snake on busy road: బిజీ రోడ్డుపైకి నాగుపాము.. ఆ తర్వాత? వీడియో చూడండి – cobra brings peak hour traffic to grinding halt for 30 minites at udupi junction in karnataka

0
26


ప్రధానాంశాలు:

  • బిజీరోడ్డుపైకి ఓ నాగుపాము ఎంట్రీ ఇచ్చింది.
  • పాము కారణంగా 30 నిమిషాల పాటు ట్రాఫిక్ నిలిచిపోయింది.
  • కర్ణాటకలోని ఉడుపిలో ఈ ఘటన చోటు చేసుకుంది.

ది బిజీ రోడ్డు. పైగా పీక్ అవర్స్. వందలాది వాహనాలు అటూ ఇటూ వెళ్తున్నాయి. అలాంటి సమయంలో ఆ రోడ్డుపైకి అనుకోని అతిథి వచ్చింది. శ్వేతవర్ణంలో మెరిసిపోతున్న నాగుపాము ఆ రోడ్డును క్రాస్ చేయడానికి ప్రయత్నించింది. అది గమనించిన ట్రాఫిక్ కానిస్టేబుల్ ఇరువైపులా వాహనాల రాకపోకలను నిలిపేశారు. ఆ పాము రహదారిని దాటేంతవరకు ట్రాఫిక్ అలాగే నిలిచిపోయింది. అందుకు సుమారు 30 నిమిషాల సమయం పట్టింది.

కర్ణాటకలోని ఉడుపి జిల్లా కల్సంకా జంక్షన్ వద్ద గురువారం (ఫిబ్రవరి 11) సాయంత్రం ఈ ఘటన చోటు చేసుకుంది. కాంక్రీట్ తారు రోడ్డు కావడం, పైగా సూర్యరశ్మి వల్ల అది వేడిగా ఉండటం వల్ల ఆ సర్పం రోడ్డు దాటడానికి ఇబ్బంది పడింది. చాలా ఒడుపుగా ముందుకు కదిలింది. వాహనదారులు కూడా ఓపికగా ఉండి, ఆ పాము బెరుకులేకుండా ముందుకు కదలడానికి సహకరించారు.

బిజీ రోడ్డుపైకి నాగరాజు.. 30 నిమిషాలు ట్రాఫిక్ జామ్

నాగుపాము బిజీ రోడ్డును క్రాస్ చేస్తున్న దృశ్యాలను అక్కడే ఉన్న కొంత మంది వాహనదారులు, స్థానికులు తమ సెల్‌ఫోన్లలో చిత్రీకరించారు. ఆ వీడియో సోషల్ మీడియాలో పోస్టు చేశారు. దీంతో అది వైరల్‌గా మారింది.

సుమారు 30 నిమిషాల సంఘర్షణ అనంతరం ఆ పాము రహదారిని దాటింది. ఆ తర్వాత ఓ వన్యప్రాణి ప్రేమికుడు దాన్ని చాకచక్యంగా పట్టుకున్నాడు. చికిత్స నిమిత్తం హాస్పిటల్‌కు తీసుకెళ్లాడు. చికిత్స అనంతరం ఆ సర్పాన్ని అటవీ ప్రాంతంలో వదిలేసినట్లు సమాచారం. ట్రాఫిక్ అంతరాయం తప్ప ఆ సర్పం ఎవరికీ, ఎలాంటి హాని తలపెట్టలేదని ట్రాఫిక్ ఎస్‌ఐ ఖాదిర్ తెలిపారు.

LEAVE A REPLY

Please enter your comment!
Please enter your name here