up woman hanging: దేశంలో ఉరికంభం ఎక్కనున్న తొలి మహిళ.. ఎంఏ చదివింది, ప్రియుడి కోసం నీచం! – uttar pradesh’s shabnam may be the first woman to be hanged in independence india, all about her case

0
27


మె ఉన్నత చదువులు చదివింది. డ్యుయల్ ఎంఏ (ఇంగ్లిష్, జాగ్రఫీ) చేసింది. గ్రామంలోని ప్రాథమిక పాఠశాలలో విద్యార్థులకు పాఠాలు కూడా చెప్పింది. ఆమెను ఉరి తీయించడానికి మథుర జైలు అధికారులు ఏర్పాట్లు చేశారు. మీరట్‌కు చెందిన తలారి పవన్ జల్లద్ ఆ మహిళను ఉరి తీయడానికి సిద్ధమయ్యాడు. 2012లో ఢిల్లీలో సంచలనం సృష్టించిన నిర్భయ ఘటన దోషులను ఉరి తీసిన తలారి ఆయనే.

మహిళ ఉరితీతకు అవసరమైన తాడు కోసం అధికారులు ఆర్డర్ చేశారు. ఇక ముహూర్తం నిర్ణయించి ఉరితీయడమే తరువాయి. అదే జరిగితే ఆమె.. దేశంలో ఉరికంభం ఎక్కిన తొలి మహిళగా చరిత్రలో నిలిచిపోనుంది.

సాధారణంగా ఉన్నత చదువులు చదివిన మహిళలు ఏదో గొప్ప పని చేయడం ద్వారా వార్తల్లో ప్రముఖంగా నిలుస్తారు. కానీ, ఈ మహిళ అందుకు పూర్తి విరుద్ధం. ఇంతకీ ఆ మహిళ ఎవరు? ఉరి తీసేంత దారుణం ఏం చేసింది? ఆ వివరాలు..

ఉత్తర ప్రదేశ్‌కు చెందిన ఆ మహిళ పేరు షబ్నమ్. పర్షియన్ భాషలో ఆ పేరుకు అర్థం ‘హిమ బిందువు’ అని. పేరుకు దగ్గట్టే సుకుమారంగా ఉంటుంది. అందంతో పాటు తెలివితేటలు కూడా ఉన్నాయి. కానీ, బుద్ధి మాత్రం అలా కాదు. ఒకేసారి ఏడుగురిని హత్య చేసింది. వారంతా ఆమె కుటుంబసభ్యులే. వారిలో అభంశుభం తెలియని ఓ చిన్నారి కూడా ఉండటం విషాదకరం.

అసలేం జరిగింది?
షబ్నమ్ ఇంటి పక్కనే ఓ కట్టె కోత మెషీన్ ఉండేది. అందులో సలీమ్ అనే వ్యక్తి కార్మికుడిగా పనిచేసేవాడు. ఆమెకు అతడితో పరిచయం ఏర్పడింది. అనతి కాలంలోనే అది శారీరక సంబంధానికి దారితీసింది. విషయం షబ్నమ్ ఇంట్లో తెలియడంతో కుటుంబసభ్యులు మందలించారు. ఆ యువకుడితో ఎలాంటి సంబంధాలు కొనసాగించవద్దని హెచ్చరించారు.

కానీ, షబ్నమ్ పూర్తి విరుద్ధమైన నిర్ణయం తీసుకుంది. సలీంను పెళ్లి చేసుకోవాలనుకుంది. ఆ విషయాన్ని ఇంట్లో వాళ్లకు చెప్పింది. కట్టె కోత కర్మాగారంలో కూలీగా పనిచేసేవాడికి తమ కుమార్తెను ఇచ్చి పెళ్లి చేయడానికి వాళ్లు ఒప్పుకోలేదు. ఆమెను ఈసారి గట్టిగా మందలించారు. ఎదురుతిరగడంతో గదిలో పెట్టి బంధించారు.

ప్రియుడిని కలవకుండా చేశారనే కోపంతో షబ్నమ్ తన కుటుంబసభ్యులపై కోపం పెంచుకుంది. ఈ క్రమంలో దారుణమైన నిర్ణయం తీసుకుంది. వారి అడ్డు తొలగించుకోవాలనుకుంది. తాను మారినట్టు కుటుంబసభ్యులను నమ్మించింది. రహస్యంగా ప్రియుడిని కలిసి తన ప్రణాళిక వివరించింది.

