trinamool congress MP resign: మోదీపై ప్రశంసలు కురిపించిన విపక్ష ఎంపీ.. రాజ్యసభలోనే రాజీనామా – trinamool congress mp dinesh trivedi resigns from rajya sabha, praises pm modi

0
29


పెద్దల సభలో విపక్ష ఎంపీ ఒకరు షాకింగ్ నిర్ణయం తీసుకున్నారు. ప్రధాని నరేంద్ర మోదీపై ప్రశంసలు కురిపించారు. తాను ఇక ఎంతమాత్రం పదవిలో కొనసాగలేనని పేర్కొన్నారు. ఎంపీ పదవికి రాజీనామా చేస్తున్నట్లు ప్రకటించారు. తృణమూల్ కాంగ్రెస్ (TMC) ఎంపీ దినేశ్ త్రివేది శుక్రవారం (ఫిబ్రవరి 12) పెద్దల సభలో మాట్లాడుతూ ఈ సంచలన నిర్ణయాన్ని ప్రకటించారు. భావోద్వేగంగా మాట్లాడారు.

‘బెంగాల్‌లో జరుగుతున్న హింసను ఆపలేకపోతున్నా. ఇది నన్ను ఊపిరి తీసుకోనివ్వట్లేదు. చాలా బాధగా ఉంది. అందుకే ఈ నిర్ణయం తీసుకున్నా..’ అని దినేశ్ త్రివేది అన్నారు. తనపై నమ్మకం ఉంచి తనను పెద్దల సభకు పంపించిన తృణమూల్ కాంగ్రెస్ పార్టీకి ఆయన కృత‌జ్ఞతలు తెలిపారు.

‘నేను చచ్చిపోతున్నా (ఊపిరి తీసుకోలేకపోతున్నా).. రాష్ట్రంలో హింసను ఆపడానికి ఏం చేయలేకపోతున్నా. నా అంతరాత్మ నన్ను హెచ్చరిస్తోంది. నువ్వు ఇక్కడ కూర్చొని ఏమీ చేయలేకపోతే.. వెంటనే రాజీనామా చేయమని చెబుతోంది’ అని త్రివేది అన్నారు.

స్వామి వివేకానంద మాటలను త్రివేది గుర్తుచేశారు. ‘లేవండి, మేల్కొండి, గమ్యం చేరేంతవరకు విశ్రమించకండి..’ అని వివేకానంద చెప్పారని పేర్కొన్నారు.

రాజీనామా చేసినా పశ్చిమ బెంగాల్ ప్రజల సేవలోనే ఉంటానని త్రివేది చెప్పారు. ఆయన బీజేపీ పార్టీలో చేరతారని ఊహాగానాలు వినిపిస్తున్నాయి. అంతకుముందు వివిధ అంశాలపై ప్రసంగించిన త్రివేది ప్రధాని నరేంద్ర మోదీని ప్రశంసించారు. కరోనా సంక్షోభ సమయంలో చాలా బాగా పనిచేశారని.. దేశాన్ని సమర్థవంతంగా నడిపించారని కొనియాడారు.

LEAVE A REPLY

Please enter your comment!
Please enter your name here