sinopharm vaccine: టీకా విషయంలోనూ చిరకాల మిత్రుడికే ఓటేసిన పాకిస్థాన్! – pakistan govt approves use of china’s sinopharm covid vaccine

0
28


కరోనా టీకా విషయంలో ఊగిసలాట ధోరణి ప్రదర్శించిన దాయాది.. ఎట్టకేలకు కీలక నిర్ణయం తీసుకుంది. దేశంలో అత్యవసర పరిస్థితుల్లో ఈ వినియోగానికి ఈ వ్యాక్సిన్‌ను ఉపయోగించనుంది. అయితే టీకా విషయంలోనూ తన చిరకాల మిత్రుడు చైనాకే ఓటేసింది. ప్రపంచంలో పలు దేశాలు అభివృద్ధి చేసిన టీకాలు 90 శాతం పైగా ప్రభావం చూపుతున్నా.. కేవలం 79.3 శాతం ప్రభావం చూపుతున్న చైనా టీకా సినోఫార్మ్‌కే ఇమ్రాన్ ప్రభుత్వం మొగ్గుచూపింది. ఈ మేరకు చైనా వ్యాక్సిన్‌కు అనుమతులిచ్చినట్లు డ్రగ్ రెగ్యులేటరీ అథారిటీ పాకిస్థాన్ (డీఆర్‌ఏపీ) ప్రకటించింది.

చైనా నుంచి డోస్‌లు రాగానే వాటిపై పూర్తి నిఘా ఏర్పాటు చేసి, ప్రజలకు అందజేస్తామని తెలిపింది. ప్రతి మూడు నెలలకి ఒకసారి వ్యాక్సిన్‌ల నిల్వ, భద్రత, సామర్థ్యం, ప్రభావాలపై ప్రత్యేక సమీక్షను నిర్వహిస్తామని వెల్లడించింది.

‘జనవరి 18 రిజిస్ట్రేషన్ బోర్డ్ ఆఫ్ డ్రాప్ నిర్వహించిన సమావేశంలో చైనా నేషనల్ ఫార్మాస్యూటికల్ గ్రూప్ (సినోఫార్మ్) తయారుచేసిన మరో వ్యాక్సిన్‌కు కూడా అత్యవసర వినియోగం కింద ఆమోదించింది’ అని రెగ్యులేటరీ బాడీ ప్రతినిధి ఒక ప్రకటనలో తెలిపారు. ‘ఆక్స్‌ఫర్డ్, సినోఫార్మ్ టీకాలు రెండింటి భద్రత, నాణ్యతను మదింపు చేసి.. కొన్ని షరతులతో కూడిన అనుమతి మంజూరు చేశాం’ అన్నారు.

ఈ ఏడాది తొలినాళ్లలోనే 1.2 మిలియన్ డోస్‌లను దిగుమతి చేసుకుంటామని తెలిపింది. చైనా టీకాలు సైనోవ్యాక్, సైనోఫార్మ్‌లను సులభంగా పంపిణీ చేయవచ్చు. ఫైజర్-బయోఎన్‌టెక్, మోడెర్నాల కంటే వీటిని భద్రపరచడం కూడా తెలికే. సాధారణ రిఫ్రిజిరేటర్ వద్దే చైనా టీకాలను నిల్వచేయవచ్చు.

కాగా, టీకాలపై పరిశోధన, ఉత్పత్తి విషయంలో భారత్ చైనాకు ఏమాత్రం తీసిపోదంటూ భారత్ సామర్థ్యాన్ని పరోక్షంగా అంగీకరించిన విషయం తెలిసిందే. అంతేకాకుండా.. టీకాల ఎగుమతులకు భారత్ అంగీకరించడం ప్రపంచానికి ఓ శుభవార్త అని కూడా పేర్కొంది. మరోవైపు, చైనా టీకాల సామర్థ్యం, అక్కడి ప్రభుత్వం పాటిస్తున్న అనవసర గోప్యతపై సందేహాలు వ్యక్తమతున్నాయి. ఇక, ధనిక దేశాలన్నీ తమ ఇళ్లు చక్కబెట్టుకునేందుకే ప్రాధాన్యం ఇస్తుండటంతో పేద, మధ్యఆదాయ దేశాలు కరోనా టీకాల కోసం అల్లాడుతున్నాయి.

LEAVE A REPLY

Please enter your comment!
Please enter your name here