Solo Brathuke So Better: మేం పడిన కష్టాలు అన్నీ ఇన్నీ కావు.. ‘సోలో’ సక్సెస్ మీట్‌లో సాయి తేజ్ – sai dharam tej solo brathuke so better thanks meet

0
22


సుప్రీమ్ హీరో సాయి తేజ్, నభా నటేశ్ జంటగా శ్రీ వెంక‌టేశ్వర సినీ చిత్ర బ్యాన‌ర్‌పై బీవీఎస్ఎన్ ప్రసాద్ నిర్మించిన చిత్రం ‘సోలో బ్రతుకే సో బెటర్’. సుబ్బు దర్శకత్వం వహించారు. ఈ సినిమాను జీ స్టూడియోస్ సంస్థ డిసెంబ‌ర్‌ 25న విడుదల చేసింది. ఈ చిత్రానికి ప్రేక్షకుల నుంచి మంచి ఆదరణ లభిస్తోంది. సినిమాను విజయవంతం చేసిన ప్రేక్షకులకు కృతజ్ఞతలు తెలిపేందుకు మంగళవారం చిత్ర యూనిట్ థాంక్స్‌ మీట్‌ నిర్వహించింది. ఈ కార్యక్రమానికి ప్రముఖ దర్శక నిర్మాత, నటుడు ఆర్‌.నారాయణమూర్తి ముఖ్య అతిథిగా హాజరయ్యారు.

కార్యక్రమంలో భాగంగా సాయి తేజ్‌ మాట్లాడుతూ.. ‘సినిమా రిలీజ్ అనుకున్నప్పుడు రెండు పాటల చిత్రీకరణ మాత్రమే మిగిలింది. మార్చిలో పాటల చిత్రీకరణ అయిపోయి ఉంటే మేలో మీ ముందుకు వచ్చేసేవాళ్లం. కానీ, ఆ సమయంలో కొవిడ్‌ ప్రభావం మొదలై, లాక్‌డౌన్ స్టార్ అయి అందరం అయోమయ పరిస్థితిలో పడిపోయాం. సినిమా రిలీజ్ అవుతుందా లేదా అనే భయం.. అందరూ టీవీలు, ఓటీటీలకు అలవాటు పడిపోతారేమోనని భయం. చాలా వరకు సినిమాలు ఓటీటీలో రిలీజ్ అవుతున్నాయి. మనం కూడా చేయాలా వద్దా? అనే తర్జనభర్జనలో ఉన్నాం.

అలాంటి సమయంలో మా నిర్మాతకు జీ నుంచి ఒక ఆఫర్ వచ్చింది. జీ వాళ్లకు సినిమాను అమ్మాలా వద్దా అనే చిన్న కన్‌ఫ్యూజన్‌లో ఉన్నప్పుడు నిర్మాతకు లాభం చేకూరాలనే ఉద్దేశంతో సరే చెప్పాం. అయినప్పటికీ ఎక్కడో చిన్న ఆశ. థియేటర్లు ఓపెన్ అవుతాయి.. ఆ సమయానికి సినిమా ఇంకా ఓటీటీలో రాకపోతే థియేటర్లలో రిలీజ్ చేద్దాం అని జీ వాళ్లను రిక్వెస్ట్ చేశాం.

సినిమా టికెట్ ధర పెంచడం కరెక్ట్ కాదు.. కరోనా ప్రభావం ప్రేక్షకుడిపైనా ఉంది: ఆర్.నారాయణమూర్తి
ఓ ఆర్టిస్ట్‌కైనా, నిర్మాతకైనా, దర్శకుడికైనా థియేటర్ ఇచ్చే ఎనర్జీ వేరుగా ఉంటుంది. ఫస్ట్‌ టైమ్‌ డైరెక్టర్‌ తన పేరుని స్క్రీన్‌పై చూసుకుంటే ఉండే ఆనందం అంతా ఇంతా కాదు. అలాంటి సమయంలో థియేటర్స్‌ను ఓపెన్‌ చేసుకోవచ్చునని రెండు తెలుగు ప్రభుత్వాలు ఆదేశాలు ఇచ్చాయి. అందుకు ప్రభుత్వాలకు మా టీమ్‌ తరపున ధన్యవాదాలు తెలియజేస్తున్నాను. అదే సమయంలో జీ స్టూడియోస్ వాళ్లు కూడా సినిమాను చూసి దీన్ని థియేటర్స్‌లో విడుదల చేస్తే బావుంటుందని సపోర్ట్‌ చేశారు. ఈ సందర్భంగా వారికి కూడా ధన్యవాదాలు చెబుతున్నాం.

