up dolphin killed: యూపీలో యువకుల పైశాచికం..డాల్ఫిన్‌‌ను దారుణంగా కొట్టి – dolphin beaten to death by youth in uttar pradesh caught on camera, 3 arrested

0
28


ఉత్తరప్రదేశ్‌లో మరో దారుణ ఘటన జరిగింది. కొందరు యువకులు ఓ డాల్ఫిన్‌ను అత్యంత కిరాతకంగా కొట్టి చంపేశారు. డిసెంబరు 31న జరిగిన ఈ ఘటనకు సంబంధించిన వీడియో సోషల్‌ మీడియాలో వైరల్‌గా మారింది. ప్రతాప్‌గఢ్ జిల్లాలో కొందరు యువకుల డాల్ఫిన్‌ను కర్రలు, గొడ్డలి, రాడ్లతో కొట్టి దారుణంగా హింసించి చంపిన వీడియో సోషల్ మీడియాలో ప్రత్యక్షం కావడంతో పోలీసులు దర్యాప్తు చేపట్టారు. ఈ ఘటనకు సంబంధించి ముగ్గురు నిందితులను అరెస్ట్ చేశారు.

ప్రతాప్‌గఢ్ జిల్లాలోని కొఠారియా గ్రామ సమీపంలోని శారద కెనాల్‌లో చేపల వేటకు వెళ్లిన యువకుల వలకు 5 అడుగుల పొడవున్న డాల్ఫిన్ చిక్కింది. దానిని పెద్ద చేపగా భావించిన యువకులు వల లాగిన తర్వాత చూసి నిరుత్సాహానికి గురయ్యారు. అది డాల్ఫిన్ అని, అమ్ముకుని సొమ్ము చేసుకునేందుకు పనికిరాదని తెలిసి కోపంతో రగిలిపోయారు. అందరూ కలిసి కర్రలతో కొడుతూ గొడ్డలితో నరికేశారు. ఈ దారుణాన్ని వీడియో తీసిన ఓ వ్యక్తి.. దాన్ని ఎందుకలా హింసిస్తున్నారంటూ ఆగ్రహం వ్యక్తం చేసినా ఆ దుర్మార్గులు కనికరించలేదు.

కత్తులతో దాని శరీరాన్ని రెండుగా చీల్చేసి చనిపోయిందని నిర్ధారించుకున్నాక యువకులంతా అక్కడి నుంచి వెళ్లిపోయారు. ఈ మొత్తం ఘటనను వీడియో తీసిన ఓ యువకుడు దాన్ని సోషల్ మీడియాలో షేర్ చేయడంతో వైరల్‌గా మారింది. ఈ వీడియోను చూసిన పోలీసులు కొఠారియా గ్రామానికి చెందిన ముగ్గురు యువకులను అరెస్ట్ చేశారు. డాల్ఫిన్‌ను జాతీయ జల జంతువుగా ప్రకటిస్తూ 2009లో కేంద్ర ప్రభుత్వం ఆదేశాలు జారీచేసింది. డాల్ఫిన్‌ను హింసించినా, చంపినా వైల్డ్‌లైఫ్ ప్రొటెక్షన్ యాక్ట్ 1972 సెక్షన్ 9/51 ప్రకారం శిక్షార్హమైన నేరం.

LEAVE A REPLY

Please enter your comment!
Please enter your name here