Tamil Nadu elections: కేంద్ర మంత్రి కిషన్ రెడ్డికి కీలక బాధ్యతలు – kishan reddy among bjp appointed in-charges for poll-bound tamil nadu, kerala, assam and puducherry

0
31


మిళనాడులో త్వరలో అసెంబ్లీ ఎన్నికలు జరుగనున్న నేపథ్యంలో కేంద్ర హోంశాఖ సహాయ మంత్రి, సికింద్రాబాద్ ఎంపీ కిషన రెడ్డికి బీజేపీ అధిష్టానం కీలక బాధ్యతలు అప్పగించింది. ఆయణ్ని తమిళనాడు ఎన్నికల ఇన్‌ఛార్జిగా నియమించింది. తమిళనాడుతో పాటు త్వరలో ఎన్నికలు జరుగనున్న 4 రాష్ట్రాలకు ఇన్‌ఛార్జీలు, సహ ఇన్‌ఛార్జీలను నియమించారు. పలువురు కేంద్ర మంత్రులు, సీనియర్ నేతలకు ఈ బాధ్యతలు అప్పగించారు.

తమిళనాడు ఎన్నికల సహ ఇన్‌ఛార్జీగా కేంద్రంలో మరో సహాయ మంత్రి వీకే సింగ్‌ను నియమించారు. కేంద్ర వ్యవసాయ శాఖ మంత్రి నరేంద్ర సింగ్‌ తోమర్‌‌‌ను అసోం ఇన్‌ఛార్జిగా నియమించారు. సహ ఇన్‌ఛార్జిగా జితేంద్ర సింగ్‌‌కు బాధ్యతలు అప్పగించారు. దక్షిణాదిలో మరో కీలక రాష్ట్రం కేరళకు బీజేపీ ఇన్‌ఛార్జిగా ప్రహ్లాద్ జోషిని, సహ ఇన్‌ఛార్జిగా కర్ణాటక డిప్యూటీ సీఎం అశ్వత్‌ నారాయణ్‌‌ను నియమించారు.

కేంద్ర మంత్రి అర్జున్‌రామ్‌ మేఘ్వాల్‌కు పుదుచ్చేరి బాధ్యతలు అప్పగించారు. సహ ఇన్‌ఛార్జిగా ఎంపీ రాజీవ్‌ చంద్రశేఖర్‌ను నియమించారు. ఈ మేరకు పార్టీ కేంద్ర కార్యాలయ వ్యవహారాల ప్రధాన కార్యదర్శి అరుణ్‌ సింగ్‌ ఆదేశాలతో మంగళవారం (ఫిబ్రవరి 2) సాయంత్రం ప్రకటన వెలువడింది.

LEAVE A REPLY

Please enter your comment!
Please enter your name here