SS Rajamouli: RRR: క్లైమాక్స్ మొదలు.. నా రామరాజు, భీమ్ ఇద్దరూ అంటూ స్పెషల్ అప్‌డేట్ ఇచ్చిన రాజమౌళి‌‌ – rajamouli’s rrr movie climax shoot begun

0
23


మెగా, నందమూరి అభిమానులు ఎంతగానో ఎదురు చూస్తున్న RRR మూవీ నుంచి తాజాగా ఓ ఆసక్తికర అప్‌డేట్ ఇచ్చారు దర్శకధీరుడు రాజమౌళి. ఈ సినిమా ప్రారంభం నుంచే ఎన్నో అవాంతరాలు ఎదురవుతుండటంతో షూటింగ్ ఆలస్యం అవుతూ వచ్చింది. కరోనా వల్ల ఏర్పడిన లాక్‌డౌన్ కొన్ని నెలలపాటు సినిమా షూటింగ్‌కి బ్రేకులేయగా.. ఆ తర్వాత రాజమౌళి, రామ్ చరణ్ లకు కరోనా సోకడంతో మరింత ఆలస్యమైంది. ఇప్పుడిప్పుడే అంతా కోలుకోవడంతో చిత్ర క్లైమాక్స్ షూటింగ్ స్టార్ట్ చేశారు జక్కన్న.

ఈ విషయాన్ని సోషల్ మీడియా వేదికగా పంచుకుంటూ ”క్లైమాక్స్ మొదలైంది.. నా రామరాజు, భీమ్ ఇద్దరూ వాళ్లు కోరుకున్న విక్టరీ కోసం యుద్ధం మొదలు పెట్టారు” అంటూ రాజమౌళి ట్వీట్ చేశారు. ఈ మేరకు రామ్ చరణ్, ఎన్టీఆర్ ఇద్దరూ యుద్ధ సమరంలో ఒకరి చేతులు ఒకరు పట్టుకున్న ఫొటో షేర్ చేశారు. దీంతో ఈ ట్వీట్ చూసిన అభిమానులు సినిమా.. RRR క్లైమాక్స్ కూడా మొదలు పెట్టేశారు కాబట్టి త్వరలోనే షూటింగ్ కంప్లీట్ చేసే అవకాశాలున్నాయని కామెంట్స్ చేస్తూ ఖుషీ అవుతున్నారు. ప్రస్తుతం ఈ మూవీ షూటింగ్ హైదరాబాద్‌లో జరుగుతోంది. ఓ వైపు సినిమా షూటింగ్ చేస్తూనే పోస్ట్ ప్రొడక్షన్ పనులు కూడా చేస్తున్నారు జక్కన్న.
ఆ రహస్యం మీతో చెబితే ఎలా? అతనొక్కడికే తెలుసంటూ టెన్షన్ పుట్టించిన నిహారిక.. మెగా డాటర్ పోస్ట్ వైరల్
భారీ బడ్జెట్ కేటాయించి బడా నిర్మాత డీవీవీ దానయ్య నిర్మిస్తున్న ఈ సినిమాలో అల్లూరి సీతారామరాజుగా రామ్ చరణ్, కొమురం భీం పాత్రలో ఎన్టీఆర్ నటిస్తున్నారు. ఇప్పటికే విడుదలైన విడుదలైన రామ్ చరణ్ ‘భీమ్ ఫర్ రామరాజు’ వీడియో, ఎన్టీఆర్ ‘రామరాజు ఫర్ భీమ్’ వీడియోలు సోషల్ మీడియాను షేక్ చేస్తూ సినిమాపై భారీ అంచనాలు క్రియేట్ చేశాయి. ఇకపోతే ఈ RRR (రౌద్రం రణం రుధిరం) చిత్రంలో ఆలియాభట్, ఒలీవియా మోరిస్ హీరోయిన్లుగా నటిస్తుండగా.. అజయ్ దేవ్‌గణ్, శ్రీయ కీలకపాత్రల్లో కనిపించనున్నారు.

LEAVE A REPLY

Please enter your comment!
Please enter your name here