Trump impeachment: మరోసారి అభిశంసన నుంచి గట్టెక్కిన ట్రంప్.. ఆ రికార్డు మాత్రం ఆయనదే! – us former president donald trump is acquitted for 2nd time, as 7 republicans vote guilty

0
27


ప్రధానాంశాలు:

  • అభిశంసన నుంచి బయటపడిన డొనాల్డ్ ట్రంప్.
  • రిపబ్లికన్‌లలో చీలిక తెచ్చిన అభిశంసన తీర్మానం.
  • రెండోసారి విచారణ ఎదుర్కొన్న తొలి అధ్యక్షుడిగా రికార్డు.

అమెరికా మాజీ అధ్యక్షుడు డొనాల్డ్‌ ట్రంప్‌ రెండోసారి అభిశంసన నుంచి బయటపడ్డారు. ట్రంప్ అభిశంసన తీర్మానంలో భాగంగా శనివారం సెనేట్‌లో ఓటింగ్‌ నిర్వహించారు. అయితే, డెమొక్రాట్లు ప్రవేశపెట్టిన ఈ తీర్మానానికి అవసరమైన సంఖ్యా బలం లేకపోవడంతో ట్రంప్‌ గట్టెక్కారు. సెనేట్‌లో మొత్తం 100 మంది సభ్యులు ఉండగా… అభిశంసనకు అనుకూలంగా 57 మంది, వ్యతిరేకంగా 43 మంది ఓటు వేశారు. దీంతో ట్రంప్‌పై అభిశంసన తీర్మానం వీగిపోయింది. అయితే ట్రంప్‌‌నకు వ్యతిరేకంగా ఆయన పార్టీకి చెందిన ఏడుగురు సభ్యులు (రిపబ్లికన్‌లు) ఓటేయడం గమనార్హం.

గతేడాది నవంబరులో జరిగిన అమెరికా అధ్యక్ష ఎన్నికల్లో డెమొక్రాట్ అభ్యర్థి జో బైడెన్‌ విజయం సాధించడంతో దీనిని ధ్రువీకరించేందుకు జనవరి 6న యూఎస్‌ కాంగ్రెస్ సమావేశమయ్యింది. ఈ సందర్భంగా క్యాపిటల్‌ భవనంపై ట్రంప్‌ మద్దతుదారులు దాడికి పాల్పడిన విషయం తెలిసిందే. ఈ దాడికి తన మద్దతుదారులను ట్రంప్ ప్రేరేపించారనే ఆరోపణలు వెల్లువెత్తాయి. దీంతో ట్రంప్‌పై అమెరికన్‌ కాంగ్రెస్‌లో డెమొక్రాట్లు అభిశంసన తీర్మానం ప్రవేశపెట్టారు. ఈ తీర్మానం ప్రతినిధుల సభలో ఆమోదం పొందగా.. శనివారం సెనేట్‌లో విచారణకు వచ్చింది.

తొలుత క్యాపిటల్‌ భవనం దాడి ఘటనపై ప్రత్యక్ష సాక్షుల్ని పిలిపించాలనే ప్రతిపాదనకు అనుకూలంగా 55, వ్యతిరేకంగా 45 మంది ఓటేయడంతో సెనేటర్లు గందరగోళంలో పడ్డారు. అనేక తర్జనభర్జనల అనంతరం సాక్షుల విచారణ వదిలిపెట్టి ఓటింగ్ ప్రక్రియ చేపట్టాలని నిర్ణయించారు. ఈ అంశాన్ని తేల్చకుండా సెనేట్‌ కీలకమైన అంశాలపై ముందడుగు వేసేందుకు అవకాశం లేకపోవడంతో ఇరుపక్షాలు సత్వరం దీన్ని ముగింపు పలికినట్లు తెలుస్తోంది. చివరకు అనుకూలంగా 53, వ్యతిరేకంగా 43 ఓట్లు రావడంతో 10 ఓట్ల తేడాతో తీర్మానం వీగిపోయింది.

ఒకవేళ, ఈ తీర్మానం నెగ్గి ఉంటే భవిష్యత్తుల్లో డొనాల్డ్ ట్రంప్ ఎటువంటి ఎన్నికల్లో పోటీచేయలేరు. ఈ విచారణలో దోషిగా తేలుంటే 2024లో మళ్లీ అధ్యక్ష పదవికి పోటీ చేయకుండా నిరోధించవచ్చు. ట్రంప్ పుణ్యమా అని రిపబ్లికన్‌లలోనూ చీలిక ఏర్పడటం గమనార్హం. ఇక, అమెరికా చరిత్రలో రెండో సారి అభిశంసనకు గురైన మొదటి అధ్యక్షుడిగా ట్రంప్‌ చరిత్రలో నిలిచిపోయారు.

గత ఏడాదిలో డిసెంబర్‌లో ట్రంప్‌ అధికార దుర్వినియోగానికి పాల్పడ్డారని ఆరోపిస్తూ ప్రతిపక్ష డెమొక్రాట్‌ పార్టీ సభ్యులు అభిశంసన తీర్మానం ప్రవేశపెట్టగా మెజారిటీ సభ్యులు ట్రంప్‌కు మద్దతు తెలుపడంతో తీర్మానం వీగిపోయింది. ప్రతినిధుల సభ చేత మూడోసారి అభిశంసనకు గురైన నేతగానూ ట్రంప్ అపఖ్యాతి మూటగట్టుకున్నారు. గతంలో మాజీ అధ్యక్షులు ఆండ్రూ జాన్సన్, బిల్ క్లింటన్‌ల ప్రతినిధుల సభతో అభిశంసనకు గురయ్యారు.

LEAVE A REPLY

Please enter your comment!
Please enter your name here