twitter respones on notice: మా ఉద్యోగుల భద్రతే తొలి ప్రాధాన్యం.. కేంద్రం నోటీసులకు ట్విట్టర్ దీటుగా సమాధానం! – employees’ safety top priority, twitter’s response after india’s notice

0
21


రైతుల ఉద్యమంపై దుష్ప్రచారం చేస్తున్నారని, మొత్తం 1,158 ఖాతాలను నిలిపివేయాలని ట్విట్టర్ ఇండియాను కేంద్రం సోమవారం ఆదేశించిన విషయం తెలిసిందే. ఈ అంశంపై ట్విట్టర్ స్పందిస్తూ.. తమ ఉద్యోగుల భద్రతే సంస్థ తొలి ప్రాధాన్యత అని స్పష్టం చేసింది. ‘ట్విట్టర్‌లో మా ఉద్యోగుల భద్రత మాకు ప్రధానం. మేము గౌరవప్రదమైన స్థానం నుంచి భారత ప్రభుత్వంతో నిమగ్నమై ఉన్నాం.. ఎలక్ట్రానిక్స్, సమాచార సాంకేతిక శాఖ మంత్రితో అధికారిక చర్చల కోసం చేరుకున్నాం’ అని ట్విట్టర్ అధికార ప్రతినిధి ట్వీట్ చేశారు.

ప్రభుత్వం నుంచి నోటీసు అందినట్టు ట్విట్టర్ అంగీకరించింది. పాకిస్థాన్, ఖలిస్థాన్ సానుభూతిపరులకు చెందిన 1,178 ఖాతాలను తొలగించాలని ప్రభుత్వం ట్విట్టర్‌ను కోరినట్లు అధికారిక వర్గాలు తెలిపాయి. అయితే, ఈ ఉత్తర్వులను ఆ సంస్థ ఇంకా పూర్తిగా పాటించలేదని వారు చెప్పారు. ‘బహిరంగ, ఉచిత సమాచార మార్పిడి సానుకూల ప్రభావాన్ని చూపుతుందని మేం బలంగా నమ్ముతున్నాం.. ట్వీట్లు నిరంతరం ప్రవాహంలా ఉండాలి’ అని కంపెనీ ప్రతినిధి తాజా ప్రకటనలో తెలిపారు.

‘సంస్థ అటువంటి నివేదికలకు సంబంధించి తగిన చర్యలు తీసుకుంటుంది, అయితే, దాని ప్రాథమిక విలువలు, ప్రజా సంభాషణలను రక్షించడంలో నిబద్ధత’కు కట్టుబడి ఉంది’ అని స్పష్టం చేసింది. ‘ఖలీస్థాన్ సానుభూతిపరులు లేదా పాకిస్థాన్ మద్దతుతో విదేశీ భూభాగాల నుంచి పనిచేసే ఉగ్రవాదులకు చెందిన చాలా ఖాతాలు రైతుల నిరసనలపై తప్పుడు సమాచారం.. రెచ్చగొట్టే విషయాలను పంచుకోడానికి ఉపయోగిస్తున్నారు’ అంటూ నోటీసుల్లో పేర్కొన్నట్టు విశ్వసనీయ వర్గాలు తెలిపాయి.

రైతుల ఆందోళనలపై తప్పుడు సమాచారం వ్యాప్తి చేస్తున్న 257 ఖాతాలను బ్లాక్ చేయాలని జనవరి 31 కేంద్రం నోటీసులు పంపగా.. వాటిని నిలిపివేసిన కొద్ది గంటల్లోనే ట్విట్టర్ పునరుద్ధరించింది. ఈ నేపథ్యంలో ఇటీవల కేంద్రం నుంచి ట్విట్టర్ హెచ్చరికలు అందుకుంది. భారత చట్టాలను ఉల్లంఘిస్తే చర్యలు తప్పవంటూ హెచ్చరించింది. కొత్త సాగు చట్టాలకు వ్యతిరేకంగా ఢిల్లీ సరిహద్దుల్లో జరుగుతున్న రైతుల ఆందోళనపై కొందరు సోషల్‌మీడియాలో తప్పుడు ప్రచారం చేస్తున్నారని, ప్రభుత్వానికి వ్యతిరేకంగా రెచ్చగొట్టే ట్వీట్లు చేస్తున్నారని కేంద్ర ఐటీ, ఎలక్ట్రానిక్‌ మంత్రిత్వశాఖ పేర్కొంది.

LEAVE A REPLY

Please enter your comment!
Please enter your name here