telugu film industry: టాలీవుడ్ నిర్మాతలకు ఎగ్జిబిటర్స్ షాక్.. థియేటర్లు మూసేస్తాం అంటూ హెచ్చరిక – telangana film exhibitors ultimatum to tollywood producers

0
23


ప్రధానాంశాలు:

  • డిమాండ్లు పరిష్కరించకపోతే మార్చి 1న థియేటర్ల మూతే
  • తెలంగాణ ఫిలిం ఎగ్జిబిటర్స్ అల్టిమేటం
  • ఇప్పటికే విడుదలకు వరుసకట్టిన భారీ సినిమాలు

తెలుగు సినిమా నిర్మాతలకు అనుకోని రీతిలో సమస్య వచ్చి పడింది. తమ సమస్యలను వెంటనే పరిష్కరించాలని డిమాండ్ చేస్తూ తెలంగాణ ఫిలిం ఎగ్జిబిటర్స్ అసోసియేషన్ తెలుగు ఫిలిం ప్రొడ్యూసర్స్‌కి అల్టిమేటం జారీ చేసింది. బుధవారం సాయంత్రం హైదరాబాద్‌లోని రామానాయుడు స్టూడియోస్‌లో జరిగిన సమావేశంలో టాలీవుడ్ నిర్మాతలు, తెలంగాణ ఫిలిం ఎగ్జిబిటర్స్ అసోసియేషన్ సభ్యులు పాల్గొని చర్చించారు. తమ డిమాండ్లను అంగీకరించకపోతే మార్చి 1 నుంచి థియేటర్లు మూసివేస్తామని ఎగ్జిబిటర్స్ హెచ్చరించారు.

‘వివాహ భోజనంబు’ తొలి పాట.. ‘ఎబిసిడి నువ్వు నా జోడి’ అంటోన్న సత్య
మల్టీప్లెక్సుల మాదిరిగా సింగిల్ స్క్రీన్ థియేటర్లకు కూడా పర్సంటేజ్ సిస్టమ్‌ను అమలు చేయాలని ఎగ్జిబిటర్స్‌ డిమాండ్ చేశారు. అలాగే, పెద్ద సినిమాలు థియేటర్లలో విడుదలైన 6 వారాల తరవాత, చిన్ని సినిమాలు 4 వారాల తరవాత ఓటీటీలో విడుదల కావాలని.. అంత కన్నా ముందు ఓటీటీలో రావడానికి వీల్లేదని డిమాండ్ చేశారు. మరి ఈ డిమాండ్లకు తెలుగు సినీ పరిశ్రమ నిర్మాతల మండలి అంగీకరిస్తుందో లేదో చూడాలి.

యాదాద్రి ఆలయానికి రూ.25 లక్షల బంగారాన్ని అందజేసిన ప్రముఖ నిర్మాత
ఈ సమావేశంలో టాలీవుడ్ ప్రముఖ నిర్మాతలు డి.సురేష్ బాబు, ఏసియన్ సినిమాస్ సునీల్ నారంగ్, డీవీవీ దానయ్య, అభిషేక్ నామా, మైత్రీ మూవీ మేకర్స్ అధినేతలు వై. రవిశంకర్, నవీన్ యెర్నేని, బీవీఎస్ఎన్ ప్రసాద్ తదితరులు ఈ మీటింగ్‌లో పాల్గొన్నారు.

ఇదిలా ఉంటే, లాక్‌డౌన్ తరవాత థియేటర్లు తెరుచుకున్నా ప్రేక్షకులు పెద్దగా రారేమో అని విశ్లేషకులు భావించారు. కానీ, ఇది నిజం కాదని.. తెలుగు ప్రేక్షకులు ఎలాంటి పరిస్థితుల్లోనైనా సినిమాను ఆదరిస్తారని ‘సోలో బ్రతుకే సో బెటర్’తో పాటు సంక్రాంతికి వచ్చిన సినిమాలు నిరూపించాయి. దీంతో, ఇప్పటి వరకు ల్యాబ్‌లలో ఉన్న సినిమాలు థియేటర్లలోకి రావడానికి క్యూ కట్టాయి. ఈ ఫిబ్రవరి నుంచి చిన్నా పెద్దా సినిమాలు వరుసపెట్టి రాబోతున్నాయి. ఇలాంటి సమయంలో ఎగ్జిబిటర్స్ డిమాండ్లతో రావడం టాలీవుడ్‌కు షాకింగే. చూద్దాం ఈ సమస్యను నిర్మాతల మండలి ఎంత త్వరగా పరిష్కరిస్తుందో!

LEAVE A REPLY

Please enter your comment!
Please enter your name here