tough rules for protesters: ప్రొటెస్ట్ చేసేవాళ్లకు ఇక జాబ్స్, బ్యాంక్ లోన్స్, పాస్‌పోర్టులు కష్టమే! – getting jobs, passports and licences may get tougher for protesters

0
29


నిరసనకారులకు ఇక ప్రభుత్వ ఉద్యోగాలు, పాస్‌పోర్టులు, బ్యాంక్ లోన్లు పొందడం కఠినతరం కావొచ్చు. పోలీసు ఉన్నతాధికారులు ఈ విషయాన్ని స్పష్టం చేశారు. ఇప్పటికే బిహార్, ఉత్తరాఖండ్ సహా కొన్ని రాష్ట్రాల్లో ఈ నిబంధనలు అమలు చేస్తున్నట్లు తెలిపారు. మంగళవారం (ఫిబ్రవరి 2) డెహ్రాడూన్‌లో పోలీస్ ఉన్నతాధికారులు సమావేశం జరిగింది. ఈ సమావేశంలో కీలక అంశాలపై చర్చించారు. శాంతిభద్రతలను రక్షించడానికి వివిధ రాష్ట్రాల్లో అనుసరిస్తున్న, అనుసరించాల్సిన అంశాలపై ప్రధానంగా చర్చించారు. సమావేశం అనంతరం వివరాలు వెల్లడించారు.

ఇకపై వ్యక్తుల సోషల్ మీడియా అకౌంట్లపై పోలీసు శాఖ ఓ కన్నేసి ఉంచుతుందని ఉత్తరాఖండ్ డీజీపీ అశోక్ కుమార్ తెలిపారు. దేశానికి వ్యతిరేకంగా, సంఘానికి వ్యతిరేకంగా పోస్టులు చేసే వారిపై, రెచ్చగొట్టే వ్యాఖ్యలు చేసేవారిపై చర్యలు తీసుకుంటామని హెచ్చరించారు. పాస్‌పోర్టు కోసం, లైసెన్స్ కోసం, ప్రభుత్వ ఉద్యోగాల కోసం దరఖాస్తు చేసుకున్నప్పుడు అభ్యర్థుల సోషల్ మీడియా అకౌంట్లను పరిశీలించి తగిన నిర్ణయం తీసుకుంటామని తెలిపారు.

బిహార్‌లో ఆందోళనలు, దిగ్బంధనం చేయడం లాంటి కార్యక్రమాల్లో పాల్గొన్నవారిని ప్రభుత్వ ఉద్యోగాలకు అర్హులుగా పరిగణించడం లేదని, అలాంటి వారిని బ్యాంక్ లోన్లు, తదితర సేవలకు కూడా అనర్హులుగా భావిస్తున్నట్లు ఆ రాష్ట్ర పోలీస్ ఉన్నతాధికారులు తెలిపారు. ఈ నిబంధనలతో ఆయా రాష్ట్రాల్లో ఉత్తర్వులు జారీ చేయడం వివాదాస్పదంగా మారింది. అయితే.. ఇవేమీ కొత్త నిబంధనలు కావని, తాము రూల్స్ ప్రకారమే నడుచుకుంటున్నామని అధికారులు వివరణ ఇచ్చారు.

‘దేశానికి వ్యతిరేకంగా పోస్టులు చేసే వారిపైనే ఇలాంటి చర్యలు తీసుకుంటాం. దేశ భద్రత, సమగ్రత, సార్వభౌమత్వానికి విఘాతం కలిగించేలా వ్యవహరించేవారిని ఎంతమాత్రం ఉపేక్షించం’ అని పోలీసు ఉన్నతాధికారులు స్పష్టం చేశారు. త్వరలో ఈ నిబంధనలను అన్ని రాష్ట్రాల్లోనూ కఠినంగా అమలు చేయనున్నట్లు తెలిపారు.

సోషల్ మీడియాపై ప్రత్యేక నిఘా ఉంచినట్లు ఉత్తరాఖండ్ పోలీసులు హెచ్చరించిన మరుసటి రోజే బిహార్ పోలీసులు 9 అంశాలతో ఉత్తర్వులు జారీ చేశారు. ప్రభుత్వ ఉద్యోగాలు, ప్రభుత్వ కాంట్రాక్టులు, ఆయుధాల లైసెన్సులు, పాస్‌పోర్టులు, క్యారెక్టర్ సర్టిఫికెట్లు, పెట్రోల్ పంపు లైసెన్సులు, గ్యాస్ ఏజెన్సీ లైసెన్సులు, బ్యాంక్ లోన్లు, ప్రభుత్వ రంగ సంస్థల్లో కాంట్రాక్ట్ ఉద్యోగాలు తదితరాలకు ఇకపై పోలీస్ వెరిఫికేషన్ తప్పనిసరి చేసినట్లు బిహార్ డీజీపీ ఎస్‌కే సింఘాల్ తెలిపారు.

LEAVE A REPLY

Please enter your comment!
Please enter your name here