upasana konidela: 5 వేల మంది మహిళా రైతులతో ఉపాసన బృహత్తర ప్రణాళిక.. మాటల కన్నా చేతలు శక్తివంతం – upasana konidela aims to enrich the lifestyle of over 5000 women farmers in sangareddy

0
42


ప్రధానాంశాలు:

  • మాటల కన్నా చేతలు శక్తివంతమైనవి అన్న ఉపాసన
  • 5 వేల మంది మహిళా రైతుల జీవన విధానాన్ని మార్చడమే లక్ష్యం
  • ప్రతి నెలా 1000 కిలోల తృణధాన్యాల సేకరణ

తెలంగాణలోని మహిళా వ్యవసాయదారుల జీవన విధానాన్ని మెరుగుపరిచేందుకు అపోలో హాస్పిటల్స్ నడుం బిగించింది. ఈ మేరకు బృహత్తర ప్రణాళికను సిద్ధం చేసింది. డెక్కన్ డెవలప్‌మెంట్ సొసైటి (డి.డి.ఎస్) ఆధ్వర్యంలో ఐదు వేల మంది మహిళా వ్యవసాయదారుల జీవన ప్రమాణాలను మెరుగుపరచాలని అపోలో హాస్పిటల్స్ లక్ష్యంగా పెట్టుకుంది. తృణధాన్యాల వినియోగం గురించి ప్రజలలో అవగాహన పెంచడంతో పాటు వాటి వినిమయాన్ని పెంచడం కోసం అపోలో కృషి చేస్తోంది.

అపోలో హెల్త్ కేర్ గ్రూప్ ఇప్పటికే 4000 కిలోల తృణధాన్యాలను సేకరించింది. అలాగే, ఇక నుండి ప్రతి నెలా 1000 కిలోల తృణధాన్యాలను సేకరించడం ద్వారా సంగారెడ్డి జిల్లాలోని మహిళా వ్యవసాయదారులకు అండగా నిలువనుంది అపోలో హాస్పిటల్స్. ఈ మేరకు అపోలో హాస్పిటల్స్ గ్రూప్ కార్పొరేట్ సామాజిక బాధ్యత (సి.ఎస్.ఆర్.) విభాగపు వైస్-చైర్మన్, సినీ నటుడు రామ్ చరణ్ భార్య ఉపాసన కొణిదెల ఒక ప్రకటన విడుదల చేశారు.

ఎన్టీఆర్ నన్ను చూసి ‘బాగున్నారా’ అని అడిగారు.. చాలా కంగారు పడ్డా: యాంకర్ రవి
“మహిళా వ్యవసాయదారులలో ఆరోగ్యాన్ని పెంచడంతో పాటు వారి జీవన ప్రమాణాలను మెరుగుపర్చడం మా లక్ష్యం. అందుకు అవసరమైన విద్యను, నైపుణ్యాలను వారికి అందించడం ద్వారా మహిళా వ్యవసాయదారులకు ఆరోగ్యంతో పాటు సంపదను కూడా పెంచాలన్నది మా సంకల్పం” అని ఉపాసన తెలియజేశారు. మన ఇళ్లల్లో, ఆర్థిక వ్యవస్థలో వరి, గోధుమలకు ఎక్కువ ప్రాధాన్యం లభిస్తోందని.. అవి సమృద్ధిగా లభిస్తున్నప్పటికీ, వాటిని అధికంగా వినియోగించడం వల్ల జీవనశైలికి సంబంధించిన అనారోగ్య సమస్యలు ఏర్పడుతున్నాయని ఆమె పేర్కొన్నారు.

‘‘కిలో వరి పండించడానికి 4000 లీటర్ల సాగునీరు అవసరం అవుతుంది. ఈ పంటల వల్ల మన భూమిలోని నీటి నిల్వలు ఎక్కువ వాడవలసి వస్తోంది. ఇది పర్యావరణం మీద తీవ్రమైన ప్రభావాన్ని చూపిస్తుంది. సాగునీటి వినియోగం విషయానికి వస్తే, వరితో పోలిస్తే తృణధాన్యాల పంటలకు 25 నుండి 30 శాతం సాగు నీరు సరిపోతుంది. ఈ విషయాన్ని దృష్టిలో పెట్టుకుని మరింత ఆరోగ్యకరమైన జీవనం కోసం, అలాగే పర్యావరణ పరిరక్షణ కోసం తృణధాన్యాల పంటల మీద మనం దృష్టి సారించవలసిన అవసరం ఉంది. పర్యావరణాన్ని పరిరక్షించడం ద్వారా వాతావరణంలో మార్పులను నిరోధించవచ్చు, తద్వారా మన ఆరోగ్యాలను మెరుగుపర్చుకోవచ్చు’’ అని ఉపాసన వెల్లడించారు.

అనారోగ్యంతో బాధపడుతోన్న మెగా అభిమాని.. చిరంజీవి ఆర్థిక సాయం
తృణధాన్యాలలో ప్రొటీన్లు, పీచుపదార్థాలు, ఐరన్, కాల్షియం పాళ్లు బియ్యంలో కంటే ఎంతో అధికంగా ఉంటాయని ఉపాసన చెప్పారు. వాటిని తినడం వల్ల పోషక పదార్థాలు మన శరీరానికి ఎక్కువగా అందుతాయన్నారు. ఫలితంగా పోషకాహార లోపాల వల్ల ఏర్పడే అనారోగ్య సమస్యలను అది నిరోధిస్తుందని చెప్పారు. తృణధాన్యాలను తినడం వల్ల ప్రజల్లో మధుమేహ రోగ శాతం కూడా గణనీయంగా తగ్గిపోతుందన్నారు. ‘‘మీ ఆరోగ్యాన్నీ, మన భూమి మీద వాతావరణ పరిరక్షణనీ దృష్టిలో ఉంచుకుని మీరు మేలైన ఆహారపు అలవాట్లను ఎంచుకోండి. ఆరోగ్యాన్ని వృద్ధి చేసే తృణధాన్యాలను కొనుగోలు చేసి పోషక విలువలు ఉన్న ఆహారపదార్థాల వైపు మళ్లండి’’ అని ఉపాసన సలహా ఇచ్చారు.

LEAVE A REPLY

Please enter your comment!
Please enter your name here