UAE citizenship: విదేశీయులకు పౌరసత్వం.. UAE కీలక నిర్ణయం, భారతీయులకు ప్రయోజనం – uae plans to offer citizenship to foreigners to boost economy, benefit for indians

0
25


ప్రధానాంశాలు:

  • యూఏఈ ప్రభుత్వం కీలక నిర్ణయం.
  • తమ దేశంలో ఉంటున్న విదేశీయులకు పౌరసత్వం.
  • అక్కడ పెద్ద సంఖ్యలో ఉంటున్న భారతీయులకు ప్రయోజనం.

యూఏఈ ప్రభుత్వం కీలక నిర్ణయం తీసుకుంది. వివిధ కార్యకలాపాల రీత్యా తమ దేశంలో ఉంటున్న విదేశీ పౌరులకు యూఏఈ పౌరసత్వాన్ని ఇచ్చేందుకు సిద్ధమైంది. దుబాయి రూలర్, యునైటెడ్ అరబ్ ఎమిరేట్స్ ప్రధాని షేక్ మహమ్మద్ బిన్ రషీద్ అల్ మక్తూమ్ ఈ విషయాన్ని స్వయంగా వెల్లడించారు. పౌరసత్వ చట్టానికి సవరణలు తీసుకురానున్నట్లు తెలిపారు.

తమ ఆర్థిక వ్యవస్థను పరుగులు పెట్టించే దిశగా యూఏఈ ప్రభుత్వం ఈ నిర్ణయం తీసుకున్నట్లు విశ్లేషకులు అభిప్రాయపడుతున్నారు. వివిధ ఉద్యోగాలు నిమిత్తం విదేశాలకు వెళ్తున్న భారతీయుల్లో యూఏఈకి వెళ్తున్న వారే అధికంగా ఉన్నారు. అక్కడి ప్రభుత్వం నిర్ణయంతో వీరంతా ప్రయోజనం పొందనున్నారు.

‘పౌరసత్వ చట్ట సవరణల ప్రకారం.. పెట్టుబడిదారులు, ప్రత్యేక ప్రతిభావంతులు, నిపుణులు, శాస్త్రవేత్తలు, డాక్టర్లు, ఇంజినీర్లు, కళాకారులు, రచయితలు వారి కుటుంబ సభ్యులకు యూఏఈ పౌరసత్వం పొందేందుకు అర్హత లభిస్తుంది’ అని షేక్ మహమ్మద్ బిన్ రషీద్ అల్ మక్తూమ్ పేర్కొన్నారు.

ఇప్పటికే యూఏఈ పాస్‌పోస్ట్ పొందిన వారికి ఈ చట్టం వర్తించనున్నట్లు తెలుస్తోంది. అయితే.. కొత్త పాస్‌పోర్ట్ హోల్డర్లు ఈ ప్రయోజనం పొందుతారా లేదా అనే అంశంపై స్పష్టత లేదు. ప్రతిభావంతులను, ప్రత్యేక నైపుణ్యాలు కలిగిన వారిని ప్రోత్సహించడం కోసమే ఈ నిర్ణయం తీసుకున్నట్టు యూఏఈ ప్రభుత్వం స్పష్టం చేసిన నేపథ్యంలో.. దీని ద్వారా కొంత మంది మాత్రమే ప్రయోజనం పొందే అవకాశం ఉంది.

Also Read:

శ్మశానం కోసం చనిపోవడానికి సిద్ధమైన కాపలాదారు.. కదిలించే ఘటన

ఆటో డ్రైవర్‌ నిజాయితీకి హ్యాట్సాఫ్.. 20 లక్షల నగలు తిరిగిచ్చేశాడు

తండ్రి మెయిల్ హ్యాక్ చేసి 10 కోట్లు డిమాండ్.. 11 ఏళ్ల బాలుడు, బాబోయ్!

LEAVE A REPLY

Please enter your comment!
Please enter your name here