సినిమా విడుదల చేసే సమయంలో రకరకాల సమస్యలను ఫేస్‌ చేశాం. అయితే చివరకు సినిమా రిలీజైంది.. సినిమానే గెలిచింది. యువీ వంశీ గారు, దిల్‌ రాజు గారి హెల్ప్‌తో సినిమాను థియేటర్స్‌లోకి తీసుకురాగలిగాం. అలాగే ఇండస్ట్రీలోని ప్రతి ఒక ఆర్టిస్ట్‌ ఫోన్ చేసి అభినందించారు. ట్వీట్స్‌ చేశారు. ఇలాంటి ఓ ఇండస్ట్రీలో నేను భాగమైనందుకు ఎంతో గర్వంగా ఉంది. మా సినిమాకు సపోర్ట్‌ చేసిన తెలుగు సినిమా ఇండస్ట్రీకి మా యూనిట్‌ తరపున ధన్యవాదాలు చెబుతున్నాం. ప్రేక్షకులు వస్తారో, రారోనని టెన్షన్‌ పడుతూ ఉన్నాను. కానీ.. థియేటర్‌కు ప్రేక్షకులు వచ్చి మా సినిమాను ఆశీర్వదించారు.. అందరికీ థాంక్స్‌’ అని అన్నారు.

Solo Brathuke So Better Success Meet

‘సోలో బ్రతుకే సో బెటర్’ థాంక్స్ మీట్

డైరెక్టర్‌ సుబ్బు మాట్లాడుతూ.. ‘సోలో బ్రతుకే సో బెటర్‌ సినిమాను ఆదరిస్తున్న ప్రేక్షకులకు ధన్యవాదాలు. సాయి తేజ్‌ ఓ సోదరుడిలా నాకు అండగా నిలబడి ఎంతగానో సపోర్ట్‌ చేశారు. అలాగే నభా నటేశ్‌ పెర్ఫామెన్స్‌తో క్యారెక్టర్‌లో ఇమిడిపోయారు. ఆర్‌.నారాయణమూర్తి గారు ఇచ్చిన ఇంటర్వ్యూని వాడుకున్నాను. ఆయన పెద్ద మనసుతో అంగీకరించారు. అందుకు ఆయనకు థాంక్స్‌. అలాగే నిర్మాతలు బీవీఎస్‌ఎన్ ప్రసాద్‌, బాపినీడు ఇచ్చిన సపోర్ట్‌కు జీవితాంతం రుణపడి ఉంటాను. సినిమా ఇంత రిచ్‌గా కనపడటానికి కారణం సినిమాటోగ్రాఫర్‌ వెంకట్‌ సి.దిలీప్‌. అలాగే ఎడిటర్‌ నవీన్‌ సినిమాను షార్ప్‌గా చూపించడంలో తనవంతు రోల్‌ పోషించారు. తమన్‌ తన సంగీతంతో పాటలనే కాదు.. సన్నివేశాలను కూడా నెక్ట్స్‌ లెవల్‌కు తీసుకెళ్లారు’ అని అన్నారు.

నిర్మాత బీవీఎస్‌ఎన్‌ ప్రసాద్‌ మాట్లాడుతూ.. ‘సినిమా సక్సెస్‌కు దోహదపడ్డ ప్రతి ఒక్కరికీ థాంక్స్‌. ఈ సినిమా రిలీజ్‌ అనేది ఇండియన్ సినిమా ఇండస్ట్రీకే ఓ మార్గదర్శకంగా కనిపిస్తోంది. ఎందుకంటే ఈ సినిమాకు ఇండస్ట్రీ మొత్తం చేసిన సపోర్ట్‌ను చూసి అందరూ అప్రిషియేట్‌ చేస్తున్నారు. మన ఇండస్ట్రీ యూనిటీ చూసి ఇతర భాషా సినీ పరిశ్రమలు అభినందిస్తున్నాయి. జీ స్టూడియోస్, యువీ వంశీ, దిల్ రాజు సినిమాను రిలీజ్‌ చేయడానికి సహకరించినందుకు ధన్యవాదాలు తెలియజేస్తున్నాను’ అని అన్నారు.

నభా నటేశ్‌ మాట్లాడుతూ.. ‘ఇండియన్‌ సినిమాకు ప్రేక్షకుడిని తిరిగి తీసుకు రావడంలో కీలకంగా వ్యవహరించిన మూవీ ‘సోలో బ్రతుకే సో బెటర్‌’. ఈ సినిమాలో భాగమైనందుకు చాలా గర్వంగా ఉంది. ఈ సినిమా కోసం ఎంతగానో కష్టపడ్డ ప్రతి ఒక్కరికీ ధన్యవాదాలు. ముఖ్యంగా ప్రేక్షకులు థియేటర్స్‌ను హౌస్‌ఫుల్‌ చేసి మాకెంతో సపోర్ట్‌ చేశారు. బీవీఎస్‌ఎన్‌ ప్రసాద్‌ గారికి, బాపినీడు గారికి థాంక్స్‌. సాయితేజ్‌కు ధన్యవాదాలు. చాలా స్పోర్టివ్‌గా మాకు సపోర్ట్‌ అందించారు. తమన్‌ మ్యూజిక్‌ను ఎంతగానో ఇష్టపడ్డాను. ఆయన సంగీతాన్ని మేమే కాదు.. అందరూ ఎంజాయ్‌ చేశారు. వెంకట్‌ గారు సహా ఎంటైర్‌ టీమ్‌కు ధన్యవాదాలు’ అని అన్నారు.

LEAVE A REPLY

Please enter your comment!
Please enter your name here