tejas fighters deal: ఎయిర్‌ ఫోర్స్‌కు 83 అధునాత తేజస్ యుద్ధ విమానాలు.. 48 వేల కోట్లతో డీల్! – cabinet committee on security clears the acquisition of 83 mark-1a tejas fighters for iaf

0
20


చైనాతో ఉద్రిక్తతలు నెలకొన్న వేళ కేంద్రం కీలక నిర్ణయం తీసుకుంది. వైమానిక దళం కోసం.. స్వదేశీ పరిజ్ఞానంతో రూపొందించిన తేలికపాటి తేజస్ యుద్ధ విమానాల కొనుగోలుకు కేబినెట్ భద్రతా కమిటీ అంగీకారం తెలిపింది. హిందుస్థాన్ ఏరోనాటిక్స్ నుంచి 83 మార్క్-1ఏ తేజస్ ఫైటర్లను కొనుగోలు చేయడం కోసం కేంద్రం రూ.48 వేల కోట్లను వెచ్చించనుంది. దేశీయ యుద్ధ వైమానిక రంగంలో ఇదే అతిపెద్ద ఒప్పందం కావడం విశేషం.

ఫిబ్రవరిలో ఒప్పందం కుదిరాక.. 83 యుద్ధ విమానాల డెలివరీ ప్రక్రియ మూడేళ్ల తర్వాత ప్రారంభం కానుంది. ఐఏఎఫ్ ఇప్పటికే ఆర్డర్ ఇచ్చిన 40 తేజస్ మార్క్ యుద్ధ విమానాలకు 43 మార్పులు చేర్పులు చేయనున్నారు. గాల్లోనే ఇంధనం నింపుకోవడం, శత్రువుల రాడార్లు, మిస్సైళ్లను జామ్ చేసేలా అధునాతన ఎలక్ట్రానిక్ వార్‌ఫేర్.. లాంగ్ రేంజ్ బీవీఆర్ మిస్సైళ్లు తదితరాలను జత చేయనున్నారు. భారత రక్షణ ఉత్పత్తిలో ఈ ఒప్పందం ఓ గేమ్ ఛేంజర్ అని రక్షణ శాఖ మంత్రి రాజ్‌నాథ్ సింగ్ తెలిపారు.

తేలికపాటి తేజస్ యుద్ధ విమానాలు రాబోయే కాలంలో భారత వైమానిక రంగానికి వెన్నెముకగా నిలువనున్నాయి. నాసిక్, బెంగళూరు డివిజన్లలో సెకండ్ లైన్ మాన్యుఫాక్చరింగ్ ఫెసిలిటీస్‌ను హెచ్ఏల్ ఏర్పాటు చేసింది.

LEAVE A REPLY

Please enter your comment!
Please enter your name here