అది 2008 ఏప్రిల్ 14 అర్ధరాత్రి. షబ్నమ్ కుటుంబసభ్యులందరూ గాఢ నిద్రలోకి జారుకున్నారు. భూకంపం వచ్చినా నిద్ర లేచే పరిస్థితిలో లేరు. ఎందుకంటే షబ్నమ్ ముందస్తు ప్రణాళిక ప్రకారం.. కుటుంబసభ్యులు రాత్రి భోజనం తర్వాత తాగే పాలలో మత్తు మందు కలిపింది. వాళ్లు మత్తులోకి జారుకున్న తర్వాత తన ప్రియుడిని ఇంటికి రప్పించింది. సలీంతో కలిసి వారందరినీ గొంతు నులిమి ఊపిరాడకుండా చేసి దారుణంగా హత్య చేయించింది. షబ్నమ్ తన మేనకోడలిని కూడా విడిచిపెట్టలేదు.

హత్య జరిగిన 5 రోజుల తర్వాత షబ్నమ్‌ను, ఆమె ప్రియుడిని పోలీసులు అరెస్టు చేశారు. ఆరోగ్య పరీక్షలు చేయించగా షబ్నమ్ అప్పటికే ఏడు వారాల గర్భవతి అని తేలింది. పోలీసులు వారిద్దరిపై హత్య కేసు నమోదు చేసి జైలుకు పంపించారు. 2008లో డిసెంబర్‌లో షబ్నమ్ ఓ బిడ్డకు జన్మనిచ్చింది.

పోలీసుల విచారణలో సంచలన విషయాలు బయటపడ్డాయి. కేసు విచారణ జరిపిన మథుర కోర్టు 2010 జూలై 14న నిందితులిద్దరికీ మరణశిక్షను విధిస్తూ తీర్పు వెలువరించింది. దీన్ని సవాలు చేస్తూ వారిద్దరూ అలహాబాద్‌ హైకోర్టును ఆశ్రయించారు. అలహాబాద్ కోర్టు.. దిగువ కోర్టు ఇచ్చిన తీర్పునే సమర్థించింది. రివ్యూ పిటిషన్లను కొట్టివేసింది. దీంతో సలీం, షబ్నమ్‌ 2015లో సుప్రీంకోర్టును ఆశ్రయించారు. అక్కడ కూడా వారికి నిరాశే ఎదురైంది.

చివరి ప్రయత్నంగా దోషులిద్దరూ రాష్ట్రపతి వద్ద క్షమాభిక్ష కోసం అభ్యర్థించారు. నాటి రాష్ట్రపతి ప్రణబ్ ముఖర్జీ వారికి క్షమాభిక్ష పెట్టడానికి నిరాకరించారు. దీంతో దారులన్నీ మూసుకుపోయాయి. ఇక ఉరితీయడమే మిగిలింది. దోషులిద్దరినీ ఉరి తేయడానికి మథుర కోర్టు త్వరలోనే తేదీలను ఖరారు చేయనుంది.

దేశంలో మహిళలను ఉరితీసే ఏకైక చోటు..
భారత్‌లో మహిళలను ఉరి తీయడానికి ఏర్పాట్లు ఉన్న ఏకైక ప్రదేశం ‘మథుర జైలు’. దీన్ని 150 ఏళ్ల కిందట నిర్మించారు. బ్రిటిషర్ల పాలనా కాలంలో 1870లో ఏర్పాటు చేసినట్లు చరిత్ర చెబుతోంది. స్వాతంత్య్రానికి పూర్వం అక్కడ ఓ మహిళకు ఉరిశిక్షను కూడా అమలు చేసినట్లు చరిత్రకారులు చెబుతున్నారు. 150 ఏళ్ల నాటి ఈ జైల్లో ఇప్పుడు మరో మహిళను ఉరికంభం ఎక్కించడానికి రంగం సిద్ధమైంది. స్వాతంత్య్రం తర్వాత ఉరిశిక్షకు గురైన తొలి మహిళగా షబ్నమ్ వార్తల్లోకి ఎక్కనుంది.

LEAVE A REPLY

Please enter your comment!
Please enter your name here