Uppena: ప్రేక్షకులు ఎక్కువకాలం గుర్తుంచుకునేది ఇలాంటి సినిమాలే.. పవన్ కళ్యాణ్ ఇంట్రెస్టింగ్ కామెంట్స్

0
20



మెగా మేనల్లుడు, సాయి ధరమ్ తేజ్ సోదరుడు హీరోగా పరిచయం కాబోతున్న ‘ఉప్పెన’ సినిమాకు పవర్ స్టార్ సపోర్ట్ లభించింది. మన జీవితాలను, అందులోని భావోద్వేగాలను, మన చుట్టూ ఉన్న పరిస్థితులను కథగా తెర మీదకు తీసుకువచ్చే చిత్రాలను ప్రేక్షకులు ఎక్కువకాలం గుర్తుంచుకుంటారు. ఆ కోవలోకి ‘ఉప్పెన’ చిత్రం చేరుతుంది అని పవన్ కళ్యాణ్ పేర్కొన్నారు.

క్రియేటివ్ డైరెక్టర్ సుకుమార్ శిష్యుడు బుచ్చిబాబు సానా ఈ సినిమాతో దర్శకుడిగా ప్రేక్షకులకు పరిచయం కానున్నారు. సుకుమార్ రైటింగ్స్ భాగ‌స్వామ్యంతో మైత్రి మూవీ మేక‌ర్స్ నిర్మించిన ఈ చిత్రంలో వైష్ణవ్ తేజ్ సరసన కృతి శెట్టి హీరోయిన్‌గా నటించింది. ఇప్పటికే విడుదలైన పోస్ట‌ర్లు, టీజ‌ర్‌, ట్రైల‌ర్‌, పాట‌లు సినిమాపై హైప్ క్రియేట్ చేశాయి. ఫిబ్రవరి 12న విడుదల కాబోతున్న ఈ సినిమాపై మెగా హీరోలు పాజిటివ్‌గా రియాక్ట్ అవుతుండటం సినిమాపై ఉన్న అంచనాలను అమాంతం పెంచేస్తోంది.

విడుదలకు ముందే తాజాగా ఈ సినిమా చూసిన పవన్ కళ్యాణ్ స్పందిస్తూ.. ”వైష్ణవ్ తేజ్ హీరోగా తొలి చిత్రంలోనే చాలా మంచి పాత్రను ఎంచుకున్నాడు. మొదటి అడుగులోనే సవాల్‌తో కూడుకున్న పాత్ర తీసుకున్న వైష్ణవ్ తేజ్ తప్పకుండా ప్రేక్షకుల మెప్పు పొందుతాడు. వైష్ణవ్ ‘జానీ’ చిత్రంలో బాల నటుడిగా హీరో చిన్నప్పటి పాత్రను పోషించాడు. ఇప్పుడు హీరోగా ఎదిగాడు. ‘ఉప్పెన’లో వైష్ణవ్ చాలా ఆకట్టుకొనేలా ఉన్నాడు. దర్శకుడిగా బుచ్చిబాబు సానా ఈ కథను ఎంతో సమర్థంగా తెరకెక్కించారు అని అర్థమవుతోంది. మనకు పరిచయం ఉన్న జీవితాలను, అందులోని ఎమోషన్స్‌ను, మన నేటివిటీనీ కళ్ల ముందుకు తీసుకువచ్చే చిత్రాలు ఎప్పుడూ జ్ఞాపకం ఉంటాయి. ‘ఉప్పెన’ కథలోని ఎమోషన్స్ కూడా తప్పకుండా ప్రేక్షకులకు నచ్చుతాయి. మంచి కథను తెరకెక్కించిన దర్శకుడు బుచ్చి బాబుకీ, ఈ చిత్ర నిర్మాతలకు, సాంకేతిక నిపుణులకు, నటులకు నా అభినందనలు. ‘ఉప్పెన‘ ఘన విజయం సాధించాలని కోరుకుంటున్నా” అన్నారు.

LEAVE A REPLY

Please enter your comment!
Please enter your name here