twitter verification: మూడేళ్ల తర్వాత తిరిగి వెరిఫికేషన్ ప్రారంభించిన ట్విట్టర్.. బ్లూ బ్యాడ్జ్ ఎలా ఇస్తారంటే? – twitter re-open verifications from jan 22nd after 3 years: how is the blue tick awarded?

0
25


ప్రముఖ సోషల్ మీడియా దిగ్గజం ట్విట్టర్ మూడేళ్ల కిందట నిలిపివేసిన పబ్లిక్ వెరిఫికేషన్ ప్రాసెస్‌ లేదా బ్లూ బ్యాడ్జ్ విధానం తిరిగి జనవరి 22న ప్రారంభించింది. ట్విట్టర్ ఖాతాల ధ్రువీకరణలో వివాదాలు తలెత్తడంతో 2017 నవంబరులో ఈ ప్రక్రియను నిలిపివేసిన విషయం తెలిసిందే. తిరిగి ప్రారంభించిన బ్లూ బ్యాడ్జ్ ప్రాసెస్‌పై తమ విలువైన అభిప్రాయాలను తెలియజేయాలని యూజర్లను గతేడాది నవంబరులో ట్విట్టర్ కోరింది. నవంబరు 24న ప్రారంభమైన ఫీడ్‌బ్యాక్ డిసెంబరు 8 వరకు కొనసాగింది.

ట్విట్టర్ అవలంబిస్తోన్న బ్లూ బ్యాడ్జ్ పబ్లిక్ వెరిఫికేషన్ ప్రాసెస్ ఏకపక్షంగా, గందరగోళంగా ఉందని ఆరోపించారు. దీనిపై విమర్శలు వెల్లువెత్తడంతో అప్పట్లో పబ్లిక్ వెరిఫికేషన్ ప్రాసెస్‌ను ట్విట్టర్ నిలిపివేసింది. కాగా, ఇటీవల సంస్థ వెల్లడించిన తన డ్రాఫ్ట్స్ పాలసీలో ఆరు రకాల ఖాతాలను నోటెబుల్ అకౌంట్స్‌గా గుర్తించనున్నట్లు పేర్కొంది. దీనిలో భాగంగా గవర్నమెంట్ కేటగిరి కింద కంపెనీలు, బ్రాండ్లు, లాభాపేక్షలేని సంస్థల కేటగిరి కింద క్రీడలు, వినోదం, వార్తలు రాసే జర్నలిస్ట్‌లు లేదా నిర్వాహకులు, ప్రభావవంతమైన వ్యక్తులు, రాజకీయ నేతలు, సెలబ్రిటీలకు బ్లూ వెరిఫైడ్ బ్యాడ్జ్‌ల అందజేయనుంది.

అయితే, బ్లూ బ్యాడ్జ్‌ గుర్తింపు దక్కాలంటే యూజర్ ఖాతా ఎప్పుడూ యాక్టివ్‌గా ఉండాలని స్పష్టం చేసింది. కాగా, ప్రస్తుతం యాక్టివ్‌గా లేని, అసంపూర్తిగా ఉన్న ప్రొఫైల్ ఉన్న ఖాతాలకు బ్లూ బ్యాడ్జ్ తొలగించనుంది. దీంతో పాటు బ్లూ బ్యాడ్జ్ వెరిఫికేషన్ కేటగిరీలను గణనీయంగా విస్తరించాలని భావిస్తోంది. ‘బ్లూ బ్యాడ్జ్ వెరిఫికేషన్ విషయంలో విద్యావేత్తలు, శాస్త్రవేత్తలు, మత ప్రబోధకులు సహా అనేక వర్గాల నుంచి చాలా సూచనలు వచ్చాయి.. ఈ ఏడాది పాలసీలో వీటి కోసం ప్రత్యేక వర్గాలను జోడించడానికి అన్వేషిస్తుంది’అని పేర్కొన్నారు.

ప్రస్తుతం ఈ వ్యక్తులు యాక్టివిస్ట్‌లు, నిర్వాహకులు, ఇతర ప్రభావవంతమైన వ్యక్తుల కింద అర్హత సాధించవచ్చని సూచిస్తుంది. అర్హత కలిగిన మీడియా సంస్థల ఏదైనా అధికారిక ఖాతాలు, అలాగే అర్హత ఉన్న సంస్థలతో నియమించిన జర్నలిస్టుల వ్యక్తిగత ఖాతాలు ధ్రువీకరించనున్నారు.

LEAVE A REPLY

Please enter your comment!
Please enter your name here