సినిమాతో ప్రేక్షకులకు పరిచయం అవుతున్నారు వైష్ణవ్ తేజ్. గతేడాది విడుదల కావాల్సిన ఈ సినిమా లాక్‌డౌన్ కారణంగా ఆలస్యమై ఇప్పుడు భారీ అంచనాల నడుమ రేపు (ఫిబ్రవరి 12న) ప్రేక్షకుల ముందుకు వస్తోంది. ఈ సందర్భంగా తన తమ్ముడికి శుభాకాంక్షలు తెలియజేస్తూ సాయి తేజ్ ఒక ట్వీట్ చేశారు.

సాయి తేజ్ చేసిన ట్వీట్‌లో ఒక లేఖను కూడా పొందుపరిచారు. ఈ లేఖను ఎంతో భావోద్వేగంతో రాశారు సాయి తేజ్. వైషు బాబూ అంటూ తన తమ్ముడిని ముద్దుగా పిలిచిన సాయి తేజ్.. అతడిని చూసి గర్వపడుతున్నానని పేర్కొన్నారు. తన తమ్ముడికి ఇది ప్రారంభం మాత్రమేనని.. ఇకపై ప్రయాణం అంత సులభంగా ఉండదని హెచ్చరించారు సుప్రీమ్ హీరో.
ఆర్కే నాయుడు ‘షాదీ ముబారక్‌’.. రిలీజ్ డేట్ ఫిక్స్ చేసిన దిల్ రాజు
‘‘నీ సినిమా మొత్తానికి రేపు విడుదలవుతోంది తమ్ముడు. నాకు చాలా ఆనందంగా, గర్వంగా ఉంది. నిన్న చిన్న పిల్లాడిలా ఉన్న నువ్వు పెరిగి పెద్దయి, వెండితెరపై మెరవబోతున్నావు. ఈ సమయంలో నీకు చాలా భయంగా, ఆత్రుతగా ఉంటుందని నాకు తెలుసు. నా తొలి చిత్రం విడుదలైనప్పుడు నేను పడిన కంగారు ఇప్పుడు నాకు గుర్తుకొస్తుంది.

ఇది నీ ప్రారంభం మాత్రమే, ఇకపై నీ ప్రయాణం అంత సులభంగా ఉంటుందని నేను హామీ ఇవ్వలేను. కానీ, ప్రేక్షకుల నుంచి నువ్వు ప్రేమను పొందగలవని మాత్రం చెప్పగలను. ఈరోజు నీతోపాటు మా అందరికీ ఎంతో ప్రత్యేకం. ‘ఉప్పెన’ విజయం సాధించాలని కోరుకుంటున్నాను. నిన్ను వెండితెరపై ఎప్పుడెప్పుడు చూద్దామా అని వేచి చూస్తున్నాను వైష్ణవ్’’ అని సాయి తేజ్ తన లేఖలో పేర్కొన్నారు.
కాగా, ‘ఉప్పెన’లో వైష్ణవ్ తేజ్ సరసన కృతిశెట్టి హీరోయిన్‌గా నటించారు. ఆమెకు ఇదే తొలి తెలుగు సినిమా. ఈ సినిమాకు సుకుమార్ శిష్యుడు బుచ్చిబాబు సానా దర్శకత్వం వహించారు. ఆయనకు దర్శకుడిగా ఇదే తొలి చిత్రం. సుకుమార్ రైటింగ్స్ సౌజన్యంతో మైత్రీ మూవీ మేకర్స్ బ్యానర్‌పై నవీన్ యెర్నేని, వై.రవిశంకర్ ఈ చిత్రాన్ని నిర్మించారు. దేవిశ్రీ ప్రసాద్ సంగీతం సమకూర్చారు. తమిళ స్టార్ నటుడు విజయ్ సేతుపతి ఈ చిత్రంలో హీరోయిన్ తండ్రిగా కీలక పాత్ర పోషించారు.

LEAVE A REPLY

Please enter your comment!
Please enter your name here