Suhasini: సుహాసిని- భానుచందర్ సంక్రాంతి స్పెషల్ సాంగ్.. చాలా ఏళ్ల తర్వాత దుమ్ముదులిపిన క్రేజీ జోడీ – bhanu chander- suhasini sankranthi special song viral

0
27


ఈ మధ్యకాలంలో పండగ వచ్చిందంటే చాలు స్పెషల్ ఈవెంట్స్, ప్రత్యేకమైన పాటలు హోరెత్తిపోతున్నాయి. గత మూడు నాలుగేళ్లుగా ఈ స్పెషల్ సాంగ్స్ హడావిడి మరీ ఎక్కువైంది. ఇదే ఇప్పుడు ట్రెండ్ కూడా. దీంతో ఈ మోడ్రన్ రేస్‌లో మేము కూడా భాగమవుతాం అంటూ ముందుకొచ్చారు అలనాటి బ్యూటిఫుల్ జోడీ భానుచంద‌ర్‌- సుహాసిని. తాజాగా సంక్రాంతి స్పెషల్ సాంగ్‌లో సందడి చేస్తూ చిందులేశారు. ప్రస్తుతం ఈ సాంగ్ సోషల్ మీడియాలో వైరల్‌గా మారింది.

ఎప్పటిలాగే ఈ సంక్రాతికి కూడా పాటల సందడి కనిపిస్తోంది. అయితే అన్ని పాటల్లోకెల్లా సీనియర్ నటులు భానుచంద‌ర్‌- సుహాసిని చిందులేసిన ఈ పాట మాత్రం నెట్టింట ట్రెండ్ అవుతోంది. ఈ పాటను మాత్రం ‘క్రేజీ అంకుల్’ మూవీ యూనిట్‌తో రిలీజ్ చేయించారు. ఆ సినిమాలో మెయిన్ లీడ్ చేసిన సింగర్ మనో, శ్రీముఖి, రాజా రవీంద్ర చేతుల మీదగా ఈ పాటను ఆవిష్కరించారు. శ్రేయాస్ మీడియా యూట్యూబ్ ఛానల్ ద్వారా విడుదలైన ఈ సాంగ్ తెలుగు ప్రేక్షకుల్లో కొత్త ఫీలింగ్స్ తెప్పిస్తోంది. ఇందులో రైతు గొప్పతనాన్ని వర్ణిస్తూ నాటి సూపర్ హిట్ జోడీని భానుచందర్, సుహాసిని మంచి ఎనర్జీతో కనిపించారు.
Anchor Suma: సింగర్ సునీతను సర్‌ప్రైజ్ చేసిన సుమ.. ఈ రేంజ్ గిఫ్ట్ అంటే బాండింగ్ మామూలుగా లేనట్టే సుమా!
సంక్రాంతి విశిష్టతను తెలియజేసేలా ఉన్న ఈ సాంగ్‌ను ‘మన సంక్రాంతి 2021’ పేరుతో గ్రీన్ మెట్రో- శ్రేయాస్ మీడియా సార‌థ్యంలో బొడ్డు అశోక్ నిర్మించారు. శ్రేయాస్ మీడియా యూట్యూబ్ ఛానల్ ద్వారా విడుదల చేశారు. ఈ పాటకు కాసర్ల శ్యామ్ లిరిక్స్ రాయగా భోలో షావలి, అంజనా సౌమ్య ఆలపించారు. సంక్రాంతి సందండినంతా నింపుకున్న ఈ పాట ముందుగానే పండుగ వాతావరణాన్ని తీసుకువచ్చింది.

LEAVE A REPLY

Please enter your comment!
Please enter your name here