uk covid strain: మరోసారి రూపు మార్చిన బ్రిటన్ స్ట్రెయిన్.. టీకా పనిచేయకపోవచ్చు! – uk covid strain has mutated, impact vaccines says experts

0
23


ప్రధానాంశాలు:

  • మళ్లీ కొత్తరూపం మార్చుకున్న బ్రిటన్ కోవిడ్ స్ట్రెయిన్.
  • ప్రస్తుత టీకాలు ప్రభావం చూపవంటోన్న నిపుణులు.
  • కొత్తరకం స్ట్రెయిన్ మూలాలపై మరింత లోతుగా పరిశీలన.

సాధారణ కరోనా వైరస్‌తో పోల్చితే బ్రిటన్‌లో వెలుగుచూసిన కొత్తరకం స్ట్రెయిన్ 40 శాతం వేగంగా వ్యాప్తిచెందుతున్నట్టు నిపుణులు వెల్లడించిన విషయం తెలిసిందే. ప్రస్తుతం ఈ స్ట్రెయిన్ ప్రపంచవ్యాప్తంగా 80 దేశాలకు విస్తరించింది. ఇదిలా ఉండగా ఈ స్ట్రెయిన్ గురించి మరో ఆందోళనకర విషయం వెలుగులోకి వచ్చింది. బ్రిటన్ స్ట్రెయిన్ మరోసారి ఉత్పరివర్తనం (మ్యుటేషన్) చెందినట్టు శాస్త్రవేత్తలు తాజాగా గుర్తించారు. దక్షిణ ఇంగ్లండ్‌లోని వెలుగుచూసిన ఈ ‘కెంట్‌’ వైరస్‌ నమూనాలపై కేంబ్రిడ్జ్‌ యూనివర్సిటీ, నేషనల్‌ ఇన్‌స్టిట్యూట్‌ ఫర్‌ హెల్త్‌ రీసెర్చ్‌ శాస్త్రవేత్తల పరిశోధనలో ఈ విషయం బయటపడింది.

గతంలో దక్షిణాఫ్రికా, బ్రెజిల్‌లో గుర్తించిన ‘E484K’ రకం వైరస్‌తో కలిసి కెంట్‌ ఉత్పరివర్తనం చెందినట్టు ప్రాథమికంగా నిర్ధారించారు. అయితే దీనిపై ఇంకా పూర్తిస్థాయిలో సమీక్షించాల్సి ఉంది. మ్యుటేషన్ B.1.1.7 జాతి కనీసం 11 నమూనాలలో కొత్తగా గుర్తించారు. ఈ నమూనాలలో కొన్ని ఒకే కేసు నుంచి వ్యాప్తి చెందకుండా, ఉత్పరివర్తనం స్వతంత్రంగా ఉన్నట్టు భావిస్తున్నారు. అంతేకాదు, ఈ స్ట్రెయిన్ కోవిడ్ యాంటీబాడీల రక్షణ నుంచి కూడా తప్పించుకోవడానికి అవకాశం ఉందని శాస్త్రవేత్తలు పేర్కొంటున్నారు.

‘E484Kతో ఉత్పరివర్తనం చెందిన స్ట్రెయిన్ ప్రస్తుతానికి కొద్ది మందికి మాత్రమే సోకింది. అయితే, ఈ రకం వైరస్‌పై వ్యాక్సిన్‌ ప్రభావం అంతంత మాత్రంగానే ఉండవచ్చని భావిస్తున్నాం. కరోనా వైరస్‌లో కొత్తగా వస్తున్న మార్పులకు అనుగుణంగా తదుపరి వ్యాక్సిన్లను అభివృద్ధి చేసుకోవాల్సి ఉంది. 80 ఏళ్ల వృద్ధులు రెండు డోసుల కొవిడ్‌-19 వ్యాక్సిన్‌ను తీసుకుంటేనే వారికి మహమ్మారి నుంచి తగిన రక్షణ లభిస్తుందని కూడా మా పరిశోధనలో తేలింది’ అని కేంబ్రిడ్జ్‌ పరిశోధకుడు ప్రొఫెసర్‌ రవి గుప్తా తెలిపారు.

ఇప్పటికే గుర్తించిన వేరియంట్.. టీకాలు అందించే రోగనిరోధక రక్షణకు కొంతమేర నిరోధకత కలిగివుండటం లేదా ఇంతకు ముందు సోకిన వ్యక్తులలో పునర్నిర్మాణానికి కారణమయ్యే ప్రమాదం ఎక్కువగా ఉందని దీని అర్ధం అని నిపుణులు వ్యాఖ్యానించారు. టీకా సమర్ధతకు ఇది ఓ రకంగా చేదు వార్తేనని యేల్ స్కూల్ ఆఫ్ పబ్లిక్ హెల్త్ ఎపిడిమియాలజీ అసోసియేట్ రిసెర్చ్ సైంటిస్ట్ జోసెఫ్ ఫౌవేర్ అన్నారు.

‘కొత్తగా గుర్తించిన వేరియంట్ గురించి అమెరికాలోనూ పర్యవేక్షణ కొనసాగించాల్సిన అవసరం ఉంది.. ఇక్కడ జన్యు శ్రేణి వైవిధ్యాలను గుర్తించే ప్రయత్నాలు బ్రిటన్ కంటే వెనుకబడి ఉన్నాయి.. దీనిని యూకేలో మాత్రమే గుర్తించామంటే వారి బలమైన జన్యు పర్యవేక్షణ కార్యక్రమం ఫలితం కావచ్చు’అని అభిప్రాయపడ్డారు.

ఈ పరిణామాలు ప్రపంచవ్యాప్తంగా కోవిడ్ -19 పథాన్ని ప్రభావితం చేస్తున్నా? లేదా అనేది త్వరగా తెలుసుకోవాల్సిన అవసరం ఉందని నిపుణులు అంటున్నారు.
ఏదేమైనా, కొన్ని పరిశోధనలు దక్షిణాఫ్రికాలో టీకాల ప్రభావం తక్కువగా ఉందన్న వెనుక E484K ఒక ప్రధాన కారణం కావచ్చునని మరికొందరు పరిశోధకులు అభిప్రాయపడుతున్నారు.

LEAVE A REPLY

Please enter your comment!
Please enter your name here