Upasana Kamineni: అందుకోసమే వాలెంటైన్ డేను ఉపయోగించుకుంటాం.. ఉపాసన కామెంట్స్ వైరల్ – upasana comments on every year valentine’s day

0
20


ప్రధానాంశాలు:

  • నేడు (ఫిబ్రవరి 14) వాలెంటైన్స్ డే
  • ఓపెన్ అయిన మెగా కోడలు
  • చెర్రీతో ప్రతి వాలెంటైన్ డే రోజున ఇయర్ రివ్యూ

లవర్స్ డే (ఫిబ్రవరి 14) వచ్చిందంటే ఇటు ప్రేమికులు, అటు భార్యాభర్తలు రకరకాల ప్లాన్స్ చేస్తుంటారు. కానుకలు, గత జ్ఞాపకాలు గుర్తుచేసుకుంటూ తమ తమ పార్ట్‌నర్‌తో హ్యాపీ మూడ్‌లో ఎంజాయ్ చేస్తుంటారు. అయితే తమకు మాత్రం ప్రతీ వాలైంటైన్ డే చాలా చాలా ప్రత్యేకం అని చెబుతోంది కొణిదెల కోడలు ఉపాసన. మీడియాతో కాసేపు ముచ్చటించిన ఆమె ప్రతి ఏడాది ప్రేమికుల రోజును తన భర్త రామ్ చరణ్‌తో చాలా సంతోషంగా సెలబ్రేట్ చేసుకుంటానని చెప్పింది.

ప్రతి ఏడాది వాలైంటైన్ డే రోజున తామిద్దరం కూర్చొని జీవితంలోని చాలా విషయాలపై చర్చించుకుంటానమని, రోజంతా కలిసి సరదాగా టీవీ షోలు చూస్తూ, ఇష్టమైన పనులు చేస్తూ మాట్లాడుకొంటామని చెప్పింది. లైఫ్‌లో నిర్దేశించుకున్న లక్ష్యాలపై ఓ సారి రివ్యూ చేసుకుంటూ ఉంటామని తెలిపింది. ఆ సమీక్షల కోసమే ప్రత్యేకంగా వాలంటైన్ డేను ఉపయోగించుకొంటామని ఆమె చెప్పుకొచ్చింది. అటు చెర్రీకి, ఇటు తనకు జీవిత లక్ష్యాలను పున:సమీక్షించుకోవడానికి ఈ రోజును రోజును వేదికగా చేసుకొంటామని ఉపాసన పేర్కొంది.

ఇకపోతే వాలంటైన్ డే రోజు చరణ్ తనకు ఎన్నో బహుమతులు ఇచ్చారని చెప్పిన ఉపాసన.. ఆ బహుమతుల కంటే మెమొరీస్‌పై రివ్యూ చేసుకోవడమే చాలా సంతోషాన్నిస్తుందని తెలిపింది. వాలెంటైన్స్ డే సందర్భంగా చరణ్ ఇచ్చిన గిప్టుల్లో బాగా గుర్తుండిపోయేది ఒకటి ఉందని, హృదయం ఆకారంలో ఉండే చెవి రింగులను ఆయన గిఫ్టుగా ఇచ్చారని చెప్పింది. దాంపత్య జీవితంలో అందరి మాదిరిగానే తమ మధ్య కూడా చిన్న చిన్న పోట్లాటలు జరగడం, ఆ తర్వాత కలిసిపోవడం జరుగుతుంటాయని ఉపాసన తెలిపింది.
పెళ్లిలో చాలా చీటింగ్ జరిగింది.. సునీత భర్త రామ్ వీరపనేని షాకింగ్ కామెంట్స్
ఇక ఉపాసన, రామ్ చరణ్ కెరీర్ విషయానికొస్తే.. మెగా కోడలిగా మెప్పు పొందుతూ పలు సామాజిక అంశాల పట్ల తన వంతు సహకారం అందిస్తోంది ఉపాసన. రామ్ చరణ్ ప్రస్తుతం తన RRR సినిమాతో బిజీగా ఉన్నారు. రాజమౌళి దర్శకత్వంలో రూపొందుతున్న ఈ సినిమా శరవేగంగా షూటింగ్ జరుపుకుంటోంది.

LEAVE A REPLY

Please enter your comment!
Please enter your name here