surgical strike in pakistan: పాకిస్థాన్‌పై మరో సర్జికల్ దాడి.. ఈసారి ఇరాన్ – iran surgical strike in pakistan, frees 2 soldiers kidnapped in 2018: anadolu agency

0
22


పాకిస్థాన్ గడ్డపై మరో సర్జికల్ దాడి జరిగింది. ఈసారి ఇరాన్ ఆ పని చేసింది. పాక్‌లో బందీగా ఉన్న తమ దేశ సైనికులను విడిపించుకుపోయింది. ఈ సంచలన విషయాన్ని అనదోలు (Anadolu) న్యూస్ ఏజెన్సీ గురువారం (ఫిబ్రవరి 4) వెల్లడించింది. ఇరాన్‌కు చెందిన రెవల్యూషనరీ గార్డ్స్ (IRGC) పాకిస్థాన్ భూభాగంలో ఆపరేషన్ నిర్వహించాయని ఆ న్యూస్ ఏజెన్సీ తెలిపింది.

ఈ ఆపరేషన్ మంగళవారం జరిగినట్లు అనదోలు ఏజెన్సీ తెలిపింది. పాక్‌లో బందీలుగా ఉన్న ఇద్దరు సైనికులను విడిపించుకుపోయినట్లు వెల్లడించింది. పాకిస్థాన్‌కు చెందిన జైస్ ఉల్-ఆదిల్ సంస్థ సభ్యులు 2018 అక్టోబర్ 16న ఇరాన్ రెవల్యూషనరీ గార్డ్స్‌ను కిడ్నాప్ చేశారు. సిస్తాన్, బలూచిస్థాన్ ప్రావిన్సులలో పాక్-ఇరాన్ సరిహద్దుల నుంచి మొత్తం 12 మంది సైనికులను అపహరించి తమ ఆధీనంలో ఉంచుకున్నారు. అదే సంవత్సరంలో నవంబర్‌లో ఐదుగురు సైనికులను విడిచిపెట్టారు. 2019 మార్చి 21న పాకిస్థాన్ ఆర్మీ మరో నలుగురు సైనికులను విడిపించింది. తాజాగా ఇరాన్ సైన్యం మరో ఇద్దరిని విడిపించుకుపోయింది.

LEAVE A REPLY

Please enter your comment!
Please enter your name here