uk prince harry: బ్రిటన్ యువరాజు సంచలన నిర్ణయం.. భార్య కోసం రాచరికం వదులకున్నట్టు ప్రకటన! – uk’s prince harry to lose all honorary titles, says buckingham palace

0
25


ప్రధానాంశాలు:

  • రాజకుటుంబం నుంచి బయటకొచ్చిన ప్రిన్స్ హ్యారీ.
  • సాధారణ జీవితానికే మొగ్గుచూపిన యువరాజు.
  • సైనిక గౌరవాలు, రాజమర్యాదలను త్వజించిన హ్యారీ.

యువరాజు హ్యారీ, ఆయన భార్య మేఘన్ మార్కెల్‌లు రాజకుటుంబంలోకి క్రియాశీల సభ్యులుగా తిరిగి రారని బకింగ్‌‌హామ్‌ ప్యాలెస్‌ శుక్రవారం ప్రకటించింది. తాము ఇకపై రాజకుటుంబంలో సభ్యులుగా రాలేమని ఎలిజిబెత్ రాణికి హ్యారీ దంపతులు తెలియజేశారని ఓ ప్రకటనలో తెలిపింది. వారు రాయల్ ఫ్యామిలీ నుంచి బయటకు వెళ్లిపోతున్నట్టు ప్రకటించడంతో వారు బాధ్యతలను నిర్వహించడం సాధ్యం కాదని బ్రిటన్ రాణి పేర్కొన్నారు. ఇతర రాజకుటుంబ మర్యాదలు, సైనిక గౌరవాలు అన్నీ తిరిగి మహారాణికి అప్పగించారని స్పష్టం చేశారు.

హ్యారీ నాయినమ్మ, రాణి ఎలిజబెత్‌ 2(94) పేరుతో విడుదలైన ప్రకటనలో..‘డ్యూక్‌ ఆఫ్‌ సస్సెక్స్‌ ప్రిన్స్‌ హ్యారీ (36), ఆయన భార్య డచెస్‌ ఆఫ్‌ సస్సెక్స్‌ మేఘన్‌ మార్కెల్‌ (39) ఏడాదిలోగా తిరిగి క్రియాశీల విధుల్లోకి చేరతామంటూ చేసిన ప్రకటన గడువు పూర్తి కావస్తోంది. దీనిపై నిర్ణయం తెలియజేయాలని రాణి లేఖ రాశారు. తాము రాజకుటుంబంలోకి తిరిగి రాలేమని హ్యారీ దంపతులు సమాధానం ఇచ్చారు. దీంతో ఆ విధులన్నీ తిరిగి రాణికే దఖలు పడ్డాయి. వాటిని ఆమె కుటుంబంలోని ఇతరులు తిరిగి అప్పగించనున్నా’అని ఆమె వివరించింది.

ఆర్థికంగా స్వతంత్రంగా జీవించేందుకు వీలుగా రాజకుటుంబం క్రియాశీలక విధుల నుంచి వైదొలుగుతున్న ప్రిన్స్‌ హ్యారీ దంపతులు గత ఏడాది మార్చిలో ప్రకటించిన విషయం తెలిసిందే. ప్రస్తుతం వారిప్పుడు అమెరికాలో నివాసం ఉంటున్నారు. ససెక్స్ యువరాజు, యువరాణి హ్యారీ, మేఘన్ రాచరిక విధుల నుంచి తప్పుకోవడం సంచలనానికి దారి తీసింది.

కాలిఫోర్నియాలో సాధారణ వ్యక్తుల్లా కొత్త జీవితాన్ని గడుపుతున్న హ్యారీ దంపతులు.. గతేడాది ప్రారంభంలో దీనికి సంబంధించి తొలి అడుగు వేశారు. ఈ సమయంలోనే బ్రిటన్ రాణితో అత్యవసర శిఖరాగ్ర సమావేశం నిర్వహించారు. అయితే, ఏడాది తర్వాత తమ నిర్ణయంపై పునరాలోచిస్తామని తెలిపారు.

మాజీ సైనికుడు అయిన ప్రిన్స్ హ్యారీకి సైన్యంలో కొన్ని గౌరవ పదవులు ఉన్నాయి. ఇక ప్రిన్స్ హ్యారీ భార్య మేఘన్ మార్కెల్ కూడా తనకు ఉన్న గౌరవ పదవులను కూడా త్యజించారు. ఈ దంపతులు త్వరలో రెండో బిడ్డకు జన్మనివ్వబోతున్నారు. దీనికి సంబంధించి ఓ ఇంటర్వ్యూ ఓఫ్రా విన్ ఫ్రే షోలో ప్రసారం కానుంది.

LEAVE A REPLY

Please enter your comment!
Please enter your name here