tejashwi yadav: దమ్ముంటే నన్ను అరెస్ట్ చేయండి.. సోషల్ మీడియా పోస్ట్‌లపై సీఎంకి తేజస్వీ ఛాలెంజ్! – rjd leader tejashwi yadav dares nitish kumar over new order on social media post

0
17


సోషల్ మీడియాలో విమర్శలు వచ్చినప్పుడు తరచుగా అసహనాన్ని ప్రదర్శించే బిహార్ ముఖ్యమంత్రి నితీశ్ కుమార్.. తాజాగా ప్రభుత్వానికి వ్యతిరేకంగా తప్పుడు పోస్టుల పెట్టేవారిపై చర్యలు తీసుకోవాలని ఆదేశించారు. రాష్ట్రంలోని మంత్రులు, ఎంపీలు, ఎమ్మెల్యేలు లేదా అధికారులకు వ్యతిరేకంగా ఎవరైనా తప్పుడు, పరువునష్టం కలిగించే పోస్ట్‌లు పెడితే సైబర్ క్రైమ్ కింద చర్యలు తీసుకోవాలని అన్ని రాష్ట్ర ప్రభుత్వ విభాగాలకు బిహార్ ఎకనమిక్ నేరాల నిరోధక విభాగం గురువారం ఆదేశాలు జారీచేసింది.

ఈ ఆదేశాలు శుక్రవారం ఉదయం వెలుగులోకి రావడంతో ప్రతిపక్ష నేత తేజస్వీ యాదవ్ తీవ్రంగా స్పందించారు. ఈ ఉత్వర్తుల కింద తనను అరెస్ట్ చేయాలని ఛాలెంజ్ విసిరిన ఆయన.. ట్విట్టర్‌లో విరుచుకుపడ్డారు. సీఎం నితీశ్ కుమార్‌ను ‘అవినీతికి భీష్మ పితామహుడు’అంటూ విమర్శించారు. ‘60 కుంభకోణాలకు పాల్పడిన నితీశ్ కుమార్, అవినీతికి భీష్మ పితామహుడు, నేరస్థుల రక్షకుడు.. అనైతిక, రాజ్యాంగ విరుద్ధమైన ప్రభుత్వానికి బలహీనమైన నేత… బీహార్ పోలీసులు మద్యం విక్రయిస్తున్నారు.. ఈ ఉత్తర్వుల కింద నన్ను అరెస్టు చేయాలని ముఖ్యమంత్రికి సవాల్ విసురుతున్నా’ అని తేజస్వీ విరుచుకుపడ్డారు.

అంతేకాదు, ముఖ్యమంత్రి నితీశ్‌ను హిట్లర్‌తో పోల్చారు. ‘నిరసనకారులు తమ నిరసన తెలియజేయకూడదు.. ప్రభుత్వానికి వ్యతిరేకంగా రాస్తే జైలుకు పంపుతున్నారు.. ప్రతిపక్ష నేతలకు ప్రజలు తమ సమస్యలను చెప్పుకోడానికి అనుమతించరు.. నితీశ్ జీ మీరు పూర్తిగా అలసిపోయారు, కానీ కొంత సిగ్గుగా ఉంది’అని దుయ్యబట్టారు.

అంతర్జాలంలో ప్రభుత్వాన్ని విమర్శిస్తే నేరంగా పరిగణించే రాష్ట్రాల్లో బిహార్ ఒకటి. సోషల్ మీడియాలో పోస్టుల విషయమై రాష్ట్ర ప్రభుత్వంలోని అన్ని విభాగాలు కార్యదర్శులకు ఎకనమిక్ అఫెన్సెస్ వింగ్ చీఫ్ నయ్యర్ హస్నైన్ ఖాన్ గురువారం ఓ లేఖ రాశారు. ‘ప్రభుత్వం, మంత్రులు, పార్లమెంటు సభ్యులు, శాసనసభ్యులు, ప్రభుత్వ అధికారులపై సోషల్ మీడియాలో కొంతమంది వ్యక్తులు, సంస్థలు పరువు నష్టం కలిగించే, తప్పుడు వ్యాఖ్యలు చేస్తున్నాయని వెలుగులోకి వచ్చింది’ అని. పేర్కొన్నారు.

LEAVE A REPLY

Please enter your comment!
Please enter your name here