Somnath Bharti: ఆమ్ ఆద్మీ పార్టీ ఎమ్మెల్యేకు రెండేళ్ల జైలు శిక్ష – aap mla somnath bharti gets 2 year jail for 2016 case

0
24


ఆమ్ ఆద్మీ పార్టీ (ఆప్) ఎమ్మెల్యే సోమ్‌నాథ్‌ భారతికి ఢిల్లీ కోర్టు రెండేళ్ల పాటు జైలు శిక్ష విధించింది. 2016లో ఎయిమ్స్‌ భద్రతా సిబ్బందిపై దాడి కేసులో అదనపు చీఫ్‌ మెట్రోపాలిటన్‌ మెజిస్ట్రేట్‌ ఆయనకు రెండేళ్ల జైలు శిక్షతో పాటు లక్ష రూపాయిల జరిమానా కూడా విధించారు. అయితే, ఈ తీర్పునకు వ్యతిరేకంగా హైకోర్టులో అప్పీల్‌ చేసుకునేందుకు వీలుగా ఎమ్మెల్యేకు బెయిల్‌ మంజూరైంది.

కాగా, 2016 సెప్టెంబర్‌ 9న ఆప్ ఎమ్మెల్యే సోమ్‌నాథ్‌ భారతితో పాటు దాదాపు 300 మంది ఎయిమ్స్‌ వద్ద సరిహద్దు గోడను జేసీబీతో పడగొట్టేందుకు ప్రయత్నించారని, ఈ క్రమంలో భద్రతా సిబ్బందిపై దాడి చేశారని ఆరోపిస్తూ కేసు నమోదైంది. ఎయిమ్స్‌ చీఫ్‌ సెక్యూరిటీ అధికారి ఆర్‌ఎస్‌ రావత్‌ ఇచ్చిన ఫిర్యాదు ఆధారంగా పోలీసులు కేసు నమోదు చేశారు.

ఈ కేసును విచారించిన కోర్టు ప్రభుత్వ ఆస్తికి నష్టం కలిగించినందుకు గాను ఎమ్మెల్యే సోమ్‌నాథ్ భారతిని దోషిగా నిర్ధారించింది. ఈ కేసులో గరిష్టంగా ఐదేళ్ల వరకు జైలు శిక్ష పడే అవకాశం ఉండగా, అడిషనల్ చీఫ్ మెట్రోపాలిటన్ మేజిస్ట్రేట్ రవీంద్ర కుమార్ పాండే రెండేళ్ల జైలు శిక్ష, లక్ష రూపాయల జరిమానా విధిస్తూ తీర్పు చెప్పారు. అలాగే, ఇదే కేసులో ఎమ్మెల్యే సన్నిహితులు, సహ నిందితులైన జగత్ సైనీ, దిలీప్ ఝా, సందీప్ సోను, రాకేశ్ పాండేలపై తగిన సాక్ష్యాధారాలు లేనందున నిర్దోషులుగా ప్రకటించారు.

LEAVE A REPLY

Please enter your comment!
Please enter your name here