sircilla woman sold: సిరిసిల్ల: అలిగి వెళ్లి మోసపోయిన భార్య.. మూడో భార్యగా ఉండమనడంతో.! – woman sold for rs one lakh, rajanna sircilla police rescued

0
31


భర్తతో గొడవపడి వెళ్లిపోయిన భార్యని గమనించిన వృద్ధురాలు ఆదుకుంటానంది. ఉద్యోగం ఇప్పిస్తానని నమ్మకంగా చెప్పి రాష్ట్రం దాటించింది. అక్కడికి తీసుకెళ్లి సంతలో పశువులా తెగనమ్మింది. చివరికి భర్తతో గొడవపడి అలిగి వెళ్లిపోయిన భార్య.. మరొకరికి మూడో భార్యగా ఉండాల్సి వచ్చింది. ఆ వేధింపులు భరించలేక బంధువులకి ఫోన్ చేయడంతో దారుణం వెలుగులోకి వచ్చింది. వేములవాడలో వెలుగుచూసిన ఈ షాకింగ్ ఘటన వివరాలు..

రాజన్న సిరిసిల్ల జిల్లా వేములవాడకు చెందిన మహిళ భర్తతో గొడవపడి తన ఇద్దరు పిల్లలతో సికింద్రాబాద్ చేరుకుంది. ఒంటరిగా ఉన్న ఆమెకు ఓ వృద్ధురాలితో పరిచయమైంది. మహారాష్ట్రలో తనకు తెలిసిన వాళ్లు ఉన్నారని.. ఉద్యోగం ఇప్పిస్తానని చెప్పడంతో అభాగ్యురాలు నమ్మేసింది. వృద్ధురాలు మోసం చేయదులే అనే నమ్మకంతో ఆమె వెంట మహారాష్ట్ర వెళ్లింది. అక్కడికి వెళ్లిన తర్వాత వృద్ధురాలు ఊహించని షాకిచ్చింది. మోర అనే వ్యక్తికి ఆమెను లక్ష రూపాయలకు అమ్మేసింది.

సంతలో పశువులా డబ్బులిచ్చి మహిళను కొనుక్కున్న మోర.. ఆమెను నాసిక్‌లోని తన బంధువైన లక్ష్మణ్ జగపత్‌కి అప్పగించాడు. తనకు మూడో భార్యగా ఉండాలంటూ లక్ష్మణ్ జగపత్ వేధింపులకు గురిచేయడం మొదలుపెట్టాడు. అక్కడి నుంచి పారిపోతే ఆమె ఇద్దరు పిల్లలను చంపేస్తానంటూ బెదిరించి నిత్యం వేధింపులకు గురిచేశాడు. భరించలేకపోయిన బాధితురాలు ఈ నెల 25న వేములవాడలోని బంధువులకు ఫోన్ చేసి విషయం చెప్పింది. వెంటనే ఆమె బంధువులు వేములవాడ పోలీసులకు ఫిర్యాదు చేయడంతో సెల్ ఫోన్ సిగ్నల్స్ ఆధారంగా బాధితురాలిని గుర్తించారు. వేధింపులకు పాల్పడిన లక్ష్మణ్ జగపత్‌ని అరెస్టు చేశారు. బాధితురాలిని, ఆమె ఇద్దరు పిల్లలను రక్షించి సిరిసిల్ల సఖి కేంద్రానికి తరలించారు.

Also Read: ఇంట్లో దొంగలు పడ్డారంటూ మహిళ ఏడుపు.. ఎదురింటాయనకి షాక్.. ఖాకీల ఎంట్రీతో అదిరిపోయే ట్విస్ట్

LEAVE A REPLY

Please enter your comment!
Please enter your name here