Solo Brathuke So Better Collections: సోలో బ్రతుకే సో బెటర్ 3 డేస్ కలెక్షన్ రిపోర్ట్.. వీకెండ్‌లో సాయి ధరమ్ తేజ్ దూకుడు – sai dharam tej’s solo brathuke so better 3 days collections

0
35


కరోనా కారణంగా ఇన్నాళ్లు బోసిపోయిన థియేటర్ల బూజు దులుపుతూ గ్రాండ్ ఎంట్రీ ఇచ్చారు మెగా మేనల్లుడు సాయి ధరమ్ తేజ్. అసలు ఈ పరిస్థితుల్లో థియేటర్స్‌లోకి ప్రేక్షకులు వస్తారా? అనే అనుమానాలను తన ‘సోలో బ్రతుకే సో బెటర్’ సినిమా ద్వారా పటాపంచలు చేసేశారు. క్రిస్మస్ కానుకగా డిసెంబర్ 25న విడుదలైన ఈ సినిమా మొదటి షో తోనే సక్సెస్ టాక్ తెచ్చుకొని డీసెంట్ కలెక్షన్స్ రాబడుతోంది. శని, ఆదివారాలు వీకెండ్ రావడంతో మూవీ కలెక్షన్స్‌కి మంచి బూస్టింగ్ వచ్చింది.

విడుదలైన తొలి రోజే 4.70 కోట్ల గ్రాస్ వసూళ్లను రాబట్టిన ఈ సినిమా రెండో రోజూ అదే హవా కనబర్చింది. రెండో రోజుకు గాను 3.29 కోట్ల రూపాయల గ్రాస్ వసూలు చేసింది. ఇక మూడో రోజు ఆదివారం 2.81 కోట్ల గ్రాస్ రాబట్టి మొత్తంగా రెండు తెలుగు రాష్ట్రాల్లో కలిపి 10.8 కోట్ల వసూళ్లు నమోదు చేసింది. తొలి వీకెండ్ సక్సెస్‌ఫుల్‌గా ఫినిష్ కావడం, ఇప్పట్లో థియేటర్స్ లోకి వచ్చే పెద్ద సినిమాలు లేకపోవడం సెకండ్ వీక్‌లో ఈ సినిమాకు బాగా కలిసొస్తుందని అంటున్నాయి ట్రేడ్ వర్గాలు.
చిన్నప్పుడు అల్లు అర్జున్..! సమంత ప్రశ్నలకు దండం పెట్టేసిన అల్లు అరవింద్.. టాప్ ట్రెండింగ్ వీడియో
వరల్డ్ వైడ్‌గా మూడు రోజుల కలెక్షన్స్ చూస్తే 12.40 కోట్ల గ్రాస్ కలెక్ట్ అయింది. 50 శాతం అక్యుపెన్సీతో ప్రదర్శించబడుతున్నప్పటికీ ఈ రేంజ్ కలెక్షన్స్ రావడం మెగా అభిమానుల్లో నూతనోత్సాహం నింపింది. నూతన దర్శకుడు సుబ్బు దర్శకత్వంలో రూపొందిన ఈ సినిమాలో సాయి ధరమ్ తేజ్ సరసన నభా నటేష్ హీరోయిన్‌గా నటించింది. శ్రీ వెంకటేశ్వర సినీ చిత్ర ఎల్‌ఎల్‌పీ బ్యానర్‌పై బివిఎస్‌యెన్ ప్రసాద్ ఈ సినిమాను నిర్మించారు.

LEAVE A REPLY

Please enter your comment!
Please enter your name here